Pacar bayaran

Komunitas WawaLuhan

23 Januari · 

Bismillaah.. Kembali findi pop menghadirkan kisah yang mendayu dayu

Pacar bayaran

(Suatu hari di rumah saurang ciwi,dudukan si ciwi ni wan umanya sambil mamancukkan,bapandiran)

Uma angel:kalu dipikir pikir ,ikam ni angel sudah cukup umur kalu,sadangai sudah balaki..

Angel:(takalipik)akayyahai..

Uma angel:kuliah sudah tuntung,bagawi sudah,sadangai dicari calun juduh gasan manajak tinda biru,ada ai kalu nang handa wan ikam nang muha mirip madhuri dixit..

Angel:amun nang handak wan ulun ni ma ai bahambur pang,salain muha bungas wan kici,wanita karir ha pulang,cuma kadada nang masuk kriterianya lagi..

Uma angel:agak di untal,kriteria nang kaya apa garang mudil kahandak..

Angel:muhanya nag kaya tum cruse ma ai,mutur ferrari,rumahnya ganal ada kulam ranang,panampilan parlinti..

Uma angel:(takalipik)huma huma huma,prepet pet pet pet buuus..(Takantut kantut)

Angel:(takalipik)curut bakantut sidin..(Bapicik hidung)

Uma angel:liwar kahaharatan pilihan,saurang muha maalang alang bungas..

Angel:meneketehe mam..(Takaradut muha)

Umaa angel:bacari calun laki tu angellai kada musti sugih wan kaliwat langkar muha ,asal cukupan haja nang panting taat ibadah,parcuma sugih harta,rupa bungas tapi kalakuan kaya bala,satutumat bagandakan,kada bagaduh lagi wan bini dirumah..

Angel:tapi ini jamanya lain ma ai ,sagala sasuatu harus diukur wan duit,wan jua himung jua kalu pian mun ulun baisi laki tampan wan tajir..

Uma angel:iih amun dapat,mun kada pang pada peraii ha..

Angel:makanya disaliksi dulu,basabarai..

Uma angel:sampai kapan netu,bujur haja ikam wayah ini bungas,tapi kada sadarkah ikam usia mamudarkan kacantikan rupa,nang dahulunya kancang wayah ini tinggal lanjutnya,apa ikam mahadang jadi lanjut alias saraba landur dulu hanyar balaki..

Angel:(takalipik)huumaaa ngerinya..

Uma angel:di pikir netu,jangan aur manurutakan hati haja..

Angel:jadi nang kaya apa pang..

Uma angel:pukuknya minggu kaina ikam harus mambawa calun laki,mun kada kutinggalakan madam ikam jadi tkw aku ka arab,nyaman talaki urang arab,kada bagaduh lagi aku wan ikam,mauk mahadang kalalawasan handak manimang cucu,baik aku baulah saurang..(Tagas)

Angel:(takalipik)huuma iyakah..

Uma angel:nang kaya apakah tawasnya bawa haja karumah,kaina aur pilih pilih,kada ingat lagi wan umur,bahujung kada sing lakian..(Bajauh)

Angel:beuh uma tu,kada kawa malihat kasananganku haja,urang masih handak manikmati masa lajang,malah disuruh balaki,ku tallipun pang kawanku si latifah..(Manalipun)

Bunyi ringtune: cik ki ciik ki bum bum ala la beibeh cik ki ciik ki bum bum ala la beibeh..

Latifah:(ditalipun)ada apa angel..

Angel:fah tulungi aku pang,aku ni disuruh umaku minggu kaina harus babawa calun laki karumah,secara aku kada sing pacaran nah..

Latifah:ikam jua kabanyakan gaya,aur tulak tarus wan cuwu..

Angel:nyata ai ku tulak tarus,sanunuh ada nang handak,urang nang katuju basaung hayam,urang nang sudah babini,ada jua tabaik salis dumpit ,mudal mainjam wan urang,sakit adul..

Latifah:imang ikam handak balakikah sudah angel..

Angel:kada pang,gasan manuruti kahandak umaku banarai,kaya apa yu lah bingung aku nah..

Latifah:apa nang harus ku bantu nih..

Angel:kaya ini haja,ikam cariakan lakian nang kada mangaruan tampuh tapi jinak urangnya,gasan ku kanalakan wan umaku,nah pas malihat urangnya pina sakit jalas sidin kada katuju,akhirnya sidin kada mamaksaakan kahandaknya lagi,balalakasan manyuruh haaku bacari calun laki,jadi aku kawa bibas..

Latifah:uuh kaya itukah..

Angel:adalah ikam baingatan..

Latifah:ada ai,kawanku dikampung ngarannya utuh..

Angel:dari ngarannya haja pina sakit pang putungan barangnya..

Latifah:kaina minggu kaina ku tamuakan ikam wan utuh..

(Singkat kisah batamuan angel wan utuh,nang dibawa latifah)

Latifah:ni urangnya angel..

Angel:(dalam hati)waduh kada gaul lalu urangnya,bapakai baju koko,bakupiahan,basandal capal ha pulang..

Latifah:kaya apa angel,mantap lah sasuai kahandak..

Angel:(dalam hati)amun kaya ini jalas umaku kada hakun hehe,siip latifah..

Latifah:nah bapandir ikam wan utuhnya..

Angel:ui bus,ikam pura pura jadi pacarku kaina kukanalakan wan umaku,sabagai imbalannya ku bari duit 3 juta..

Utuh:waah maaf banar dingai,amun disuruh badusta ka utuh kada handak,apalagi mandustai urang tuha,dusa banar netu..

Angel:tapi ikam kubari duit bussai,masa wan duit ugah..

Utuh:maaf banar nah,kayanya ikam salah urang,jujur saumur hidup aku kada bisa mamasukakan sasuatu nang haram kadalam parutku ni..

Angel:(dalam hati)curut gaya banar hantu ni kaya apa akal yu,(pura pura)hiks hiks tulung ulun ka ini demi manyanangkan hati uma ulun nang tinggal saumur jagung..

Utuh:maksudnya..

Latifah:(dalam hati)beuh akal akalan angel haja ni putungan..

Angel:uma ulun mandarita panyakit nang kada lawas lagi cagar mudar hiks hiks..(Sandiwara cinta samusim jaah)

Utuh:hmm amun kaya itu ayuai,badusta demi kabaikan..

Angel:yes yes..

Latifah:mintiiiiiiiiiiiit..(Basampuk kalingking)

Angel:kalu kaya itu ayuai ka ai kita karumah..

Utuh:ayuu..

(Tulakan angel wan utuh karumah angel)

(Tes vukal dulu nah,katuju juakah buahan sanak baarataan wan kisah ini)

apa yang akan tarjadi salanjutnya,nantikan hanya di kowa

Penulis

Fendi ramanda

Read More

Komunitas WawaLuhan

22 Januari · 

Karna minik dikampung kada bagawian, Utuh pun akhirnya tuLak marantau ka Banjarmasin handak mancari gawian. Matan Hamuntai inya naik taksi kuL ka Banjarmasin dengan mambawa kadut nang baisi baju, basandaL sapit nipun wan batupi purun (kasiannya ai), inya pun duduk ditaksi bangku nang ditangah.

DiparjaLanan Utuh nih sakit parut sudara sudara, "aduhh sakitnya ai parut ku, handak bakantut aku nah" jar Utuh dam hati..
"Bah daripada jadi panyakit baik ku Lapas haja nah, 'cuuuuusssss...!!!!'" Utuh bakantut kada babunyi.. (kira kira ganaL kaLu dah pabrik Utuh nih jadi kantut kada babunyi)

Kada Lawas Langsung kuciakan barataan panumpang tamasuk jua Utuh didaLam taksi, "Umaii baunya ai kantut, siapa nang bakantut bau jaring nih??"
"ikam kah nang bakantut" jar Utuh manunjuk ka panumpang nang duduk dihiganya.
"bah wani buruk buritku kadada aku bakantut, bau jaring ha puLang, aku kada suah makan jaring Lah, ikam jangan nuduh aku" jar panumpang nitu manyahuti..

Para panumpang kadada nang ngakunya dan saLing tuduh manuduh dan parak dah handak bakaLahian gara gara bau kantut.
Tiba tiba Utuh basuara, "Sudah sudah kada usah abut kada usah barucai gara gara kantut, mun kada ada nang ngakunya baarti supir tu nang bakantut, kan anginnya bahambus matan hadapan"

Para panumpang pun Langsung tatawaan mananawakan supir nang bangaran CupLis, "hahahahahahah, wuuii pir, ikam imbah makan jaring kah hahaha.."
CupLis pun Langsung habang muhanya karna dituduh Lih Utuh bakantut, tapi CupLis ranai haja kada wani sarik karna takutan kaLu panumpang turunan tangah jaLan.

Akhirnya sampaiLah ditaksian paL 6 Banjarmasin, para panumpang turunan dan mambayar ungkusnya satu parsatu.
Kada jauh kira kira 5mitir buhan panumpang tadi bajaLan maninggaLkan taksi, tiba tiba CupLis pun bakuciak, "Wuuuiiiiiiiii... Nang bakantut bau jaring tadi baLum bayaaarrrr..."

Karna marasa dikuciaki dipadahkan baLum bayar, Utuh pun Langsung manjawab :
"WUII SUDAH TADI AKU BAYAR, KADA MARASAKAH AKU TADI BAYAR PAKAI DUIT SARIBUAN"

CupLis : Wkwkwkwkwkwkhahahhah katahuan dah barangnya siapa nang bakantuttt hahahaha..
Para Panumpang Lain pun Langsung mancatuki kapaLa Utuh.
Dan barataan urang urang nang ada ditarminaL pun maniringi ka muha Utuh

Mamaaaaaaaa Utuh supaaannnn Maaaaaa!!!!!!!!

Jaaahhhh Diento HuLu..

[Boys Takuhup]

Read More

Komunitas WawaLuhan

19 Januari · 

Cuba di ingat-ingat, pasti KoWaLovers suah maLakukan haL haL barikut ini :

1. Waktu Lagi haLus umpat basapida mutur hari maLam, LaLu maLihat buLan nangkaya mairingi kita

2. Waktu bamutur, maLihat pupuhunan nang agak jauh, pupuhunan itu kaya bagarak ka baLakang.

3. Waktu ba sapida tinjak, bisa baLapas tangan dari satang sapida, sudah marasa harat dan sanangnya kada sakira.

4. Waktu Lagi haLus, suah manggambar matahari diantara dua gunung.

5. Manggambar burung manggunakan hurup M. Pasti suah nih?

6. Waktu Lagi kakanak bapikir bahwa bantuk asLi dari hati adaLah nangkaya gambar Love.

7. Masa SD bagi raput ada nang mambagikan nasi gratis, imbah maambiL sakaLi, LaLu manyamar pura pura baLum dapat supaya dapat Lagi.

8. Masih masa SD, takutan banar mun ada habar habar handak suntikkan

9. Mun ada tugas baLum digawi singhaja kada mambawa buku Latihannya, kainah ba aLasan bapadah kada ingat mambawa.

10. Manutup kuLkas bagamat hanya untuk maLihat Lampunya mati

11. Mancuba untuk manyaimbangkan katikan Lampu antara on dan off

12. Bapatak dijamban atau didaLam Lamari saat main papatakan

13. BajaLan masuk ka suatu ruangan, tiba-tiba kada ingat handak ma'apa, Langsung kaLuar Lagi, tiba-tiba sudah ingat Lagi.

14. MaambiL sabiLah sapu Lidi LaLu manabas nabasnya hingga babunyi ''whuks.. whuks..''

15. Imbah makan snack atau ngipung mie, kuLir mambuang kuLitnya, dan disisipkan dikursi atau dihiga ranjang.

16. Masa SMP atau SMA, ada sampah di bawah bangku, Lihat kanan kiri, yakin kada ada nang maLihat Langsung manggisir sampah tarsabut ka bangku subaLah.

17. Mambuka sms dari urang, mikir handak mambaLas napa, pas handak mangatik kada ingat urang nang ma sms tadi bapadah napa.

‪#‎Hayuu‬ KoWaLovers suah maLakukan numur nang mana haja??

[Boys]

Read More

Ratna Pambantu SaLiwang

omunitas WawaLuhan

12 Januari · 

Ratna Pambantu SaLiwang

Ratna datang dipasar, LaLu inya dihiyau majikannya..

Majikan : Raatt, aku handak MAMACAT ikam
Ratna : ULun datang di pasar nukar sayur, mun cat kadada urang bajuaL disana
Majikan : @#$%&? Pukunya ini pasangun ikam dan wayahini jua ikam pergiii... CEPATT

Imbah narima duit nang dijuLungi tadi, Ratna Langsung bajaLan kaLuar. Kada Lawas Ratna datang

Majikan : Napa ikam babuLik puLang kasini??
Ratna : Nih pak, uLun sudah nukar cat
Majikan : Aku nyuruh ikam tadi cepat PERGI
Ratna : SabarLah pak, uLun sudah Lapah bajaLan di suruh nukar sikat gigi puLang Lah
Majikan : WuaLLLaaahhh DODOL
Ratna : Bagimit haja pak bapandirnya, uLun kada tuLi, uLun mandangarai.. Jadi, sikat gigi Lawan odoL kah pak..
Majikan : @#$%&? DASAR BEGOO...!!!
Ratna : Bapak nih gaya banar, pakai bahasa inggris ha puLang.. Go artinya pergi kan pak??
Majikan : Ikam jangan mauLa aku jadi BADOSA Lah
Ratna : Inggih pak uLun tuLakai nah, jangan ma ancam uLun kaya itu nah pak, masa uLun handak diparkusa sagaLa
Majikan : @#$%&? (kana sarangan jantung)

Dah Itu Haja

[Boys Takuhup]

Read More

Perjanjian juduh 5

Komunitas WawaLuhan

29 Desember 2015 · 

Bismillaah..kembali findi pop menghadirkan kisah mendayu dayu

Perjanjian juduh 5

Utuh:jaman bulih mudirn,peradaban manusia bulih maju, sebagai mukmin kita tetap patuh terhadap hukum Allah, ingat bukan Al Qur'an yang mengikuti jaman, tapi jamanlah yang harus mengikuti Al Qur'an, sekali lagi bukan Al Qur'an yang mengikuti jaman tapi jamanlah yang harus mengikuti Al Qur'an sebab hukum Tuhan dari dulu hingga akhir nanti kada akan pernah berubah sedikitpun,sacanggih canggihnya,samudirn mudirnnya jaman ,hukum Tuhan sebaik baik hukum yang mangatur kahidupan ini,dan tak ada satu hukum manusia manapun yang mampu manandinginya..(Lantang)

Amat:(takalipik)hah...

Aditz:(takalipik)haaah..

Ratna:(takalipik)haaah..

Lina:(takalipik)hah..

Sella:(takalipik)haaah..

(Takajut barataan,mandam dibuat pandiran utuh)

Uma sella:(dalam hati) hen nganga nganga an barataan manusianya, mangana banar pandiran utuh,(hanyar tapikir) ai iih ujar utuh tadi jam 3,ashar haja sudah tuntung, ini jam 4 sudah,maka utuh datang tadi ba ashar,beuh mati saku jamnya tu, katahuan buahan kawanan sella kadada nang sambahyang juhurnya..(Nganga nganga mahintipakan)

Shella:pina musti mancaramahi urang,situ pang yakinlah masuk surga bus,preeeeet kalu..(Menyengkeng)

Ratna:iih sella lah,pina gaya ha manasihati urang,saurang amun tantu jua salamat..(Kada handak kalah)

Utuh:sual itu hanya Tuhan yang tau,tapi janji Allah Yaa Robb pasti dipenuhinya,apabila kita taat pada Nya,menjalani segala yang diperintahkan,menjauhkan segala yang dilarang,jauh dari sifat sumbung dan riya maka Allah akan menempatkan ditempat yang mulia,dan Tuhan Maha menepati janji..

Lina:kisah pa alimnya ha balaluan..(Kada handak kalah)

Utuh:hmm aku hanya manyampaikan apa yang saharusnya disampaikan..

Aditz:kisah pambagusnya ha akhlak,bapadah haja bussai situ kada handak kalah,supaya sella hakun diambil bini ulih situ,kalamahan kami dicari..

Amat:tahu dit lah,akui ha,situ handak bacari muka kalu..

Sella:sapuluh kali bacari muka,mun urangnya sakit kaya bus ni,tatapai aku nehi nehi dendi..(Gaya jual mahal)

Ratna:xixixixixi..

Lina:maklum si pungguk marindukan bulan..(Takulibi)

Utuh:hmm aku akui sella ini mimang cantik,kalu dijadiakan pacar manis haja pang, salain bungas,gaul wan baisian mubil,tapi untuk dijadikan bini,sellaa ini bukan pilihan yang tepat..(Ini renungan buat binian,hakun jadi rebutan gasan dipacari atau jadi rebutan sebagai wanita pilihan buat dinikahi)

Sella:(takalipik)hah..

Utuh:jika akhlaknya, sella saurang kada mau marubahnya,parcuma mambari saribu nasihat,sampai kapan haja ,ucapan yang datang tentang kabaikan,kada akan mau dijalanakannya,ini bisa jadi marupakan katumpulan mata hatinya,yang labih mamantingkan sifat egunya, dan inya maanggap,bahwa nasihat yang baik itu hanya marupakan kata kata manggurui samantara inya sudah marasa dirinya pintar ,tanpa mamikirakan bahwa nasihat yang datang ini bisa jadi marupakan petunjuk Tuhan melalui lisan urang lain untuk kebaikannya,maka sella ini kada akan bisa di bimbing manjadi bini yang baik,yang ada bawaannya hanya malawan haja..

Sella:pandir ha katiya hakun ha dijuduhakan wan aku,kada mamikirakan urang kada hakun lalu wan inya..(Sarik banar asa kakalahan)

Utuh:katahuilah aku datang kasini,sakadar handak mawujudakan impian arwah abah,meski pas manganal ikam,tarnyata ikam bukan pilihan yang tapat gasan aku,akan tatapi jika ikam kada sudi wan parjuduhan ini,dengan sanang hati aku barsadia undur diri, dan sadikitpun aku sama sakali kada marasa kahilangan ikam sella ai..

Sella: caah buhung,urang haja bahambur marabutakan aku ni,masa ikam urang kampung kada kaciwa kada jadi tajuduh wan aku,sudah bungas tajir lagi,kan aniiih..(Agak)

Amat:hahaha bujur sella ai..

Utuh:hehe ikam pikir aku sabagai urang kampung marasa kaciwa banar kada mandapat binian kaya ikam..

Sella:uh jalas,amat wan aditz cuwu karin wan gaul haja jatuh bangun wan aku..(Agak)

Amat:(takalipik)akay..

Aditz:(takalipik)humaaaaaa..

Ratna:asli bujur sella lah,tahu haja kami, situ handak mambuang supan banarai ditulak sella iya kalu..

Lina:kalihatan sudah barangnya,pina kaya siput dipais muhanya..

Utuh:hehehe kanapa jadi urang kaya amat wan aditz jatuh bangun wan binian kaya ikam sella..

Sella:ayu kanapa..

Utuh:sabab salira buahannya tarlalu randah..(Lantang)

Sella:(takalipik)hah..

Ratna:(takalipik)hah..

Lina:(takalipik)hah..

Amat:(takalipik)hah.

Aditz:(takalipik)hah..

Utuh:bagaimana aku katuju wan ikam wan kaciwa kahilangan ikam,samantara kacantikan ikam relatif haja, tapi hati ikam liwar sumbungnya,saulah kacantikan yang ikam miliki wan sagala pakaian yang ikam pakai adalah diciptakan ikam saurang,sahingga dengan sumbungnya ikam marasa ikam paling sampurna dan dengan kasumbungan ikam,tanpa manjaga parasaan urang ikam habis habisan manghina urang kaya aku,iya ikam kaya harta,tapi ikam miskin iman..

Sella:(takalipik)?????

Utuh:katahuilah, biar aku urang kampung saliraku sangat tinggi,saliraku binian itu harus taat pada Tuhan,berakhlak mulia,rendah hati, pandai manjaga lisan,manutup aurat sasuai yang diperintahkan Tuhan,dan pandai manjaga perasaan urang lain,dan dengan sifat baiknya dia dimuliakan Tuhan, sakarang aku batakun, sudah ikam miliki kah apa yang ku jabarkan tadi..

Sella:(takalipik)hah..

(Yang lain tadiaman)

Utuh:bila balum, maka ikam bukan wanita pilihan..(Bajauh)

Sella:(dalam hati)asli lingu tapakalah pulang haaku,liwar camuh handak mangalahakannya malah saurang nang bangai..(Kilip kilip mata)

(Lamas sella dapat pandiran utuh)

Aditz:dipikir pikir bujur jua pang jar utuh,beuh aku kada jadi handak wan ikam sella ai,supan aku mahandaki ciwi nang miskin iman..(Bulik)

Sella:(takalipik)hah..

Ratna:(takalipik)akay..

Lina:(takalipik)hah..

Amat:saliraku tinggi jua pang kaya utuh, aku kada jadi jua handak wan ikam sella ai,apalagi wan ratna sama lina ugah la yaw ,rusak pamur baisian salira randah tahandaki binian buruk akhlaknya.. (Bulik jua)

Sella&ratna&lina:(takalipik)hah..

Ratna:bunyulnya kanapa jadi taumpat tajalapak jua haaku..

Lina:asli gagilaan malah tadadar nini..

(Kaluar mama sella)

Uma sella:kaliliwaran pang sella ai ikam ni kalakuan,kuitan tu mamilihakan juduh tu kadanya salah pang,rusak bujur acara..

(Nganga nganga sella,kada lawas kaluar utuh wan umanya babawa tas)

Uma utuh:ding kami handak bulikan damini nah ka kandangan..

Uma sella:ai iyakah,kaya apa parjuduhan anak kita tadi ka..

Uma utuh:jadi atau kada kita tatap kaluarga,mudahan sella dapat juduh nang sasuai pilihannya..

Utuh:cil ulun minta maaf kalau ada salah kata,ading sella barelaan dulu kita lah..

Sella:a a an ai I in inggih..(Gugup)

Utuh:mudahan ading mendapat juduh yang baik,aku datang kasini barharap dapat mawujudakan impian abah,akan tetapi seperti kata admin fendi ramanda " jika kehadiran tak memberi arti.. Maka berlalu adalah pilihan indah " ,kita mimang barbida pandangan,dan barbida panilaian, tapi kita satu dalam harapan,harapan ingin mendapat yang terbaik,aku bukan yang terbaik buat ading,begitu juga ading bukan seperti yang kuharapkan, satu kata "maafkan aku"

(Bulikan buahannya ka kandangan)

(Dikamar)

Sella:waduh kanapa asa manyasal kaya ini ih,waduh..(Galisah)

(Ditaksi)

Uma utuh:basabarai tuhhai..

Utuh:hehehe ulun santai haja ma ai,nang disasalkan impian abah tii banarai kada tawujud..

Uma utuh:iya tii..

(Imbah bulik ka banua,babarapa bulan kamudian utuh batamu juduhnya anak tuan guru pimpinan punduk pasantren,pas bakirim undangan)

Uma sella:bangai babanaran ikam ni sella ai ngarannya,sudah impian arwah kuitan kada tawujud,cagar laki pulang nang kababaikan akhlak cagar kawin wan urang,haduuuh..(Taduduuk)

Sella:(bakuciak)tidaaaaaaaaak,hiks hiks hiks ka utuh jangan tinggalakan ulun ka,ulun mancintai pian..

(Manyasal sella,tapi nasi sudah manjadi bubur)

TAMAT

Ketika nasehat datang,jangan beranggapan bahwa sang pemberi nasehat hanya manggurui sakalipun dia dari kalangan awam,sebab bisa jadi nasehat itu marupakan patunjuk dari Tuhan malalui lisan sasaurang,karna tak ada satupun yang bisa bergerak tanpa ijin dan kehendak Nya,maka sikapilah dengan bijak

Sebab

Mukmin yang baik,dia rindu akan nasehat

Sampai jumpa dikisah lainnya

Maaf hanyar pusting,takana auran wan handak malihat admin lain pusting kisah,barhubung ranai kaya kuburan ,sowangai nang pusting

Amun. Kisah hanyar bajudul "RAJA BAUNG" kira kira katujulah yu

Penulis

Fendi ramanda

Read More

Perjanjian juduh 2

Komunitas WawaLuhan

14 Desember 2015 · 

Bismillaah..kembali findi pop menghadirkan kisah mendayu dayu

Perjanjian juduh 2

Utuh:(dalam hati)aku dapat membaca kallu shella ini,binian nang keras kepala,kada mudah manurut,pasti ada nang sadang di siasatinya dibalik kaputusannya tadi..

Shella:(dalam hati)hmm lihat haja kaina,akan ku buat supan ikam tuhhai dihadapan kawananku..(Manciling wan utuh)

Uma shella:mun kaya itu ka ai,pian bamalam haja dulu disini,kada sarana bulik dulu ka kandangan..

Uma utuh:kada mariputakanlah ding kami disini..

Uma sella:nangapa nang mariputakan ka,malah ulun himung banar..

Uma utuh:amun kaya itu tii ayuai,aku handak bajuhur hulu nah dingai..

Uma sella:sella diantar acil wan utuh ni ka kamar tamu..

Sella:enggih ma..(Pina ambak)

Uma sella:silakan ka ai,lun handak bajuhur jua dulu ka kamar hanyar manyiapakan makanan gasan makan siang..

Uma utuh:iyiih..

(Diantar ulih sella ka kamar,hanyar sella ka kamarnya)

(Dikamar)

Sella:gagilaan mama tu haaku maka dijuduhakan wan lakian kampung,kada level lalu,jaka si aditz si pambalap kawan kuliahku,atau amat anak band manis jua kasai,ini waduuh urangnya bakupiahan nangkaya urang handak bapintaan sakit lalu panampilan..(Marandahkan,asa tinggi darajat)

(Dikamar tamu)

Uma utuh:tuh kaya apa tii si sella liwar langkar kalu,artinya cucuk haja kalu cagar bini ikam..

Utuh:uluun nitii ma ai mancari bini ti,kada masti mamandang rupa,nang panting baik ilmu agamanya,hurmat wan nang tuha,bagus tutur sapa, mudahanai netu ada pada diri sella,sualnya mun itu ada pada diri babinian,baik tu dijadiakan pandamping hidup..

Uma utuh:manurut ikam tii pang tuh kaya apa si sella tu..

Utuh:ulun kada wani manilai dahulu ma ai,sabalum mengenal jauh si sella,yang pasti parjuduhan ini ulun ikhlas haja..

Uma utuh:ikam niti tuhhai liwar baik akhlak, bauntung binian dapat ikam nitii..

Utuh:ulun manusia biasa ma ai kada luput dari khilaf..

Uma utuh:ayu kita sambahyangan hulu,imam ikam tuh..

Utuh:enggih ma..

(Sambahyangan buahannya,samantara itu imbah tuntung sambahyang uma sella manyiapakan makanan di mija wan sella)

Uma sella:ku parhatiakan mattan tadi muha ikam ni sella ai,nang kaya tapasan baal pina kusut nangapa habar..

Sella:(takalipik)akayy, kada papa ma ai,tapi umung umung bujurankah ma lun ni dijuduhakan wan ka utuh tu..

Uma sella:iih,utuh tu sella ai inya anak nang baik,panyambahyangan,supan wan urang tuha,baik tutur sapa,inya manurun sifat kuitannya, dikandangan tu lah,mana bisa baramian, nang digawinya mambantu kuitan, kapangajian menuntut ilmu agama,kada salah kuitan ikam manjuduhakan wan utuh tu..

Sella:bujurai kaya itu,cuma kada tapi gaul pang kaya buahan kawanan ulun..(Agak)

Uma sella: gaul ha nang diuntal,kawan ikam tu bisalah mangaji,bisalah ka tampat pangajian,ini kada kawa dianggap enteng sella ai masalah agama ni..

Sella:bisa ai kira kira ma ai,nang pasti bisa babalapan,wan maudak alat musik,gaul kaya buahan artis jua..(Hungang)

Uma sella:saraf jua,nang kaya itu nang dipikir,imbah ikam kawin kaina,alunan gitar kah,atawa bagamal nang mambawa ikam katanangan,mun handak kaya itu tukar sapikar saratus bigi,wan tip compo nang bisa ba dj an,hidupi nyaring nyaring sampai tahambur tahi talinga jangan baampihan,sama ha jua bunyinya..(Sarik)

Sella:(takalipik)beuh kada nyambung lalu uma ni,kada kaya itu pang maksudnya..

Uma sella:pukuknya diturut ha kaputusan kuitan ikam ni,mun handak mambuat tanang arwah abah ikam dikubur tu,sualnya ini cita cita abah ikam gasan mampararat hubungan kaluarga kita wan kaluarga utuh, jangan tapi banyak cingcung..(Sarik banar)

Sella:eng eng enggih ma ai,tapi kami saling manganal pang dulu ma ai,siapa tahu ka utuh asa kada cucuk jua wan ulun,ngalih dipaksaakan ini masalah masa dapan..

Uma sella:jangan malajari haaku,ayuha pidikati dulu,tapi jangan manyakiti hati utuh,inya bilang kaya anakku jua utuh tu,sualnya kuitan ikam ni wan kuitannya bilang kaya badua baading,angkat lagi pada saudara,mandangarlah,mun kada mandangar dibarasihi dulu curik di talinga tu..(Liwar kasasarikan)

Sella:(takalipik)akayy ngerinya..(Nganga nganga)

(Kada lawas kaluaran uma utuh wan utuh)

Uma sella:(dalam hati)subahanallaah kalalangkaran utuh ni,nang kaya ustad artis,kada salah mun jadi minantuku,jakanya kawa haaku nangg jadi bini,akayyyy..(Gagarunum dalam hati)

Sella:(dalam hati)gaya alim hantunya,padahal iqra amun tamat kaluah..(Takicing)

Uma utuh:uwaay hudah siap banarrah ding..

Uma sella:enggih ka ai,ayu kita makanan..

Uma utuh:masakan ading ni liwar nyaman,bisa banar mambumbui,arwah abahnya utuh tu manguya haja rajin,masakan ading di banjar tu jar din liwar nyaman umanyalah,balajar dimanakah lah ading tu..(Maambung)

Uma sella:hehehe biasa haja ka ai,maklum ka ai banyak kursus wan buahan koki ternama..(Liwar himung)

Uma utuh: iih mandai,mun pian tu dingai mambuka rumah makan,bisa bagalut urang makanan wadah pian,napang saraba masakan bisa banar maulah kanyanyamanan..

Uma sella:hehe bagitulah ulun ka..(Habang anum muha)

(Makanan buahannya,uma sella aur mancangangi sella)

Uma sella:(dalam hati)kulihat aur sella ha nang mancangangi utuh,si utuhnya kada tahu tahu,napa yu lah..

Sella:(dalam hati)beuh makan batangan haja si garduu,kada bisa manatak daging pakai mata pisau,maklum kada paham tata cara makan,(managur) ui ka kanapa pian kada manatak daging pakai pisau makan,kada pahamkah tata cara makan ala kuta..(Hungang)

(Bacacangangan barataan)

Uma sella:sella husss..(Managur)

Uma utuh:inya utuh ti itai ai (ITAI bahasa kandangan panggilan buat anak babinian kasayangan)nang ngaran hidup dikampung kada paham nang aturan kaya itu tii..(Manyahut)

Uma sella:waduh amun nang kaya itu cagar manyupani,mun saruan wan ulun wadah kawanan ulun nang bonafid..(Agak)

Utuh:hmm,nang ka utuh tahu dingai, makan dengan mamutung daging manggunakan pisau makan,menyuapnya dengan tangan kiri sebab senduknya ada ditangan kiri mamutungnya dengan tangan kanan, sementara Rasululullaah SAW menganjurkan makan dengan menggunakan tangan kanan, sebagai umat Rasul ka utuh lebih mengutamakan mengikut cara Rasul,ketimbangg tata cara makan ala mudirn..

Uma sella:nah didangarakan sella ai talinga darah tu,jangan bapiragah mudirn haja, utuh ni biar hidup di banua tapi pengetahuan kada kurang kurang urang,kada kaya ikam aur mudirn haja nang diuntal..

Sella:(takalipik)akay, meneketehe mam..(Kakalahan,dalam hati) waduh kalah set aku,awas kaina ikam kubalas,gaya jua hantunya kisah pintar,padahal curut..(Sarik)

(Imbah tuntung makanan)

Uma sella:sella dibawai utuh ni bajalanan bakaliling,ka mall kah..

Sella:(takalipik)apa ma mambawa ka utuh..

Uma sella:iih,pakai mubil ikam,dilalakasi ha jangan nganga nganga,ada kamasukan balalang muntung tu..

Sella:(takalipik)akayy..

Utuh:(takalipik)?????

Uma utuh:????????

Uma utuh:(mambisiki)tuh dibawa duit 5 juta ditangan,aku ada firasat kada bagus..

Utuh:enggih ma..

Sella:ayu ka..

Utuh:iyaa,assalamu'alaikuum..

(Bacium tangan kuitan,wan cagar mintuha,hanyar tulakan)

(Bagaimana kisah selanjutnya,masih dikatujuikah kisaahnya)

Insya Allah malam ini ku posting kisah tarakhir padang hantu 6,bila banyak haja yang online

Penulis

Fendi ramanda

Read More

Padang hantu 5

Komunitas WawaLuhan

11 Desember 2015 · 

Bismillaah.. Kembali findi pop hadirkan kisah horooooor^

Padang hantu 5

(Bukahan buahannya kada lawas banguun pucungnya taimbai wan kuyang)

Kuyang:waduh raum panjanak,kamih liwar bangat pada hantu,tulin sing bauan..

Pucung:humaa tulin bakunang kunang mata dapatnya tacium kamih urang gila netu,liwar sangak..

(Pas bacacangangan pucung wan kuyang)

Kuyang:pu pu puc pucuuuung..(Tarabang bukah)

Pucung:ku kuy kuyaaaaaaang..(Mancaracat baluncat bukah)

(Sama pada pancat kuyang bukah malihat pucung,pucung bukah malihat kuyang,samantara itu)

Utuh:bamandak dulu buahannya asa manggah aku huuh..(Manggah)

Abah ijum:nahma tuhhai,asa kada kawa bahinak lagi haaku,incuk asa kumat kalalajuan bukah,huuuh..(Manggah)

Amat:asa raum panjanak kajajauhan bukah waduuuh,lucut adul..

Abah ijum:hiraan haaku kanapa aur hantu haja nang ditamui,kita ini suudah masuk kapadang hantu pinanya tuhhai,sualnya ku amati pina kadada kahidupan manusia disini..

Utuh:iih anihnya lah,cuba pang ku talipun umaku..

(Batalipuunan)

Utuh: (Manalipun)hallaw..

Uma utuh:(ditalipun) iya halaw, ada apa tuh,uma lagi di jeddah nah..

Utuh:ma bujur kalu nang pangantinan tu paman inas nang barumah di kampung kalangkala,ni ulun lagi dijalan nah manuju rumah sidin..

Uma utuh:(takalipik)beuh lain netu..

Utuh:(takalipik)akay, maka di undangan netu alamatnya..

Uma utuh:waluh jua ikam ni tuhhai,undangan tahun barapa garang ikam baca tu, bujurai parnah ada paman ikam pangantinan di kampung kalangkala tapi tahun 94..

Utuh:(takalipik)beuh iya garang..

Uma utuh:undangan nang ikam baca tu warnanya apa garang tuh..

Utuh:warna jingga..

Uma utuh:(takalipik)cucuk,netu undangan tahun 94 kada dibacakah tahunnya,nang undangan hanyar warna biru tahun 2015 di kampung ketapang paman ikam bangaran akhmad nang mangawinakan anaknya si kartini wan khair putera jaya anak haji ijak, dasar waluh jua ikam tu kanapa sampai salah baca..

Utuh:sualnya warna favurit ulun warna jingga ma ai,jadi nang jingga jingga ai nang ulun dahuluakan..(Hungang)

Amat:(takalipik)????

Uma utuh:(takalipik)akayyahai sadang kalakuan..

Utuh:pian ni ghaib jua ma ai katuju banar mangumpulakan undangan,nang sudah lawas,umung umung undangan warna jingga tu kanapa ada dimija,maka undangan nang lawas biasa disimpan dalam lamari..

Uma utuh:uuh waktu ituu uma lagi kapanasan,lampu mati kipas kadada,uma ambil undangan nang dalam lamari ,uma jadiakan kipas..

Utuh:beuh kaya itukah kisahnya..

Uma utuh: kalu kampung kalangkala tu tuhhai ujar paman ikam inas nang sudah pindah ka banjar,kampung tu sudah lawas ditinggalakan,sabalum tahun 2000 an ada kabakaran hutan,pas marimbit ka kampung kalangkala,ada nang kawa bukah manyalamatakan diri,tapi ada jua nang takurung kada kawa bukah,mati tapanggang,untungnya paman ikam waktu itu pas nuntunan urkis ka banjar jadi salamat sakaluargaan,imbah kajadian itu,warga nang masih hidup sudah pindahan ka kampung lain tarmasuk paman ikam inas wan kaluarganya ,sualnya maninggallakan Trauma yang mandalam ujah bagana disitu..

Utuh:(takalipik)ja ja jadii kampung kalangkala ini kadada panghuninya kah ma..

Uma utuh:kira kira kaya itu pang..

Utuh:mandai ma ai mattan datang tadi sampai masuk kampung kalangkala hantu haja nang ditamui..

Uma utuh:uway uway,diihancapi bulikan tuhhai,ada habis awak di ukang hantu..

Utuh:enggih ma,assalamu'alaikuum..(Manutup ka hape)

Abah ijum:kaya apa jar tuh..

Utuh:curut abah ijumai,haaku salah baca undangan,nang ku baca undangan tahun 1994..

Abah ijum:(takalipik)humaa iyakah..

Amat:(takalipik) dasar siwah babanaran, undangan naang bujur alamatnya dimana tuh..

Utuh:di kampung katapang wadah pamanku akhmad..

Amat:(takalipik)huma jauhnya,curut jua ikam ni tuhhai kanapa jadi sampai salah baca undangan ,jadi nang kita datangi ni pang..

Utuh:kampung nang sudah kadada lagi panghuninya,dahulu bakas kabakaran banyak nang matian,buahannya nang masih hidup sudah pindahan ka kampung lain..

Abah ijum&amat:(baimbai)apaaaa..

Abah ijum:mandai aur hantu haja nang ditamui,waduh wajar haja aur hantu haja nang ditamuui,rumah banyak kusung,ada nang pina tinggal tihangnya haja,ada nang bakas tabakar, jalas jadi rumah tinggal buahan hantu..

Amat:dihahancapi haja kita bulikan tuhhai,kalu talambat ada bulik tinggal nama..(Pancat)

(Pas ada nang tatawa)

Kuntilanak:hihihihihihi huahahahaha..

Utuh:(takalipik)waduh siapa tu nang tatawa..

Abah ijum:(manggatar,manjanaki) ha han hantuu tuh..(Baingkut banar wadah utuh)

Amat:(manggatar)akay akay manducur kamihku hiiiiiih kuntilanak..

Kuntilanak:hihihihihi ui buahan tarkul sini kita bakawanan..(Manciling)

Utuh:(dalam hati)ni hantukah manusiakah yu,pina bungas banar akay akay akay rambutnya baurai panjang ckckckck..(Malah kagum)

Abah ijum:ayu tu tuh ki kit kita bukahan,aduuh takamih haaaku batis asa barat malangkah..(Tulin manggatar)

Kuntilanak:hihihihihi..

Utuh:hadangi buahan ikam disini..

Amat:tuh handak kamana ikam..

Abah ijum:(takalipik)waduh kamana utuh tu..

Utuh:(banyanyi,baparak)rupanya diriku beruntung sekali..

Abah ijum:(takalipik)gagilaan malah banyanyi inya..

Amat:waduuh satris bujur utuh,hantu digumbal..

Kuntilanak:hihihihhihihi..

Utuh:(mangibit dagu) surang bidadari datang menghampiri..

Kuntilanak:(takalipik)??????

Utuh:hehehe ui ding siapa ngaran..

Kuntilanak:hihihihi titi ka ai xixixixixi..(Mangalikik)

Utuh: wuiih bungasnya ngaran kaya urangnya,muaaah..(Mancium)

Kuntilanak:(takalipik)waduh dicucurnya..

Amat:(takalipik)utuh saraf hantu di cium..

Abah ijum:dasar babunyulllan utuh,hantu di kucup ,haaku maka habis salawar aur takamih disalawar haja..

Utuh:(dalam hati)ini manusiakah hantu bujurankah,dicium pipinya liwar dingin kaya es,tapi mun hantu mustahil liwar bungas..(Kada sadar)

Kuntilanak:kanapa ka mancangangi ulun,naksirkah hihihi..

Utuh:pian ni manusiakah hantukah diing,bungas tapi liwar dingin dagiing..

Kuntilanak:hihihihi,amun bataring ni kira kira hantukah manusiakah bus..(Manampaiakan gigi)

Utuh:(takalipik)u uh (badiri bagamat) han hantuuuuu..(Bukah banar)

Amat:(takalipik)lingu hanyar haja sadar..(Bukah jua)

Abah ijum:(takalipik)hen imbah waras hanyar pancat,hantuuuuu..(Bukah jua)

Kuntilanak:hihihihihi huahahahahaha..(Melengking)

(Imbah lapah bukah bamandakan)

Abah ijum:amun kaya ini caranya pancangan giim haaku,sput jantung tarus,aur hantu haja nang cungul..

Amat:kita hancapi bulikan haja tuhhai..

Utuh:katuhukan bukah kasana kamari,harauu kada ingat lagi jalan bulik..

Amat:lain kali mun handak mambacai undangan dipakai tarupung bintang tuhhai,supaya kada siwah lagi,gagilaan mambacai undangan kada ditiring tahunnnya kalu lingu..(Sarik)

Utuh: meneketehe..(Hungang)

Abah ijum:jaka tahu kaya ini gagilaan aku umpat baik aku guring dirumah,sudah mambayarakan taksi,salawar habis babau hancing,dapatnya kada ciwi,niat mattan rumah bacarian harim gasan diibawa ka panghulu,sakalinya aur nang bataring haja nang ditamui,kalu mauuuk..(Takicing)

Utuh :nang ngaran jaka tu ngalihai kimpussai,tu di kampung jakaria guring banar sudah hahaha..

Abah ijum:(takalipik)lingu kanapa ta ka jakaria..

Amat :sudah sudah,yang dipikir kaya apa kita bulik ni,waduuh bisa bahadangan hantu hantu nang kita tamui tadi hiiih.. (kabuliyangan)

Utuh: nyata pang kira kira, maka serba serbi hantunya..(Takicing)

Amat:asli asa pancat aku amun babulik lagi,ngeri ngeri hantunya..

Abah ijum:hi ih aku gin asa kada wani jua,maka habis sudah stuk salawar karing,takamihi barataan sudah..

Utuh:satu satunya cara kita mahadang tarangai,baganaan disiniai dulu kita..

Amat:ide mantap..

(Pas dudukan,tiba tiba ada lalakian tuha baparak)

Urang tuha:cucuku..

Abah ijum :(takalipik)waduh siapa tu tuh..

Amat:(takalipik)ma manusiakah ne netu hantu pulangkah..

Utuh:siapa pian kai..

(Siapakah lakian tuha nang datang netu,nantikan kelanjutannya di episode terakhir hanya di komunitas wawaluhan)

Akan segera hadir kisah hanyar

"Utuh dan jin waluh"

Dengan syarat like wan kumint pian senantiasa hadir

Wan makasih atas perhatian wan du'a buahan sanak barataan,mudahan buahan pian jua sehat selalu

Penulis

Fendi ramanda

Read More

Karakter Karakter seseorang. Menurut GOLONGAN DARAHNYA.. versi wawaLuhan....!!

Komunitas WawaLuhan

9 Desember 2015 · 

Panjahatnya Datang......!!!

Karakter Karakter seseorang. Menurut GOLONGAN DARAHNYA.. versi wawaLuhan....!!

GOLONGAN DARAH AB.....!!
urang nang bagolongan darah AB. Nginih ciri urang nang serakah.. ujah bahasa kita banjar nituh MANGULUH.. Itihi urg gulungan darah sabuting. Sabuting haja. Misal A, ya A.. misal B, ya B. Inya maka manguluh kaduanya. MUDIL INYA NANG BAKANTUT INYA JUA NANG BAHIMAT MACIUM (kalu hungang).
Saking manguluhnya hidup.. TULAK KASARUAN PANGANTIN.. ma ampluki urg 5 ribu..
Tiga basangu kantungan.. habis iwak urang aruh angkutnya.. (sadang kalakuan).
Tapi. Urang gulungan darah AB nieh harat parinsif ba gawi......!!
Mudil jaka Badagang nituh. Kada mamikir akan bahujung. Mudil ma umpati cara Nabi ujaaah. nang panting bajualan.. sekedar mancari berkatnya haja...!!
Satahun bajualan... wani habis harta. Sampai tajual cawat kuitan..
Apang nukar rambutan haraga 2000 di jual haraga.saribu,,,, bahujung jer saribu.(haam siwah bangat)....!!

GOLONGAN DARAH A.....!!
urang nang gulungan darah A nginih. Tipe urang nang pawanian.....
Wani hangit kisahnya......!!
Makanya kada cucuk amun di suruh bamasak.. manjarang banyu haja hangit. saking hungangnya toooh...
Tapi urang nang bagulungan Darah A nieh. Tipe urang nang cangkal ba usaha.
Jaka mancuntan nituh.. kada kawa.mancuntan wadah urang..duit kuitan cuntaninya.. sasak kantung tulak sakulah.. mambawa duit cuntanan. Sakali bulik sakulah. pukuli kuitan bahimat. (Hapuk situ)
tapi urang gulungan Darah A nieh. Kada kawa gawian bapapanas.. pacangan bahirang awak... padahal,,, dasar hirang matan dalam parut.....!!!

GOLONGAN DARAH B.....!!
Urg nang bagulungan Darah B. Tipe urang nang Sopan santun. Lemah lembut wan panyayang.. TAPI PANAMPARAN...!!
Tawing haja kada salah napa napa tamparnya.. hakun bungkas tawing kana tampar...
Imbah manampar tawing mangGaraung menangis......!!
Apa... di pukuli kuitan. Kuitan di ada ada akan duit,, san mambaiki tawing. Hanyar tuntung maka bungkas tamparnya... camapa kada kada pukuli kuitan.....???
Manggaraung menangis... babalar awak pukuli kuitan wan kayu babangkih (ia hungang)
Wan urang nang Bagulungan Darah B nieh.. urang nang Rumantis.. amun sudah bapacaran.. masya Allah...raja kata kata nituh pang......
Jakanya kawa di.jilat tuh kata katanya nituh.. manis pada madu.. saking haratnya manyusun pandir wan pacar..
Tapi sayang.. manang di pandir kalah di muha.. marayu.harat tapi urang kadada nang handaknya.. IA JOMBLO SAMPAI KATUHA... (nasib haja lagi)

GOLONGAN DARAH O
naaah...amun urang nang gulungan darah O nieeh.. urangnya bungas.. jaka lakian.nituh satidanya muhanya kaya Pasha Ungu amun nang babinian paling kada kaya Nabila Syakieb (Kumpak hulu kita nah..amun sama wan Cuplis gulungan darahnya) ahahahaha
tapi masalahnya.. bungas bungas urang nang darah bagolongan O.. Sabuting...
PADAHAL URANGNYA NITUH BUNGAS HAJA.. TAPI KABUNGASANNYA.. KADA DI AKUI MASYARAKAT WAN KADA DI RIDHO TUHAN (jaaah sakit jua sakalinya)
Urang nang bagulungan darah O nieh. Urang nya pandiam. Saking pandiamnya. AMUN LAGI SURANGAN JARANG BAPANDIR (bujur haja kah..??)
Wan urang nang gulungan Darah O nieh.. tipe urang nang mudah bergaul.
Jaka.. ujar urang nituh lakas patuh wan bakawan wan urang.. pukunya kada bapipilih kawan. Handak siapa haja...!!
Wan maling uki.. wan parampuk uki.. wan bajual ubat uki jua.. wan bandar buntut uki jua.. wan bawarung jablay uki jua......!!
SAKALINYA DANGSANAKNYA SEBERATAAN..
wakakakakakakakak

Eneeeeeh.. camituh haja...!!!

Wasalam..!!
~ cuplis~

Read More

Perjanjian juduh 3

Komunitas WawaLuhan

18 Desember 2015 · 

Bismillaah..kembali findi pop menghadirkan kisah mendayu dayu

Perjanjian juduh 3

Uma utuh:(mambisiki)tuh dibawa duit 5 juta ditangan,aku ada firasat kada bagus..

Utuh:enggih ma..

Sella:ayu ka..

Utuh:iyaa,assalamu'alaikuum..

(Bacium tangan kuitan,wan cagar mintuha,hanyar tulakan)

(Dalam mubil)

Sella:umung umung pidinya pang pian ka hakun haja dijuduhakan wan ulun yang kece ni,samantara situ kada sasuai panampilan..

Utuh:(takalipik)?????

Sella:wan jua kancanglah situ mudal wani maambil ulun jadi bini situ cagar,mun maalang alang ha baik mundur bagamat,dengan kesadaran saurang jua pang,supaya nang tuha dirumah kada manyalahakan ulun..

(Kada lawas ada talipun)

Bunyi ringtune:tung karipik ahay tulang bawang..

(Batalipunan)

Sella:ada apa rat..

Ratna:(ditalipun)aku wan lina ada di mall nah, wan aditz wan amat..

Sella:(takalipik,dalam hati)waduuh ada aditz wan amat jar,kacau ni bisa kada jadi ditaksir aditz wan amat aku ni,sualnya ada iwak tauman umpat haaku..

Ratna:ikam dimana sella..

Sella:aku lagi dijalan nah..

Ratna:hancapi datangi,kami dimuka biuskup mahadangi..

Sella:iyakah ayuja..(Manutup hp)

Utuh:siapa ding manalipun..

Sella:handak siapakah kadada urusan jua wan situ..(Marangut)

Utuh:(dalam hati)sumbungnya pang pandiran sella ni,kadada hurmatnya lalu wan cagar laki..(Tatunduk)

(Imbah sampai di mall,langsung manuju tangga bajalan)

Sella:(dalam hati)hehehe mantap ku bawa naik tangga bajalan haja sudah,jalas urang kampung ni pancat naik tangga bajalan,lihatakannai inya mahadangiku dibawah tangga..

(Naik sella pakai tangga bajalan,sakalinya utuh tanang banar jua maumpati naik tangga,kadada takutannya lalu)

Sella:(takalipik,dalam hati) waduh wani haja inya naik tangga bajalan,kadada pancatnya lalu (managur) ui ka wani hajalah naik tangga bajalan..

Utuh:(senyum)hmm,ka utuh wan mama sudah 3 kali umpat rumbungan ziarah ke makam wali sungu,di surabaya singgah rancak naik mall,tunjungan plaza,jembatan merah plaza,pusat grosir surabaya, dijakarta rancak naik kawasan tanah abang,grand shuping jakarta,plaza indunesia,taman anggrek,mangga dua sudah biasa naik tangga kaya ini..

Sella:(takalipik)waduh supannya aku manakuni kaya itu,curut biar bagana dikampung rancak jua holiiday sakalinya uwa uwa ni..(Nganga nganga)

(Imbah sampai,nganga nganga an kawanan sella)

Amat:sella ikam handak batasmiah di biuuskupkah pina mambawa tukang babacaan,pina bakupiahan hahaha..

Utuh:(takalipik)?????

Sella:(takalipik)saraf dihapaknya haaku..

Aditz:kada kaya itu pang sella lah, sella ni hanyar manyunat paniniannya,imbah tuntung dibawanya dulu tukang sunat ka mall,itung itung pidikati,wan gasan mahabisakan duit maambil upah basunat jar bus hahaha..

Amat:gkgkgkgkgk..

Ratna:hahahaha..

Lina:xixixixixi..

Utuh:?????

Sella:muyakkah buahannya ni,aku dihapak..

Ratna:salah ikam jua sella ai,sakit lalu salira kaum langgar dipacari..

Utuh:(takalipik)akayy..

Amat:hahaha..

Aditz:gkkgkgk..

Sella:(takalipik)asli lingu lalu,dihapaknya banar aku,tahu haja saliraku tinggi,jalas lain levelku buss ni..(Menyengkeng)

Utuh:(takalipik)masya Allah..

Lina:mun lain pacar ikam,siapa pang inya pina bajalan wan situ..

Sella:uuh ni urang kampung,nang malamar bagawi gasan tukang jagaakan aku kamana mana,sualnya mamaku gair kalu ada urang mauk mamarakiku..

Utuh:(dalam hati)liwar sella ni kalakuan,jaka kada mamandang impian arwah abah,sudah kutinggalakan bulik ka kandangan..

Amat:uuh lainkah sukurai,secara yang pas jadi pacar ikam sella ai aku nang parlente wan tajir nih..

Sella:hehe iya dunk..

Ratna:ayu sudah kita masukan nuntun film,tukar mat karcisnya..

Amat:(takalipik)beuh kada ingat minta duuit tadi aku wan nyukap rattai..

Ratna:(takalipik)sakit lalu adul,panampilan iih haja pang,dumpit karing sakalinya..

Amat:meneketehe..(Hungang)

Ratna:ikam ditz bayariakan..

Aditz:tatinggal 5 ribuannya rattai duitku,habis tapakai gasan nukar ucus ban tadi,gara gara miris tacucuk paku..

Ratna:huma sakit lalu barangnya..

Sella:supannya pang mun sampai binian nang manukarakan tiket..

Ratna:(mambisiki)sella lakian nang ikam bawa tu kawa dimanfaatakan,suruh inya mambayarii..

Sella:sipp, ui bus bayariakan pang tiket nuntunan buahan kawanku ni..

Utuh:ading,ka utuh kada biasa mamakai duit gasan nang kada barmanfaat,kalu buat iinfaq,atau sadakah ka utuh hakun haja,amun cagar nuntun film nang kadada faedahnya ka utuh kada biasa..

Amat:gaya jua hantunya,bapadah ha kada baduit,kisah manasihati..(Sarik)

Aditz:tahu matlah,dari panampilan haja kalhatan sakit jua barangnya,kisah gaya kalu mauk..(Menyengkeng)

Utuh:hmm,ingat jangan sakali kali ikam manghina pakaian yang Tuhan saja meridhoi,selama pakaian itu rapi,bersih, dan menutup aurat, sebab jika ikam manghina pakaian yang mimang dianjurkan ulih Tuhan,sama juga ikam sudah manghina aturan Tuhan, mengenai tentang baduit atau kadanya sasaurang,penampilan keren kada bisa diambil kasimpulan,kaluu urang itu banyak duit wan baisian sagalanya nang kaya buahan ikam..

Amat:(takalipik)hah..

Aditz:(takalipik)hah..

Utuh:banyak urang berpakaian sederhana,dirumahnya banyak baisian mubil,duit wan rumah..

Sella:pina musti menceramahi kawanku, situ pang baduitlah..(Sarik banar)

Utuh:(mangganggam tangan sella) ini 5 juta cukuppai kalu gasan nukar tiket..(Bajauh)

Ratna:(takalipik)waduh banyak duit sakalinya bus..

Lina:bisa tuan tanah bus tuu nang lagi manyamar,kisah jadi urang sakit padahal raja duit..

Amat:(dalam hati)beuh tasupani banar aku..

Aditz:(dalam hati)gila duit 5 juta disuruhnya nukar tiket..(Nganga nganga)

Sella:(dalam hati)asli kalah set pulang aku,pabila manangnya,niat handak manyupanakannya malah aku tajalapak,kada tanggung tanggung,kawananku taumpat jua bangai tasupani,beuh kamana tu bajauh..

(Diluar mall pinggir jalan,bakiyau ujik bulik,imbah sampai)

Uma sella: ai kanapa tuh bulik saurangan,mana sellanya..

Uma utuh:iyiih napang tii tuh bulik saurangan,kamanang sellanya tii..

Utuh:kada papa cillai,ma ai,ulun banarai handak bulik,kapala asa mauk,sellanya lagi nuntunan..

Uma sella:uuh iyakah..

Uma utuh:(dalam hati)pasti sudah terjadi sasuatu,utuh kada kawa bakulim alias badusta wan aku kuitannya..

Utuh:ma,cil, lun handak sambahyang dulu..

(Bagaimanakah kisah selanjutnya, nantkan hanya di kowa)

Maaf sanak barataan,lun takana auran,jadi talambat manyambungakan, ini seadanya ai dulu asal basambung haja

Penulis

Fendi ramanda

Read More

Padang hantu 6

Komunitas WawaLuhan

14 Desember 2015 · 

Bismillaah.. Kembali findi pop hadirkan kisah horooooor^

Padang hantu 6

(Pas dudukan,tiba tiba ada lalakian tuha baparak)

Urang tuha:cucuku..

Abah ijum :(takalipik)waduh siapa tu tuh..

Amat:(takalipik)ma manusiakah ne netu hantu pulangkah..

Utuh:siapa pian kai..

Urang tuha:siapa haaku kada panting,haaku datang kamari handak mambari patunjuk wan buahan ikam supaya kawa bulik tanpa batamuan hantu..

Utuh:wah sip ni..

Abah ijum:wuiih ini baru ane demen..(Gaya cuul salawar jutut)

Amat:nah ini nang uki..

(Baparak banar buahannya)

Urang tuha:(dalam hati)akay akay akay liwar hancing,gila banar buahan tarkul ni,kamih bangat pada ampun hantu,tulin mamatii,kutahani tu pang demi pembalasan, waduh bakunang kunang mata sudah katuhukan mahiut aruma buahan urang gila nih..(Takicing)

Abah ijum:petunjuk apa nduru..(Nganga nganga)

Urang tuha:(takalipik)akay,ini nang akan aku sampaikan..(Pina nahap muha)

Amat:wuiiih mantap, bus ni rupanya urang sakti jua sakalinya pina tahu banar..

Utuh:kalu ulun perhatiakan dari penampilan, mun kada salah bus ni ialah ki sapu angin guru jaka sambung nang di dalam film rajin..(Hungang)

Urang tuha:(takalipik)beuh kisah tahu,dimana manakah miripnya..

Utuh:hubannya sama basimpurut,udah ubanan gundrung lagi..(Hungang)

Amat:hahahaha..

Abah ijum:gkgkgkgk..

Urang tuha:(takalipik)dasar lingu,huban ditanding..(Sarik)

Abah ijum:hehehe nang pas bus ni mirip raja bandit di film kungfu,tinggal dihalari haja lagi bajunya,tumbak ditangan, huban gundrung sudah tinggal manambahi sasingut putih haja lagi asli kada salisihnya tu pang si LOLEEH waktu jadi raja bandit di film kungfu hahaha..

Amat:hahahaha..

Utuh:gkgkgkgk..

Urang tuha:(takalipik)gila barataan kana pangaruh film samuaan manusianya..(Takaradut muha)

Amat:baik bussai pian ni mandaftar jadi pamain di film kungfu,nyata ditarima sualnya buahan kru film kada ngalih lagi mancariakan rambut palsu warna putih nang gundrung,situ alami sudah baisian ,cuma mun biasanya pamainnya mamakai jurus,situ bagihang pang ka kapala aur kagatalan,rambut gundrung huban samuaan haahahaha..

Utuh:gkgkkgkgkgkgk..

Abah ijum:xixixixixixi..

Urang tuha:(takalipik,dalam hati)dasar gagilaan buahan tarkul ni aku dihapaknya banar,nang buyyit kimpus wan nang hidung pitak nginih pina musti mahapak banar salawar liwar bau hancing,asli gagilaan jaka kada pancat haaku pancangan ditukupakannya ulih manusia saikung tu, nang hidung kaya sumbu marcun tu kamuha, salawar nang bau kalat netu sudah ku ukang gulu buahannya ni,paksaai basabar manunggu waktu yang tapat..(Sarik)

Abah ijum:maka tabal banar rambut bus ni gundrung sampai ka bahu ,ni putungan kada kutu lagi nang basarang,tapi wiring cuklat hahaha..

Utuh:gkgkgkgkgk..

Amat:xiixixixi haduh lucut adul tatawa..

Urang tuha:bunyulnya buahan ikam ni mahapak banar,jadi kada ku bari patunjuk,mun kada aku bajauh nah..

Abah ijum:hehehe bagaya bussai,kaya itu haja maraju, masa muha mital hati kaya isabel gkgkgkgk..

Utuh:hahahaha..

Amat:xixixixixxi..

Urang tuha:bunyul banar tungul manahun ni,bunyyit kimpus gawian mahapak,baaaak..(Manyipak)

Abah ijum:(kujul kujul)akay akay akay landauku disipaknya..

Utuh:hehe ayu sudah,patunjuk apa tadi kai..

Urang tuha:buahan ikam batiga badiri bahigaan basusun,imbah itu maju di itung sampai sapuluh langkah,imbah tuntung bamandak,hanyar bukah baimbai 4 langkah,dijamin buahan ikam akan kaluar dari padang hantu ni dengan salamat..

Utuh:anih nang kaya itu hajakah patunjuknya..

Urang tuha:itu kudi ghaib,yang kawa manyalamatakan buahan ikam,tanpa harus manunggu hari tarang..

Amat:amun kaya itu kita cuba ai tuhhai..

Utuh:ayu..

Abah ijum:basusunnai dulu kita..
(Basusunnai batatalu,nang malihatakan nganga nganga)

Urang tuha:nah mulai diitung,jalaaan..

(Bajalanai buahannya,sambiil maitung,pas sapuluh)

Utuh:pas sapuluh sudah..

Amat:iyaa bujur..

Abah ijum:langsungai kita bukahan 4 langkah..

Urang tuha:nah bujur jar kimpus nang babau hancing..

Amat:hahaha..

Utuh:gkgkgkgk..

Abah ijum:(takalipik)beuh mambalas rupanya buyyit itik japun nih..

Amat:hahaha..

Utuh:gkgkgkgk,ayu sudah kita mulai tahap ka dua,siaaap hiyaaaah..

(Bukahan sing lajuan buahannya,kada lawas)

Dabaaaaaaaaau...

(Tacaburan ka banyu)

Abah ijum:(batimbul)curut lalu di waluhinya..

Urang tuha:gkgkgkgkgkgk..

Utuh:(batimbul)patunjuk saraf,timbul tacaburan ka banyu..

Amat:(takalipik)ui curut siapa garang situ..

Urang tuha:uuh handak tahukah,lihat muhaku..

(Sakatika lakian tuha tadi barubah wajud jadi pucung nang bakas disipak utuuh)

Pucung:hihihihihihi..(Manciling)

Amat:(manggatar)pu pu puc pucuung tuh..

Abah ijum: (manggatar)uwaay pucungkah sakalinya..

Utuh:uii kapumpung apa maksud maakali kami..

Pucung:hihihihi dengan tacaburran buahan ikam,salawar kimpus wan nang bahidung pitak netu yang tarandam banyu,maka hilanglah aruma hancing nang liwar sangak,dengan begitu aku kawa maluangi gulu buahan ikam sabagai pambalasanku hihihihi..

Abah ijum:harau masuk akal tuhhai nang dipikirakannya..

Amat:waduh kaya apa kita ni manyalamatkan diri..

(Datang pulang hantu saikung)

Wewe gombel:hihihihi disini rupanya buahan tarkul,ui hidung nang kaya sumbu kumpur,sini baparak wani manyipakku kuramuk awak ikam..

Abah ijum:(garancaian cupu)waduh tuh han hantunya badua..

Amat:kita sudah takapung tuhhai,hiiih..(Kabuliyangan)

Utuh:tanang haja buahannya ai aku ada akal..

Abah ijum:napa tuh..

Utuh:ayu iringi aku..

(Handak banaikan buahannya)

Pucung:wani jualah,ayu baparak,kuluangi gulu buahan ikam..

Wewe gumbel:kuramuk tulangnya..

(Pas banaik,baparak hantunya)

Utuh:ayuu luluy salawaaaaar..(Maluluy)

Abah ijum:uh luluykah,hiaaah..(Maluluy)

Amat:niiiih..(Maluluy)

Pucung:(takalipik)curut buahan humu haaku handak di parkusa,tidaaaaaak..(Bahilang)

Utuh:hahaha bahilang bus,ayu gumbel sini baparak..

Wewe gumbel:(takalipik)akay ada cacing pina barumbai,hiih aku galianan wan cacing,kabuuuur..(Bahilang)

Utuh:saraf pakakas kita maka dipadahakannya ulih wewe gumbel cacing..

Abah ijum:wajar haja wewe gumbel ganal kalu awaknya,lakinya pasti ganal jua awaknya, jalas pakakasnya kaya galam,mun malihat ampun kita ni nyataai pina halus,iya palihatnya cacing juntai juntaian hahaha..

Amat:gkgkgkgk,asli bujur,umung umung hari pina manguning sudah,jalas bamula tarang tuhhai..

Utuh:iih, tu jalan ampah kaluar ayu kita bulikan..

Abah ijum:ayuu..

Amat:ayuu..

(Bajalanai buahannya,akhirnya tarang banar hari,babuatan ka taksi )

Abah ijum:salamat jua kita akhirnya..

Amat:pangalaman baharga abah ijumlah..

Abah ijum:iih banaran..

Utuh:rami rami mencemaskan hehe..

Panumpang lain:(dalam hati) bunyulnya baunya hancing..(Takaradut muha)

Supir:(dalam hati)salawar siapa ni nang babau hancing..

Utuh:(dalam hati)hehehe pina takaradut muha nang duduk dihiga abah ijum,rupanya bau hancing masih balum hilang mun kada disikat pakai sabun,padahal sudah tarandam dibanyu..

(Akhirnya sampai ka kampung buahannya dengan salamat)

TAMAT

kisah nang akan hadir bajudul "utuh dan jin waluh" dan ada jua ide lain "takawini jin" akan tetapi kisah ini kada satu episode haja tuntung,akan memakan beberapa episode,tentunya akan mambuat penasaran menunggu lanjutannya, sekarang ulun betakun sudah siapkah buahan pian penasaran dengan ceritanya yang terputung putung, mun balum siap kita tahan dulu bakisah judul diatas

Makasih sdh menyukai kisah ini,yang mangumint selalu ulun like saat pusting kisah lanjutan,jadi buahan pian pasti tahu dipemberitahuan pas ulun melike kumint pian saat itu ulun hanyar pusting kisah lanjutan.

"Kisah ini hanya fiktif,tentang yang ghaib hanya Tuhan yang Maha mengetahui Allaahu 'alaamu,tentang isi cerita bahwa semua berdasar hayalan ulun sebagai penulis,semata mata ilham dari Allah,tentunya kada sehebat urang lain maklum proses balajaran, tanpa copy,tanpa nyuntek kisah urang, bila ulun bakisah ulun selalu tulis di akhir kisah

PENULIS

Fendi ramanda

Read More