Bismillaah..findi pop bakisah
(Baca dengan seksama supaya paham)
Tagapuk nang siwah
(Utuh wan aluh ada di padang kadap)
Utuh:luh bungas banar ikam dinglah,muha pian wan semua nang ada di diri pian bagai pelita di padang kadap..(Malihat gin kada,mangibit ka dagu nang di kadap)
Aluh:hmm pian nih..(Gaya ungah)
(Bahaharan)
Utuh:haww luh kanapa awak ikam saraba landur..
Aluh:biasa ka ai,mun lagi terangsang dasar nang kaya itu..
Utuh:uuh iyakah..
Aluh:tapi pian gin ka ai asa lain jua, pina kurus banar awak,mana katiak pian pina babau masam,muntung pina bau kunat kambing..
Utuh:uuh biasa dingai mun lagi terangsang dasar kaya itu jua..
Aluh:haw,salawar pina bakarut,mudil kain tapung..
Utuh:pian gin pina anih,batapihan haja homaa pina babau kapur barus..
(Makin lawas makin hot)
Utuh:(mancium)akayy kanapa kulipak bibir barikit pas kucium,ganti kulitkah ding..
Aluh:kada ka ai,gincu satangah kilu ku palitakan ka bibir,homa ka sejak kapan buyyit pian bakempos,pina tulang haja nang tahahar ulun,diet kah pian,sampai ka buyyit bakimpis..
Utuh:biasa dingai,mudil buyyit 2014..
(Kada lawas lalu pa rt,manyintari)
Pa rt:ui tuh,siapa nang dihintipakan,beuh aluh ada jua siapa nang dihintipakan..
(Takajut utuh wan aluh, Kaluar abah ijum dari padang kadap)
Abah ijum:haw,kanapa aluhnya disitu,jadi siapa nang kuragap tadi..(Bingung)
(Kaluar jua nini kulimbit landu)
Abah ijum:(takalipik)beuh ikamkah ni..
Nini kulimbit landu:ai ikamkah abah ijum,nang jadi kekasih gelapku..
Pa rt:ai kanapa sama pada takajut..
Abah ijum:dasar saraf utuh ni,bapadah aluh nang ditamuakan wan aku di padang kadap,sakalinya nini kulimbit landu,sudah ditapal 500 ribu,diakalinya haja aku..
Nini kulimbit landu:lingu babanaran aluh ni,ujar utuh pasangan kencanku,sakali di bawa ka padang tarang,biji kadundung tuha ngini disurung,asa curiga jua aku,aku kada bulih bapandir aluh haja nang basuara,wan jua suara utuh pina jauh nang bahahar ada di hadapanku,mana dialog pina siwah,pina mahapak banar..
Abah ijum:curut babanaran utuh ni ,mandai pina landur kulitnya,sepengetahuanku si aluh ni saraba kancang,imbah dicium bibirnya,ada kulipak bibir barikit, sakalinya sisawa nang ganti kulit ni di jurung gasanku,kalu lingu..(Sarik)
Pa rt:kada paham aku masih nah..
Utuh:sd haja kada tamat nyataai kada paham pa rt ni pina babal ,abah ijum manyuruh aku mambawa aluh ka padang kadap gasan kencan wan sidin,inya mahadangi disini ,nyataai aluh kada hakun ,kusuruh aluh mambawai nini kulimbit landu, bahwa aku mahadangi sidin di padang kadap dengan minta imbalan wan sidin 500 ribu,abah ijum mambariku jua 500 ribu dengan syarat jangan basuara aku haja nang bapandir,kaya itu jua nini kulimbit landu aluh haja nang bapandir,sakalinya datang pian manyintari lalu maukkai..
Pa rt:uuh kaya itukah paham aku sudah ,nini kulimbit landu wan abah ijum buahan ikam sudah mencoba melakukan perbuatan mesum, umpati aku ka balai desa aku handak mangawinakan buahan ikam..
Abah ijum:(takalipik)beuh indah aku..(Bukah)
Nini kulimbit landu:tidaaaaaaaaak..(Mancincing jua bukah)
Pa rt:ai bukahan,uiiii kusasahi ikam..
(Makin di garatak makin laju abah ijum wan nini kulimbit landu bukah)
Ada ada haja kalakuan utuh
Met istirahat haja barataan
Penulis
Fendi ramanda
0 komentar:
Posting Komentar