Kalutuknik (titanik kowa) part III

Komunitas WawaLuhan

Bismillaah.. Kembali findi pop hadirkan kelanjutan kisah cinta diatas kapal yang berujung tragedi

Kalutuknik (titanik kowa) part III

(Pas ada nang bakiyau di batang)

Gina: ka cuba lihati pinanya ada panumpang..

Utuh:ai iih,tapi asa kanal aku,tapi kada tapi hawas nah, jauh pang..(Manjanaki)

Abah ijum:wew asyik ada tarikan..(Hancap maarahakan kalutuk, pas sudah parak)

Utuh:(takalipik)akay beruang madu sakalinya..

Abah ijum:ai iih,kanapa jadi ta kasitu,siapa diilangi si usang tuh,bapaling haja kita..(Handak mamutar kalutuk)

Acil usang:(bakuciak)bila kada manyinggahiku,tadapatku ku sinsu kalutuknya..

Abah ijum:(takalipik)homaa maancam inya..

Nini kulimbit landu:bahaya abah ijummai,kita sudah parak kalabihan muatan,tabawa hintalu dinosaurus tu pulang,bahujung tinggalam kalutuknik..

Abah ijum:waduh kaya apa ni,biarai sudah aku labih sayang wan kalutuknik ku dari pada jiwaku,mudahannai kada papa..(Maarahakan kalutuk)

(Pas sudah parak Babuatai acil usangnya,balaluan barandah kapal)

Gina:(mambisiki)ka cuba lihati kapalnya pina barandah..

Utuh:iih dinglah,mudahan kada papa haja dingai..

Acil usang:kanapa kimpus handak babulik pulang pas sudah ampah kasini tadi ,katinggalan buyyitkah..

Abah ijum:(takalipik)beuh hanyar batamu balaluan mahapak adingnya godzilla nih..(Masam muha)

Utuh:hahaha, ui cil kanapa jadi ta kasitu pian..

Acil usang:aku handak mailangi lakian tuhhai,kenalnya di fb,imbah malihatku maka bukah banar inya,asli gila..

Utuh:haw kanapa jadi kaya itu,di fb pian bapasang foto siapa garang cil..

Acil usang:lain gambarku pang, di pp fbku ku pasang gambar madonna..

Utuh:hahaha cucukkai inya bukah mun kaya itu..

Abah ijum:hehehe di gambar liwar langkar lansing dan singset, pas batamu takajut urang, awak kaya ball,muha kaya kimus ninja hatori nyataai urang bukah gkgkgkgk...(Sambil manyatang kalutuk)

Acil usang:(takalipik)gilanya kimpus nih wani banar manyambatiku..(Mamaraki)pau pau..(Manampar)

Abah ijum:(takalipik)akayy akayy..

Nini kulimbit landu:homaa langsung kusut muha bus babiru biru..

Acil usang:jara kada..

Abah ijum:curut, di permaknya aku..(Bapusut muha)

(Bajalanai lagi kalutuk)

Nini kulimbit landu:sabar haja sangai,inya kalu mimang juduh kada akan kamana..(Mahibur)

Acil usang:makasih landu,pian dasar sahabat bagai hulat bulu..(Baragapan)

Gina:ka muha pian bapaluhan,sini kaka sayang ulun sapuakan pakai sapu tangan ulun..(Manyapuakan)

Utuh:aduuh baiknya pian say..

Gina:mudahan selamanya kita bisa bersama ya ka..

Utuh:kenapa ading bapandir kaya itu,tentu haja sayang kita akan selalu bersama..

Gina:ulun merasa kada nyaman hati ka ai,mentari yang ulun cangangi saulah payah menyinari bumi,berasa handak memberi isyarat,tapi ulun kada tahu,apa itu..

Utuh:sayang,jangan bapikiran macam macam ya..(Pas kaingatan pandiran kuitan)

Uma utuh:nak ikam dasar handak maninggalkan umakah hiks hiks..

Utuh:ma, ulun ka banjar handak mancari gawian nang duitnya gasan dika,wan babini kaina..

Uma utuh: aku asa barat banar nakkai,malapas ikam kanapalah kada biasanya..(Waswas)

Utuh:(dalam hati)kada biasanya umaku bapandir kaya itu,biar aku tulak kamana kah,ini gina bapandir anih jua,ada apalah..

Nini kulimbit landu:malam tadi aku bamimpikam..

Acil usang:mimpi apa pian landu..

Nini kulimbit landu:aku bamimpi bakunyung babaju,tapi malah tahisap ka dalam banyu..

Abah ijum:homa ngerinya..

Acil usang:(dalam hati)hah mimpi itu sama nang disampaiakan arwah lakiku waktu handak bacari iwak ka laut,pada akhirnya kada sing bulikan lagi..

Abah ijum:siaap siaap kita mulai memasuki sungai ganal..

(Langsung memasuki sungai ganal,dari jauh ada speed maluncur liwar laju kada takandali)

Gina:ai kanapa speed tu arah ka sini..

Acil usang:(badiri)beuh gilanya kanapa tu..

Abah ijum:uii lindung,lindung..

(Makin parak,makin parak,abah ijum kada malihat lagi ka muka talindungi awak acil usang)

Daaaaaabaaaaaaaaaaaaaauuuuuu

Gina:(bakuciak)aaaaaaaaaaaaau..

Uma utuh:(gugur pigura gambar utuh)astaghfirullaah,ada apa ini, Yaa Allah lindungi anakku..

(Kapal kalutuknik tabalah dua,pas ditangah sungai ganal)

Nelaya:haaw ada tabrakan,ku tulung pang..(Mamaraki)

Gina:tuluung..(Bakunyung,pas handak tinggalam)

Utuh:adiing..(Manangkap,dahi badarahan)

Gina:ka tulung ka..

Utuh:kada papa sayangai,nang lain tinggalaman sudah..(Bakunyung)

Gina:ka ulun takutan ka..

Utuh:kada papa sayang..(bakunyung mambawa gina,awak pina lamah sudah)

Gina:ka pian badarahan,lapas haja ulun ka,biar ulun mati,yang penting pian kawa bakunyung ka tabing..

Utuh:kada sayang,bagaimana ka utuh malihat ading tinggalam,sementara ading sudah memberi senyum kebahagiaan buat ka utuh..(Bakunyung)

Nelayan:ayu bakunyung ka sini..

(Pas disambutnya ulih nalayan tangan gina,talapas tangan utuh,tinggalam utuhnya)

Gina:(diatas kapal)kaaaaaa,ka utuuuuh,kakaaaaaaaaaaaaaa..(Histeris)

Nelayan:hadangi naklah disini..(Bacabur)

(Manyalami tapi kada tadapat,banaik)

Nelayan:kada dapat lagi nakkai,inya tinggalam sudah..

Gina:hiks hiks hiks,kakaaaaaaaa..

(Tim sar berdatangan,dan akhirnya manamuakan awak buahannya nang tinggalam,di bawa bulikkai,uma utuh lansung taduduk manangis)

Gina:hiks hiks,sabar ya bunda,ini diluar kuasa kita..(Maragap)

Uma utuh:haaku sudah ada firasat,sawat kada mambariakan utuh tulak,tapi hiks tapi hiks hiks..(Manangis banar)

(Akhirnya utuh di makamkan,abah ijum,nini kulimbit landu,abah ijum, gina manangis di pusara utuh)

Gina:kaa,hanyar haja kita batamu,tapi kaka benar benar lelaki betanggung jawab,sangat malindungi,kaka adalah lelaki pemilik cinta sejati hiks hiks..(Manaburi mawar putih)

(Sejak itu gina sering melamun)

Gina:kaa, aku benar benar kehilangan pian,saulah ulah kaka hadir diantara ada dan tiada,saulah datang,tapi kada bisa diraih,kakaaaaaaa hiks hiks..

(Hidup di antara ada dan tiada,seulah masih ada hadir di mimpi,tapi ketika mata terbuka,dianya menghilang, jauh dipandangan,tapi dekat dihati gina)

TAMAT

(Akan segera hadir di studio kowa RAMBO LANDU,nantikan hanya dikowa,hadir pian like wan kumint benar benar penyemangat ulun bakisah,banyak banyak terima kasih,karena sudah turut memajukan fp yang kita cintai ini)

Pesan:cinta itu indah,bila kita bisa memahami dan menempatkan hati pada yang tepat,bila terjadi kekecewaan jangan bersifat bodoh menganggap cinta itu kejam,sebab ini kesalahan kita sendiri tidak bisa menempatkan hati pada orang yang tepat,sebab cinta adalah anugerah Nya,bayangkan jika tak ada cinta di bumi ini,yang ada hanya kebencian saja,sangat kacaulah dunia ini,oleh karena itu hargailah cinta,wujud syukur kita pada sang Khaliq

Penulis

Fendi ramanda