Umaku ba haji

Komunitas WawaLuhan

Bismillaah.. Kembali findi pop hjadirkan kisah yang mengharukan tentang bakti wan kuitan

Umaku ba haji..

Salaam dan sholawat kita panjatkan buat junjungan kita Nabi besar SAW

اَلَلَّـهم صَلِّ عَلَى سَيِّـدِناَ محمد عَبْدِكَ وَ رَسُوْلِكَ النَّبِيِّ الاُمِّيْ

Dikampung wawaluhan hiduplah seurang anak lelaki wan kuitan biniannya nang hanyar ditinggal mati abahnya,suatu malam

Uma utuh: tuh, abah ikam nakkai hanyar maninggal, uma ikam ni asa kada kawa nakkai mambiayai kuliah ikam,haaku asa maras wan ikam nakkai hiks hiks hiks..(Manangis)

Utuh:uma,pian kada usah paduliakan ulun,kaina ulun bausaha sambil kuliah..

Uma utuh:tapi nak,kaya apa ikam bausaha,mana maggawi pahumaan kita,mana kuliah,mana bagawi,kada kaawakkan bauntungai..

Utuh:kada papa ma ai,ulun lakian kuat haja..

Uma utuh:(dalam hati)liwar bauntung aku baisian anak kaya utuh ni, dunia akhirat aku ridho nakkai wan ikam..

Utuh:ma,uluh lihat satutumat pian mancangangi gambar ka'bah,titik banyu mata pian kanapa ma..

Uma utuh:hiks hiks haaku nakkai waktu abah ikam masih hidup,sawat bacita cita handak bahaji,sakalinya takdir Tuhan, abah ikam di panggil Nya, gagal. cita cita netu nakkai, kira kira kada tatulak lagi kalu nakkai uma ikam

Utuh: jangan putus asa ma ai wan Rahmat Tuhan,bila sudah dikahandaki Allah pian tulak,ada haja jalan Nya kaina,guring ha dulu pian ma ai..

Uma utuh:ayuha nakkai..

(Guring umanya utuh,manarawang utuh)

Utuh:sepanjang hidupku kada bakal kawa mambalas jasa umaku,tapi satidaknya aku akan bausaha manyanangkan hati umaku..

(Guring utuhnya,tangah malam sambahyang tahajud,badu'a)

Utuh:Yaa Allah Yaa mujib, jika bulih hamba meminta tambahkan rejeki buat hamba,agar bisa mewujudkan cita cita umaku bahaji Yaa robb, aamiin..

(Jam 3 utuh tulak ka pasar subuh,imbah sampai,malihat urang batatukar buahan acil sayur,manawarakan jasa)

Utuh:cil balanjaan pian banyak banar,ulun maangkatakanlah ka kandaraan pian..

Acil:ayuha nakkai,angkatakanlah,nah upahnya..

Utuh:makasih banyak cil..

(Diganiinya ulih utuh,saban ikung ditawarinya jasa,pas adzan subuh)

Utuh:subahanallaah,panggilan sholat..

(Hancap bulik karumah mandi,sambahyang,duit maambil maupah di buatnya ka tabungan,baisukannya tulak kuliah,dikampus)

Amat:(dudukan wan ciwi)ai buahannya tu lihati utuh nang kuliah basapatu baluang hahaha..

Udin:ai iih,ui tuh sini pang..

Utuh:apa din..

Udin:santai dulu coy,lihati kandaraan hanyar aku,kaya apa 250 CC mantap kalu..

Utuh:iih baiknya dinlah..

Amat:jangan ampun udin haja dicangangi tuhhai,ampun aku jua,mobil sport men..(Baagak)

Utuh:subahanallaah,bagusnya matlah..

Amat:ampun ikam pang mana tuh..

Udin:purun amat nih,nukar sapatu haja kada kawa utuh hahaha..

Aluh:hehehe,basangu gin kada kaluah kuliah..

Ratna:basanguai aluh ni utuh,basangu nasi tuhlah wan banyu tajau sabutul hahaha..(Mahapak)

Amat:hehehe,dililihat tuhhai,kalu bajajantik,sakit parut kaina ikam gkgkgk..

Utuh:Alhamdulillaah,sepanjang hidup aku minum banyu dalam tajau kada biasa lagi sakit parut..

Udin:tahulah tuh kanapa ikam kada biasa sakit parut,sualnya jajantik wan cacing dalam parut ikam sama sama sanasib masuk dalam parut urang sakit kaya ikam,tabahhai jar buahan jajantik gkgkgkgk..(Mahina banar)

Utuh:hehehe,siapa nang sudah ikam hina buahannya..

Amat:nyata situ pang..

Udin:siapa lagi pada ikam tuhhai..

Utuh:salah,ikam sudah manghina Tuhan,sebab Allah memberi aku nasib kaya ini adalah atas takdir Nya ,jadi yang sudah ikam hina ada pemegang takdir itu ..(Bajauh).

Amat:beuh bujur juakah..

Udin:balaluan babawa agama haja hantu nih..(Bakuciak)

(Mandangar utuh,balaluan babulik)

Utuh:din, parlu ikam katahui, sebagai mukmin kita kada bisa keluar dari hukum Allah Yaa Robb, tiap gerak gerik kita,perbuatan kita senantiasa dalam pengawasan Allah, laki laki menyetubuhi babinian pun mun handak halal ada aturannya yaitu pernikahan,adalah pernyataan orang bodoh mun baucap satutumat bawa bawa agama,sebab sudah jelas dalam hidup seorang muslim ada hukum Allah yang mengaturnya,kalau kada percaya tanyakan pada yang mengerti hukum islam..(Bajauh)

Ratna:bujur jua jar utuh tu,dangarakan dinnai..

Udin:muyakkah ikam tu rattai.. (Kakalahan)

(Kuliah utuhnya,imbah tuntung bulik karumah,sambahyang,makan,tulak pulang ka pahumaan,suri bulik,malamnya)

Uma utuh:nak kada uyuhlah ikam nak bagawian banar..

Utuh:kada papa ma ai,santai haja ulun..

(hari demi hari, bulan demi bulan tahun demi tahun,tabungan utuhpun mulai babanyak,kada sepengetahuan uma utuh,utuh daftarakan umanya bahaji,sampai pada suatu hari)

Utuh:maa dimana pian..

Uma utuh:hanyar imbah tuntung mangaji nakkai,sekalian mambaca amalan do'a mudahan bisa berhaji..

Utuh:umaa,bulan kaina pian tulak haji ma ai..

Uma utuh:hah jangan mahimungi kuitan tuhhai..

Utuh:kada ma ai,duit bagawi ulun selain gasan kahidupan kita ulun tabung wan mandaftarakan pian bahaji ma ai,alhamdulillaah cukup,jadi pian kawa tulak ma ai..

Uma utuh:masya Allah,anakku kapipintaran ikam nak hiks hiks..(Manangis Maragap ka anak)

Utuh:ini berkat rejeki Allah jua,wan jalan Nya,rejeki halal ma ai,titik paluh ulun hiks hiks..(Manangis)

Uma utuh:hiks hiks liwar ikam nakkai kababaikan baisi akhlak, mudahan ikam nakkai bahagia dunia akhirat..( Talapas du'a kuitan,ini adalah du'a nang paling di ijabah Allah,do'a kuitan nang takwa)

(Akhirnya tiba pemberangkatan haji,utuh babaju jubah buruk ha ampun arwah kuitan)

Uma utuh:anakku,langkah uma ikam ni nakkai,insya Allah maantarakan ikam ka surganya Allah..

Utuh:(mancium batis kuitan)aamiin

ربّ اغفرلي ولوالديّ وارحمهما كماربّياني صغيرا.امين

(Akhirnya tulak umanya utuh,pas di mekkah,takajut uma utuh ada jua utuh malaksanakan rukun haji)

Uma utuh:tuh niti ikam kalu nak..(Maingkuti tangan utuh)

(Uma utuh parasa malihat utuh bahaji jua,senyuum utuhnya,tapi badiam haja)

Uma utuh:tuh pabila ikam tulak nak,maka ikam batinggal di banua waktu uma tulak ..

(Bingung uma utuh,kamana mana uma utuh manjalanakan hukum haji disitu ada utuh jua,pas bulik,liwar takajut uma utuh)

utuh:maaaa,alhamdulillaah pian sampai dengan selamat..(Maragap kuitan)

Uma ifah 1:selamat uma utuhlah..

Uma ijak:salamat uma utuhlah.

(Maragap barataan)

Uma utuh:tuh,pabila ikam datang nak,maka tadahulu uma naik pasawat..

Utuh:hah,ulun kada kamana mana ma ai..

Uma utuh:nyata nakkai,waktu uma bahaji ikam bahaji jua,aku malihat ikam,sampai tuntung manjalanakan rukun haji,kada tapisah wan uma..

Utuh:ma ulun dirumah haja ma ai..

Uma utuh:subahanallaah,bisa jadi amalan ibadah ikam nakkai manaikakan uma bahaji,nang mencerminakan kejadian ini..

(Subahanallaah,utuh dengan ikhlas bagawi gasan manaikakan umanya bahaji,mendapat pahala sama urang bahaji,uma utuh malihat utuh bahaji jua,padahal utuh dirumah haja,inilah rahasia Allah,tidak ada yang mustahil jilka Dia berkehendak, dan pahala orang ikhlas sebaik baik ibadah di hadapan Allah)

Mudahan kisah ini bermanfaat,makin dekat cinta kita wan kuitan dan ibadah kita wan Allah,maaf bila ada kekurangan,semata mata gasan mahibur pian

Penulis

Fendi ramanda