Bismillaah.. Kembali findi pop hadirkan kelanjutan kisah batimbak
RAMBO LANDU part III
(Hayam nang di dapat dari anak buah oyok langsung disambalihnya ulih landu,imbah itu di panggangnya,imbah masak )
Nini kulimbit landu:wew maknyuus, buangi kulitnya dulu sualnya bakolesterol,makan dagingnya haja sihaaat,nyam nyam nyam, wah wah wah mun kaya ini tarus balamak awakku,kulimbitku kada parlu lagi di catok,bakancang saurang hehehe..(Himung kanyamanan makan)
(Sementara itu di markas musuh,datang anak buah oyok)
Anak buah 1:lapuran komendan..
Oyok:iya ada apa..
Anak buah 1: beberapa waktu yang lalu kami mandangar ditepian barat hutan sana ,ada suara timbakan,pas kami datangi sakalinya anak buah kita nang kita suruh mancari hayam jiun barataan..
Oyok:aaaaapaaaaaa,kurang ajar siapa nang sudah wani mambunuh anak buahku..
Anak buah 1:menurut informasi dari anak buah kita nang parak mati,pelakunya saurang babinian..
Oyok:gilaa wan babinian haja perai barataan,diandak dimana pakakas hah..
Anak buah 1:(takalipik)maaf komendan,binian ini termasuk barang langka komendan,inya ahli berperang gerilya..
Oyok:hmm hmm,mun dapatku kaina,ku gudar dalam kalambu,sudah wani mambunuh anak buahku,sekalian tes kejantanan, sualnya lawas sudah kada maadon hehehe..
Anak buah 1:(takalipik) ja jangan komendan,kaina pian malah karacunan,sualnya ini produk espait..
Oyok:(takalipik)hah maksudnya..
Anak buah 1:binian nangini termasuk remaja bahari komendan,nang wayah ini liwar tuhanya sudah jar,ngarannya haja rambu landu..
Oyok:(takalipik)akayy iyakah,beuh mun kaya itu bila dapat lansung timbak haja..
Anak buah 1:siaap komendan..
(Sementara di luar markas musuh,di panyanderaan)
Utuh:waduh waduh waduh,pabila kaluar pada licak ngini,liwar gatalan dalam salawar,di iguti tungau..(Bagaru batis kanan pakai batis kiri)
Amat:ini tuhhai putungan lain tungau,pinanya pacat liwar kada nyaman rasanya..(Takicing)
Udin:asli sakit lalu disandera ni, curut lalu buahan pimpinan fendi wan boy, kadada handak manyalamatakan kita kah..
Abah ijum:paling buahannya tu lagi satand by di warung jablay,batatawaan banar tu wan ciwi di higa,kita maka am baharianan dirandam musuh dilicak,pacat wan tungau nang jadi kawan..(Masam muha)
Utuh:mana parut lapar,dibari makan nasi,wan gangan haliling,imbah dikucup kadada isinya,sakalinya karungkungnya haja,pada kulir ha batambah..
Abah ijum:bahimat aku mangucup tuhhai sampai tadarah gusiku nang kilum ,sakalinya perai dalamnya..(Takicing)
(Sementara itu)
Nini kulimbit landu:waduuh kakanyangan makan ih,bungkus dulu sisanya,gasan kaina,saatnya aku melakukan penyerangan..
(Langsung rambu landu merambah hutan,pas sakian lawas sampailah di parak markas musuh,manurupungai rambu landu)
Nini kulimbit landu:hehehe,itu buahannya lagi barandam di lumpur,tangan ta jarat..
(Manarupung ka higa markas)
Nini kulimbit landu:hmm siapa tu nang bakamih badiri,hahaha halus kaya lidi pakakas,wew tapi gagah rupa,pasti netu buusnya,waduh galau jadinya,kanapa jadi musuh,harusnya jadi lakiku haja tu..(Hungang)
Oyok:(bagirik)brrrr nyaman banar bakamih..(Mangasak ka salawar)
Nini kulimbit landu:(manarupung)hahaha bagirik bus bakamih ,homa kada babasuhan ,kusarang wayah ini haja sudah..
(Mulai menyerang)
Nini kulimbit landu:wah wah nang di atas manara tu, kupanaaaah..(Manyiapakan panah)
Wuiiiiiiiiiiiiiiish,crash..(Kana gulu)
Aaaaakh...(Gugur mati)
Utuh:hah siapa nang mamanah tu,jiun musuh..
Amat:ssst badiam haja,pasti itu bantuan gasan manyalamatakan kita..
Nini kulimbit landu:aais badua di jambatan..(Mancabut lading kembar)
Siiiiiiiiiiuttth,crash..(Meluncur)
Musuh 2:akkkh..(Mati)
Musuh 3: aakh..(Mati)
(Makin parak rambu landu)
Abah ijum:hah rambu landu sakalinya..
Nini kulimbit landu:tenang men buahan ikam kusalamatakan,ini komendan utuh pistol gasan action..(Manjurung)
Utuh:wew mantaaap..
Udin:aku pang..
Nini kulimbit landu:maaf bus stok habis..
(Pas kaluar anak buah oyok dari dalam markas)
Musuh 4:hah ada penyusup..
Nini kulimbit landu:amaaakaaaay tut tut tut..(Manimbak)
Musuh 4: aaakh..(Mati)
Oyok:hah ada yang menyerang,ayuuu kita sergaaaap..(Manyiapakan timbakan ganal)
(Kaluaran buahan komendan oyok)
Anak buah 1:nah komendan netu urangnya..
Oyok:(takalipik)homaa mun netu pithecantropus erectus,gila tuher haja urangnya tapi harat manimbak,dum dum dum dum..(Manimbak)
(Baguling guling rambu landu)
Utuh:tum tum tum..(Manimbak)
Musuh 5:akh..(Mati)
Abah ijum:waduuh kada sing timbakan nah..
Nini kulimbit landu:mat,abah ijum,udin,buahan ikam lansung ketepian hutan haja,hadangi penjemputan sesuai jadwal..
Amat:ukiii..
(Lansung buahannya bajauh dari lukasi)
Utuh:rambu landu,ikam kasabalah sana,sikat nang disana,biar aku bagian sini..
Nini kulimbit landu:ukii, amaaakaaay, tut tut tut tut..(manimbak)
Musuh:6 aaakh..
Anak buah 1:komendan, pasukan kita banyak nang jiun..
Oyok:sikaaaaaat,dum dum dum..
Nini kulimbit landu:waaah tiaaarap..(Baguling guling)
Anak buah 1:tratatatatatatatatatat..(Manimbak)
Utuh:(baluncat,langsung manimbak)tum tum tum tum..
Anak buah 1:aaaaakh..(Mati)
Anak buah 2:komendan si habuk jiun..
Oyok:hah,kurang ajaaar,dum dum dum dum..
Utuh:(kana batis)aaaakh..
Nini kulimbit landu:hah komendan utuh,ikam jiun kah..
Utuh:(takalipik)curut,mun jiun kada kawa manyahut,kana batis haja..
Oyok:hehehe,kana batis musuh..
Nini kulimbit landu:(mamanah)wuuuuiiiiiiish..
Anak buah 2:crash,aaakh...(Mati)
Oyok:gila samuaan mati,dum,pap, beuh habis pilur..(Manggatar)
(Badiri rambu landu,manyiapakan panah)
Oyok:cilaka,pancangan jiun ni..
Nini kulimbit landu:hmm,pilih ikam,mau ku kirim ka kubur,atau jadi lakiku..(Malobby)
Oyok:(dalam hati)waduuh,pilih mana yu,mun mati kada kawa lagi ba facebookan, jadi laki pian haja buussai..
(Luncat luncat)
Nini kulimbit landu:yiiihaaa,cagar kawin,sini beibh..
Utuh:curut kahimungan inya,batisku maka kana timbak..
Oyok:beuh biar ha mandarita saumuran asal hidup haja,yo i say..(Mamaraki)
Nini kulimbit landu:ayu beibh umpat aku..(Manuntun)
(Bulikannai buahannya,datang jemputan,di heli)
abah ijum:kenapa komendan boy bapaluhan banar..
Boy:imbah bulik ni,aku cagar ngedate wan rambu landu,sesuai janji,bila kawa manyalamatakan buahan ikam..
Amat:hahahaha,wah mantaaap..
Boy:(takalipik)beuh mantap nangapa,pancangan satriss aku..
Oyok:masih mending ikam boyai,aku pang,dari pada ditimbak,tapakasa ai,hakun kawin wan rambu landu..
Fendi:gkgkgkgkgkgk,siapa jua suruh jadi musuh..
Boy:hahahaha bangat lagi,cagar baumuran..(Mangakak)
Nini kulimbit landu:kada usah gair, boy wan beibeibh oyok,badadua kawani aku ngedate ke dm..
Boy &oyok: aaapaaaaa..
udin :(takalipik)homaa hahahaha..
Amat:hehehe liwarram..
(Imbah sampai,malamnya tulakan buahannya ke dm,makanan)
Nini kulimbit landu:komendan boy,kanapa muha batuping,si beibebh oyok ni,batukup tapih jua muha..
Boy:hah,sakit lalu nasib,ngedate maka wan nini nini..(Masam muha)
Oyok:mun ikam sakali ini haja,aku pang cagar baumuran..(Takicing)
Nini kulimbit landu:hehehehe..
(Akhirnya rambu landu berhasil menjalanakan misi,dan bisa ngedate wan komendan boy,dan kawin wan mantan musuh si komendan oyok)
Tamat
Tunggu kisah baru ,like wan kumint jangan tatinggal,supaya kami selalu hadir mahibur pian barataan
Penulis
Fendi ramanda
0 komentar:
Posting Komentar