Kambang bangsawan

Komunitas WawaLuhan

7 April

Bismillaah..kembali findi pop menghadirkan kisah cinta utuh di kisah kerajaan yang lucu dan menyentuh,kisah pengantar guring,yang akan hadir di beberapa episode,yang kada katuju kapinggir satumat

Kambang bangsawan

Di negeri antah berantah ada sebuah kerajaan yang bangaran kerajaan wawaluhan yang dipimpin ulih prabu adinniyee dan permaisurinya ratu aluhyihaa yang memiliki putri yang sangat cantik putri syahira

Prabu udin:putriku..

Syahira:iya ayahanda..

Prabu udinniyee: ikam ni sudah ganal,kalu bacari juduh nang sadarajat wan kita,dan dari katurunan bangsawan,ayahanda kada handak ikam tapilih nang parai..

Ratu aluhyihaa:biar sakit barangnya kaya ayahanda ikam ni nakkai,nang panting keturunan darah biru..

Prabu udinniyee:(takalipik)dasar lingu baisi bini,laki di hapak..

maha patih ki ijum:hahahaha,prepet pet pet pet ..(Mangakak,takantut kantut)

Prabu udinniyee:(takalipik)mahapatih saraf,tatawa takantut kantut..(Bapicik hidung)

Ratu aluhyihaa:(bapicik hidung)huwaaah huwaaaah kantut bau kalat..

Putri syahira:uma nangini mamatii liwar sangak..(Bajauh)

Mahapatih ki ijum:maaf buussai gara gara tatawa lucut pang hahaha..

Prabu udinniyee:kiyau gusti prabu,jangan bakiyau buus, ayu push up sudah salah cengengesan lagi..

Mahapatih ki ijum:beuh iya am disuruh push up..(Pus up,unggat unggat sidin)

Ratu aluhyihaa:hahaha raja kimpos buyyit..

Prabu udinniyee:ai iih hahaha,ui ki ijum netu buyyitkah,plapon pos rundakah liwar lepeh gkgkgkgk..

Ki ijum:baisi pimpinan liwar lingu,dapur anak buah di hapak..

(Kita tinggalkan istana satumat kita malirik kehidupan dua urang pamuda )

Amat:tuh,samalam tuhhai waktu aku mandi di kali ada binian bungas tuhhai..

Utuh:iyakah,urang mana mat..

Amat:nah kada tahu am,kita nah balilihat kalu inya batapas pulang dibanyu..

Utuh:ayuu..

(Tulakkan kabanyu,pas ada malihat binian rahatan bakunyung)

Amat:nah pinanya itu tuhhai urangnya..

Utuh:iya garang mat,nang kaya iwak sapu sapu ha mudilnya ,awak pina landur rambut bahuban..

Amat:(takalipik)iih pina lain,kutawak pang..(Maambil ka batu manawak)

Nini kulimbit landu:(kana kapala) akay akay akay,siapa manawak aku nih,lingunya..

Utuh:(takalipik)han apa jarku lain jua ai,wariknya si buta dari gua hantu mattai sakalinya..

Amat:beuh iih,ayu kita bukahan..

Nini kulimbit landu:(bakuciak)uiii kamanaan,pamuda lingu urang rahatan bakunyung ditawaknya..(Sarik)

Utuh:(sambil bajalan)urang bajanjian dulu mattai nyata batAmuan..

Amat:harusnya kaya itu pang,eh tuh ada rumbungan kerajaan..

(Rupanya pas dijalan ganal,buahannya malihat rumbungan kerajaan bairingan,pas di selayang pandang utuh wan amat malihat putri syahira di dalam tandu kerajaan.)

Utuh:masya Allah,langkarnya..

Amat:akay akay akay,raja barang..

Prajurit 1:ui tungau waninya kada batunduk,kada tahukah putri raja lagi lalu,dasar kada tahu di basa..(Sarik)

Utuh:ini pang panyakit bawahan,harat pada pimpinan,Tuhan haja maijinakan aku melihat penciptaan Nya,kenapa ikam kada,mun sama sama cagar matian jua kada usah bapiragah harat,kada takutan wan azab kah sumbung wan sesama..

Prajurit:(takalipik)maaf bus,kada kaya itu pang bussai,aku sekedar manjalanakan tugas haja..(Pancat)

Amat:beuh alasan tugas,tipis lalu,jakanya kami menculikkah,atau bersikap kada supan bulih ikam sarik..

(Kaluar putrinya diiringi dayang yang cantik jua)

Putri syahira:prajurit biarkan dia..

Prajurit:iya putri..

Utuh:masya Allah,inikah yang namanya gusti putri syahira..

Putri syahira:iya ka,dan ini dayang ulun namanya mitha..

Amat:uway uway uway,ading mitha kenalkan ngaran aa amat..

Mitha: ulun mitha..

Putri syahira:maaf ka,atas perlakuan prajuritku..

Utuh:(manggatar)sempurna banar ciptaanmu yaa Robb,sudah cantik bagai dewi khayangan,bahasanya santun banar,putri.. seandainya saat ini ada sepuluh pelangi menjelma dan ribuan rembulan di langit menampakkan keindahannya,aku kada akan berpaling dari memandang putri yang amat jelita..

Amat:ading mitha ,seandainya cacing cacing tanah manaiki awakku,aku kada akan gelianan wan bapindah dari tempatku berdiri saat mataku sedang menyaksikan pesona cantik ading..

Prajurit 2:(dalam hati)harat manggumbal,muha kaya bernard,saikung kaya teletubies..

Prajurit 1:(dalam hati)nasib jadi prajurit,jaka jadi raja sudah ku ambil bini kaduanya,nyaman buahan gayung jamban netu parai badadua,ini baumuran aur tumbak haja di bawa,bilang malatup tangan,nasib nasib..

Putri syahira:(senyum)hmm ternyata ka utuh wan ka amat pintar merayu,sudah dulu ka lah,kami permisi dulu..

Utuh :iya ading..

(Bulikan buahan putrinya)

Utuh:mantap matlah,nah ini hanyar raja wajah mattai..

Amat:iih,pancangan kada kawa guring malam ini..

(Pertemuan di pandangan pertama sudah terjadi,apa yang akan terjadi selanjutnya,kOnflik apa yang akan menjadikan kisah ini seru dan lucu,nantikan episode selanjutnya di pengantar guring selanjutnya)

Penulis

Fendi ramanda