Rayuan GumbaL Nini KuLimbit Landu

Komunitas WawaLuhan

13 Oktober pukul 20:54 · Disunting ·

Rayuan GumbaL Nini KuLimbit Landu
Takisah si Utuh nang kadada gawian LaLu handak tuLak ma unjun pas di tangan jaLan tatamu wan Nini KuLimbit Landu.
Nini : Puhun pisang rabah ka kanan..
RABAH NYA AMPAH KA PUHUN KATAPI..
Uy Utuh sayang kamana bajaLan..
DI LIHAT PUTUNGAN PANG PINA AKSI..
(marayu Utuh)

Utuh : (sarik) Muyak ni ai, kada maLihat kah uLun handak ma Unjun..
Nini : Ma unjun hundang..
DAPATNYA BIUKU..
Amun mancari nang bujang..
BAIK WAN DIAKU..
(manggumbaLi Utuh)
Utuh : AsLi muyak Nini nih, uLun handak Lakas nah ma unjun jurang..
Nini : Ma unjun Tuh ai ka sungai paring..
UMPAN HABIS JUKUNG TAPALING..
SamaLaman aku Tuh ai, kada taguring..
KAINGATAN TARUS WAN IKAM NANG MANIS KURIHING..
(rayu tarus Nini)
Utuh : Muyak Ni ai.. KaLu pina uLun tawak ha..
(sarik banar dah Utuh)
Nini : Kapasar Tuh ai manukar iwak..
MANUKAR IWAK LAWAN HINTALU..
RiLa haja Tuh ai aku mun ikam tawak..
ASAL KAN TAWAK LAWAN CINTAMU..
Utuh : Sreeet (tahambur hingus) muyak Nini nih.. ULun kawan mahadangi dah.. (bamamai wan Nini)
Nini : Kapasar Tuh ai manukar bakwan..
MANUKAR BAKWAN CAMPUR KAKUMBU..
Amun ikam Tuh ai handak mancari kawan..
BAIK LAWAN AKU BAKAWAN DALAM KALAMBU..
(rayu tarus Nini bahimat)
Utuh : Muyaaaaak Ni ai, Lun handak Lakas nah, kaina banyu daLam ma unjun ngaLih
(bamamai banar wan Nini)
Nini : Sungai tabuk Tuh ai banyunya daLam..
BANYAK URANG BAJUAL LALAPAN..
Asa maLibuk Tuh ai hati di daLam..
SABAB BATAMUAN WAN IKAM NANG WAJAH TAMPAN..
Utuh : AsLi giLa nini nih.. (manyumpah)
Nini : Ka warung Tuh ai manukar guLa..
MANUKAR GULA TIMBANG SAKILU..
Dasar bujuran Tuh ai aku ni giLa..
TAPI GILA KARNA CINTA MU..
Utuh : Hiiiaaaaaaaattt pLaaaack pLaaack (mahambatakan tantaran unjun ka muha Nini.. Siup Nininya.. Utuh nya Langsung bukah mancincing)
Jaaahhhh..
[Boys]