Expendables kowa

Komunitas WawaLuhan

jangan lupa klik komonitas wawaluhan dan sukai halamanya....

Bismillaah.. Kembali findi pop hadirkan kisah misi penyelamatan,supaya ada siang nang dibaca,gadis misteri khusus malam

Expendables kowa

(Saat itu di markas besar expendables kowa sedang kedatangan saurang pengusaha yang jua mantan kepala inteligin )

Fendi :aku ada misi gasan buahan ikam

Utuh :misi napa netu pak..

Fendi :ada pasawat gugur di hutan labat..

Utuh :(takalipik)beuh mun hutan netu nyataai labat..(Prutis)

Fendi :hutannya daerah gunung meratus,kamungkinan ditimbak ulih garumbulan musuh ,ambil semacam alat komputer nang bisa mangatahui keberadaan harta karun di dalam pesawat netu..

Utuh :berapa upahnya..

Fendi :100 juta,umung umung manaan tim ikam..

Utuh:suiiiit suiiiiit..(Basiul)

(Datangan tim utuh,pakai sanjata langkap)

Utuh:perkenalakan ngaran buahan ikam ,wan urang yang membayar kita ni..

Amat:aku amat bagian panimbak jitu sekaligus ahli dalam menaklukakan ciwi..

Fendi :ai iyakah,wah siip ni,aku ada lirikan kaina lajari manggumballah..

Amat:ukii ukiii,asal cucuk bayarannya..

Nini kulimbit landu:beuh kisah handak malajari urang,saurang haja kada sing payuan,sumbuuuuung lu..(Manyahut)

Amat:(takalipik)curut dihapaknya ,badidiam ha kapur barussai..(Sarik)

Utuh:sudah sudah,ayu lanjutkan nang lain..

Udin: aku udin, selain panimbak,aku ahli jua dalam manjinakakan bum..

Abah ijum:aku abah ijum ahli dalam mancium jejak musuh wan ahli komputer..

Fendi :amun tahi lincung kaciumanlah abah ijum..(Hungang)

Abah ijumn:(takalipik)hantu gin mancium, mun netu curuttai..(Sarik)

Fendi :(takalipik)akayy,beuh bujur jua..

Nini kulimbit landu: aku landu ahli dalam bertempur wan maniming..

Fendi :beuh sudah lanjut usia masih haratlah bertempur landu..

Nini kulimbit landu:ikam gin kawa ku banting jangan rimihakan aku ikam.. (Baagak)

Buahannya:(baimbai)sumbuuuung lu..

Nini kulimbit landu:(takalipik)akayy ciri khasku di ambil..

Utuh : kapan kami mulai bagawi..

Fendi : baisukan isuk sudah lakukan aksi ,ingat bila buahan ikam culas,bapadah sudah bagawi padahal mijing di DM ,aku akan timbai awak buahan ikam ka kurungan buaya..(Bulik)

Utuh:(takalipik)homa ngerinyaa..(Marma)

(Isuknya tulakan buahannya pakai sapida)

Abah ijum:(gagarunum) waduuh pasukan kantut,kada bamudal,tulakan pakai sapida,lucut kai mangujak..(Lamah maninjak)

Nini kulimbit landu:beuh nangini,balum sampai kawadah musuh,sudah mati,liwar manggah,mana tulang cupu karikutan kabaratan maninjak sapida..(Liir paluh maninjak)

Utuh:ayuu kujaaak taruus,satumat lagi kita sampai Ke sungai..

Amat:braaaak,beuh pacul rantai,sapida onta bahari disurung gasan aku,hibak tangan kana gamuk dapatnya..(Mamasang ka rantai)

Udin:maulah mat tapasang,ikam masih mending mattai,ampun aku kalaharnya pacahan palurunya,iya babunyi banar maninjak,liwar barat mana babawaan sanjata di balukuk..(Masam muha)

Abah ijum:haaku mun kaya ini tarus jara umpat misi,lucut bamatian mangujak, incuk wan asam urat pancangan babangat, mana jalannya ampah banaik,liwar barat mana sapida mini ha pulang nang di bawa..(Takicing)

Nini kulimbit landu:haduuh,katitinggian jalannya,lucut maninjak kada jua sampai ,sapida bmx kakanakkan disurung gasan aku nang ukuran ban 20, kimpis ha pulang ucusnya ,dasar gila..(Gagarunum)

Amat:asli gagilaan rantai landur,jalan tanjakan ha pulang..

(Pas bahimat maninjak)

Amat:braaak,akayy..

Abah ijum :ai kanapa mat..

Amat: beuh pacul pulang rantainya abah ijummai..(Mamasang pulang ka rantai)

Udin:(satang liar) ai kanapa nih pina malayang di tinjak,homaa pilangnya bilung,saraf gara gara pacahan pang piluru kalaharnya..(Manjanaki ka pilang)

Utuh:ayuu sudah sampai..(Bakuciak)

(Tadudukan manggah barataan)

Abah ijum:jadi kombet kadada mudal,iya lucut kai..(Manggah)

Utuh:landu,pian jarang banyu..

Nini kulimbit landu :siaap komendan..

(Manjarangai banyu,imbah masak basurung piring plastik sabuah surang)

Utuh:sebelum kita malanjutakan perjalanan kita,makan siang dulu cooy..

Amat:yo i buuus..(Himung)

(Mangaluarakan utuh pada tas,wadai gabin dibagi sabungkus surang,wan kacang sa toples,tabubunciling buahannya manjanaki)

Utuh:ayu randam masing masing,gulai di atasnya,imbah itu makani kacang gasan cuci mulutnya..

Udin:(takalipik)dasar saraf,parut lapar gabin barandam disurung..

Abah ijum:(takalipik)homaa,hanyar ini ada buahan kombet,makan barandam gabin di hutan,cuci mulutnya kacang ha pulang,kaya apa maigut,kada sing gigian aku bahujung barijing gusi ni..(Takicing)

Amat:akay akay akay,kalalapahan aur bapasang rantai pacul,imbah handak makanan maka gabin wan kacang nang di untal ,pasukan kantut kadada mudal lalu..

Nini kulimbit landu:santaiai aku,gabin makanan favoritku pang,mun kacang uki haja,aku baisi gigi palsu..(Agak)

Utuh:nikmati haja,dari pada upaw..(Makan banar)

(Imbah tuntungan)

Amat:liwat mana lagi kita komendan..

Utuh:dari sini kita jalan banyu,kasabarang sana,menurut peta pas di sabarang sana kaandakan pasawat nang gugur netu..

Udin:siip,kalu kaya itu kita siapakannai sekocinya kaya buahan stallone..

Abah ijum:beuh pabibilakah baisian sekoci..

Udin:imbah pang kita naik apa..

Utuh:tabang puhun pisang,batangnya kita pakai gasan balarut..

Pasukan:(baimbai) aapaaaaaa..

Abah ijum:dasaar pasukan kantut,manyabarang sungai maka balarut pakai gadang pisang..

Utuh:sudah ayu kerjakan..

(Manabangai ka puhun pisang,babagi sabatang saurang,hanyar balaruttan disungai)

Amat:akay akay akay,iya banar biawak balarut dibanyu..(Mangayuh pakai tangan)

Nini kulimbit landu:bahujung diuntal buaya ni,batimbaknya kada..(Kacapak kacapak di banyu)

Abah ijum:bahujung kampap ni timbakan,luangnya tabuat banyu,sawat jiun ditimbak musuh,iya banar buntal..

Udin:beuh asli gagilaan,habis sapatu bot tabuatan banyu,mana bakayuh, mana sanjata dibalukuk sing baratan,liwar umpat misi nang kaya handak manggalau iwak..

(Pas sampai disabarang)

Abah ijum:ai kanapa nini kulimbit landu tu,pina badarahan,ruahkah kajian sudah..(Manjanaki)

Nini kulimbit landu:balang bajuku luntur hantuai bakas barandam di banyu..(Sarik)

Amat:gkgkgkgk..(Mangakak)

Utuh:ayu kita merapat..

(Baparak kepesawat)

Utuh:abah ijum buka kode aksesnya,dan ambil yang kita cari..

Abah ijum:siap komendan..(Mamicik)

Nini kulimbit landu:ai kanapa tu hitungan mundur..

Abah ijum:tasalah kudi tapicik nomor togel ,beuh pancangan maladak ni..

Amat:kemon kemon kemon..(Kaya buahan pemain expendables)

Abah ijum:ukii berhasil..

Utuh:bagus bagus, ayu kita kaluaran..

Udin:komendan,buahan gerumbulan netu rupanya mancium kebaradaan kita,nah itu buahannya ampah kasini..

Nini kulimbit landu:biar ku timbaak.. (Bacarik tapih,dikarut kakapala)

Amat:wuiiih landu,kaya rambo..

(Pasukan garumbulan mulai berdatangan, buahan expendables kowa siapp siapp berperang)

(Apakah misi buahannya aka nberhasil,atau sebaliknya,nantikan hanya di kowa)

Penulis

Fendi ramanda