KAWIN ANUM part VIII

Komunitas WawaLuhan

14 Oktober

Bismillaah.. Kembali findi pop hadirkan kisah

KAWIN ANUM part VIII

Esoknya diruang makan

Bunga:ka pian suapi ulun.. (Handak baungah)

Utuh:iya,baparak sini,piring makan pian kesiniakan ,aku sambil manyuapi umaku jua..

(Manyuapi utuh kaduanya,saling bagantian,maangkat piring umanya manyuapi umanya,maangkat piring bunga manyuapi bunga)

Pak fefen: (dalam hati) kada salah aku memilih utuh jadi minantuku,lembut wan bini,bakti wan kuitan..

Uma utuh:disuap jua nak nasi ikam..

Utuh:biar pian kanyang dulu ma ai, hanyar ulun makan, waktu pian handak melahirkan ulun,sakitnyapun kada sing ampihan pian rasakan haja ,masa cuma menyuapi pian ulun bamandak dulu..

Bunga:kenapa pian hakun menyuapi ulun ka..

Utuh:memang kehamilan diluar nikah musibah bagi pian,tapi bagi aku ini jalan pertolongan Tuhan,umaku kawa diselamatkan dengan mau menikahi pian ,jangankan menyuapi pian,pian suruh aku menggendong pian keliling banjar ni,akan ku gawi,sebab melalui pian aku masih diberi kesempatan bakti wan kuitanku..

Bunga:cukup ka,bunga kada sanggup mendengarnya hiks hiks hiks..(Menangis ada rasa sesal sudah berbuat semaunya wan utuh)

Pak fefen:nak utuh,ikam antar bini ikam ke dukter kandunganlah..

Utuh: iya pak..

Pak fefen:sekalian bawa uma ikam bapariksa, kerumah sakit,apa sudah kering luka imbah dioperasi sekalian manabus ubatnya..

Utuh:iya pak..

Bunga:biar bunga sendiri yang bawa mobil yah..

Pak fefen:iya tapi hati hatilah..

Bunga:iya yah..

(Tulakan buahannya, imbah sampai bapariksa,bulikan pas muguk mutur dipinggir jalan)

Bunga:waduh kenapa muguklah..

Utuh:nah kada tahuam,aku kada paham masalah masin ni..

Uma utuh:apalagi ulun..

Bunga:biar bunga pariksa masinnya..

(Kaluaran pada mutur,pas lalu ani bacacangangan utuh)

Uma utuh:nak,palingkan pandangan ikam dari wanita yang bukan muhrim ikam nakkai,sebab ikam sudah baisi bini,bila dipandangan ikam terdapat rasa suka dosa netu nakkai saulah ikam kada bersyukur dengan pilihan Tuhan ,jangan buat hatinya bini ikam kaciwa..

(Cangang bunga wan utuh nang bacacangangan wan ani)

Ani:(dalam hati)ka.. Kita pernah berlarian diantara taman bunga.. Dengan cinta yang sama kita rasa dihati kita..hiks hiks kita pernah menikmati indahnya lembayung senja..dan melewati jalan ini berdua..penuh asmara yang membara.. Bahkan kita pernah berpayung berdua.. Diantara kilatan yang menyambar ditengah lebatnya hujan.. Dan dengan hangatnya pelukanmu.. Kaka melindungiku.. Kita pernah merangkai janji.. Dikedepannya nanti kita songsong hari bahagia.. Tapi kini semua hanya tinggal mimpi dan kenangan.. Kenyataannya semua harus kulalui sendiri hiks hiks..(Menangis sejadi jadinya ani bukah banar, syair kupakai bahasa indonesia biar tambah haru)

Utuh:ma.. Bagaimana ulun bisa berpaling dari urang yang pernah singgah dihati ulun,sementara kadada luka yang inya guriskan,justru ulun yang sudah malukai perasaannya,dan mematahkan harapan indahnya, ulun kada menyesali takdir yang terjadi.. Tapi kada salah kalu ma.. Ulun berkeinginan bisa meraih tangannya.. Hanya sekedar maucapakan maaf pada ani..

Uma utuh:iya uma kada menyalahakan ikam nak,harus diingat ikam kada hidup saurangan lagi,ikam sudah baisi pandamping hidup,menjaga perasaan bini ikam lebih penting.

Utuh:iya ma.. (Dalam hati) maafakan ulun ma,sebenarnya ulun kada siap berumah tangga,ulun talalu anum masuk kedalam kehidupan dewasa, dulu ulun di minta banar ulih ani mangawininya,macam macam alasan ulun,sekedar memberi harapan wan inya,kenyataannya ulun masih handak manikmati masa remaja ulun,tapi mungkin ini sudah takdir ulun kawin pada saat jiwa remaja ulun masih bergolak,pastinya ada kebaikan dari ketentuan Allah,ulun akan belajar menerima ini semua..(Rambang utuh)

Bunga:ayu kita bulikan,mobil sudah mau hidup..

(Bulikan buahannya,kita tinguk dahulu amat wan lina)

Uma lina:akay akay akay,sudah jam 11 kada sing kaluaran pada kamar amat wan lina..

Abah lina:habis waluh dapatnya amat,haduuh liwarram,cuba pang umanya digarak anak wan minantu netu..

Uma lina:tok tok tok,ui lin bangun,pukul 11 sudah..

Lina:(mulai dalam kamar)kami kada guringan ma ai,hadang maimbahakan dulu..(Bakuciak)

Uma lina:(takalipik)akayy,liwarram kada mayu haja kah malam tadi..

Abah lina:akay akay akay,sadangam kalakuan..

(Kada lawas kaluar badadua batapihan haja)

Lina:ada nasikah ma,lapar parut..

Uma lina:(takalipik)bawa bersuci dahulu,hanyar bamamakan..

Abah lina:amun kaya ini haja,pabila ikam bagawi mat..

Amat:gampang abah mintuha ai,duit amplop masih banyak..

Abah lina:beuh,duit netu jadi andalan..

Uma lina:dilalakasi ha mandian..

(Mandian buahannya,imbah tuntung,langsung makanan)

Uma lina:kada babajukah dulu buahan ikam ni..

Lina:kada dung,imbah ini kami melanjutakan misi baulah anak..(Kilip kilip mata)

Amat:yoi mother,biar lakas pian manimang cucu,handak kalu sudah bagalar nini wan kai hahaha..

Abah lina:(takalipik)beuh kulir aku dikiyau kai..

Uma lina:aku gin kulir,marusak pamor netu..(Takicing)

Amat:huban basimpurut,maka kada hakun dikiyau kai wan nini,amun kada hakun, Dikiyau mbah barang..

Abah lina :mauk ikam ni mattai, kujantik ditalinga ni,mambari galar kada bagus lalu..

Amat:ai waninya handak manjantikku,sini pian mun wani..(Manantang)

Abah lina :ai manantangkah,gasak..

Amat:(badiri mamaraki) ayu,ciaaaat..(Manyarang)

Abah amat:hiaaah..

(Bagudar amat wan abah lina)

Amat:bah bah bah jangan ditarik tapih ulun,kaina tatilanjang..

Abah lina:kada tahu urusan..(Makinnya bahimat manggudar)

Amat:ai ai ai nah nah nah taluluy..

Uma lina:wew mempesona..(Marma)

Lina:beuh uma nih,dasar satris,ui ampihaaaaaan..(Bakuciak)

(Mandam balaluan)

Lina:hanyar diulah,cagar jadi anak balum,maka sudah bagudar,pian tu bahhai sudah tuha,kodrat umur tu kada kawa di ubah..

Abah lina:tapi aku asa takutan linnai,dipadahakan tuha..

Lina:masa tuha tu bahhai,pasti samua urang hidup maalami,kita kada perlu takutan mahadapi sesuatu yang kada kawa kita hindarkan,hadapi takdir netu dengan lapang dada dengan penuh rasa syukur..

Abah lina:iih pang bujur jua,ayuha aku hakun haja baisi cucu..

Uma lina :iih mun kaya itu aku hakunai ju..

amat:nah kaya itu kuitan nang baik,ayu mam kita chow..

Lina:chow kemana pap..

Amat:ka kalambu,sambung nang ada..(Lihum barait)

Lina:uuuh ya ya ya..(Hancap masukan ka kamar)

Abah lina:(takalipik)beuh manyambung pulang kah..

Uma lina:kaya itu pang ka anuman kawin,kada bapikir masa depan, aur nang nyaman haja..

Abah lina:baik kaya itu umanya ai,dari pada inya bapacaran haja, sualnya kita kada kawa maawasi banar pang,baciumanlah,baragapanlah, nang mambangkitkan hawa nafsu,anak babuat dusa,kita taumpat jua tahulah,kanapa mambiarakan haja anak baduaan wan urang nang kada muhrimnya..

Uma lina:akay kaya itu kah abahnya..

Abah lina:dengan menikahkan anak kita ,kita sudah menyelamatkannya dari rayuan syaitan berbuat zina,terhindar dari fitnah,dan aib yang manyupanakan kaluarga..

Uma lina:iih pang abahnyalah..

(Sementara itu,dikamar utuh,utuh mancangangi bunga nang guring)

Utuh:cantiknya pian ding,tapi aku kada handak mencampur janin pian,dengan berhubungan suami istri wan aku..(Mancium ka kaning bunga)

(Kita bamandak dululah,bagaimana akhir dari cerita ini,kita ketemu lagi di season selanjutnya)

Pesan:berpacaran memang lebih banyak menimbulkan mudharat,bila kada sanggup menahan nafsu, maka segala bujuk rayu syaitan akan menjerumuskan kita pada hal hal yang kada di Ridhoi Tuhan,untuk itu daripada pacaran balawas lawas,baik menikah,
Ada yang mengatakan 'aku belum siaap mengenai materi,mental dan lain sebagainya'apa harus menunggu umur tuha,alangkah manisnya membangun rumah tangga dan masa depan bersama sama dari nol,kita kada tahu umur kita dari pada kadada sama sekali,baik menikah ha, Insya Allah segala kebaikan dan pemikiran masa depan serta jalan akan terbuka,sebab pernikahan terdapat segala kebaikan didalamnya.

Maaf banar sanak barataanlah,talambat ulun mamposting,auran banar hari ini

Penulis

Fendi ramanda

Bismillaah.. Kembali findi pop hadirkan kisah