Pendekar hungang part IV

Komunitas WawaLuhan

23 Oktober

Bismillaah..kembali findi pop hadirkan kelanjutan kisah kerajaan sesuai permintaan,di like dikumint

Pendekar hungang part IV

Satria utuh: ulun akan membantu seikhlasnya, amun ulun berperang ,gasan mandapatakan pian,lalu apa bidanya ulun wan prabu angkara,sama sama penjahat mun kaya itu..

Ratu vanessa:(dalam hati)hmm pendekar ini selain sakti ternyata berhati luhur,aku makin mengaguminya..

Senopati amat:syukur,masih ada harapan..

Ratu vanessa:(takalipik) hah , harapan apa senopati amat..

Senopati amat:(takalipik)up ka ka kada papa gusti..(Gugup)

Ratu vanessa:ooh aku tau,pasti senopati amat masih berharap kawin wan dayang kulimbit landu..

Pembesar kerajaan:gerrrrrrrrr hahaha..

Senopati amat:akayy maaf gusti,jangan pian berpikiran kaya itu,sualnya ulun indah banar bersanding wan pendekar tapih keramat.. (Takicing)

Dayang kulimbit landu:(takalipik)beuh siapa jua handak wan situ,kada level, gaya kisah manulak,sumbung lu...

Ratu vanessa:sudah sudah,dayang lina dan dayang mitha,masak yang enak buat menjamu pendekar kita ini..

Dayang lina:daulat gusti..

Dayang mitha:maaf gusti kita kahabisan gula di dapur istana..

Ratu vanessa:ooh begitu,tumenggung udin,tukar gula ka warung..

Tumenggung udin:(taakalipik)akay,tumenggung maka disuruh manukar gula ka warung..(Takicing)

Pembesar kerajaan:gerrrrr hahahaha..

Ratu vanessa:kau menentangku tumenggung udin..

Tumenggung udin:ampun gusti,hamba kada wani..

Senopati amat:jangan kada ingat tumenggung udinlah,tukar jua wadai marinya gasan marandam di banyu gkgkgkgkgk..(Mangakak)

Tumenggung udin:(takalipik)beuh balaluan mahapak ha tabungan ayam ni..(Masam muha)

Putri vanessa:senopati amat,ikam ganii dayang kulimbit landu bacarian nyiur tuha nang gugur gasan baulah sayur balamak..

Tumenggung udin:hahahahahaha,liwar lucu gkgkgkgk..(Mangakak banar)

Senopati amat:(takalipik)akayy senopati maka disuruh bacarian nyiur tuha..

Satria utuh:hahaha maka wan bidadari ih..

Senopati amat:beuh wan manusia purba netu maka dipadahakannya wan bidadari..(Masam muha)

Dayang kulimbit landu:(takalipik)curutnya ikam senopati amat,kisah kabungasan manyambati urang,sumbung lu...(Menyengkeng)

Ratu vanessa:sudah sudah,ayu kerjakan,dan mahapatih kiijum jamur tilam gasan kaguringan pendekar kita ini..

Mahapatih kiijum:(takalipik)homa mahapatih maka disuruh manjamur tilam..

(Tapangsar senopati amat wan tumenggung udin manawaakan)

Senopati amat:gkgkgkgkgk...

Tumenggung udin:hahahahaha..

Satria utuh:tulung mahapatih kiijum dikibahakan urus tilamnya kaina supaya kada baratiklah hehehe..

Mahapatih kiijum:curut pakai apa mangibahnya..

Satria utuh:pakai rambut pian nang panjang tu nah,atau pakai janggut ,barasih haja tu..

Senopati amat:hahahaha bujur tu gkgkgk..

Mahapatih kiijum:(takalipik)beuh tatawa banar beruang madu nih..

Ratu vanessa:ayu mulai laksanakan tugas..

Pembesar kerajaan:daulat gusti..

(Sementara itu di kerajaan pahit wesi)

Prabu angkara:kenapa punggawaku si juhing wan kakaknya kada sing datangan..

Penasehat kerajaan:ampun baginda,hamba berpirasat kalau punggawa kerajaan kita kada akan bulik lagi..

Prabu angkara:maksud penasehat..

Penasehat kerajaan:bisa jadi,punggawa kita sudah jiun di bunuh ulih orang orang waluh sari..

Prabu angkara:hmm hmm,kalau sampai itu terjadi,aku akan hancurkan seluruh wilayah kerajaan waluh sari..

Penasehat kerajaan:tapi mudah mudahan firasat hamba luput baginda..

Prabu angkara:kira kira kada pang,sualnya banyak nang handak minta ambil bini wan aku ni hehehe.. (Baagak)

Penasehat kerajaan:yo i baginda, baginda kan kece, tapi masih ada yang kurang baginda, bulu hidung pian pina malarak..

permaisuri aluh :iya ai,aur handak babini haja,sampai ka bulu hidung kada di parhatiakan,perang batin di kalambu haja kalah tarus wan aku..

Prabu angkara:(takalipik)curut dihapaknya aku, penasehat kerajaan tulung cabutakan bulu hidungku pang..

Penasehat kerajaan:daulat gusti..

(Baparak penasehat)

Penasehat kerajaan:siiap siiap baginda,ulun cabuut langsung 3 bilah,hiiiaat..(Bahimat manarik)

Prabu angkara:(takuciak)adaaaaaaw...

Penasehat kerajaan:siip berhasil berhasil..(Kaya dora)

Prabu angkara:gila kababanyakan manarik,baaaaak..(Manyipak)

Penasehat kerajaan:(tajungkang)akaaaaaaaay...

(Pas datang utusan dari kerajaan waluh sari)

Utusan waluh sari:ampun baginda ijinkan hamba menghadap..

Prabu angkara:ada apa..

Utusan waluh sari:hamba menyampaikan kabar dari gusti ratu vanessa,bahwa gusti ratu menulak lamaran gusti prabu,dan siiap berperang di medan perang melawan kerajaan angkara..

Prabu angkara:kurang ajar,waninya ratu vanessa manulak lamaranku..

Permaisuri aluh:yiiihaaa,kawan sakalambu kada jadi pindah ranjang.. (Himung)

Prabu angkara:(takalipik)beuh malah himung inya..

Utusan waluh sari:hamba muhun diri gusti..

Prabu angkara:sampaikan wan ratu ikam,esok kita mulai peperangan.. (Liwar sarik)

Utusan waluh sari:daulat gusti..(Bulik)

Penasehat kerajaan:ampun baginda,kenapa malah utusan kerajaan waluh sari nang datang,mana utusan kita..

Prabu angkara:utusan kita pasti sudah dibunuh,kurang ajar,tunggu pembalasanku...(Mirah padam muha)

(Sementara itu dikerajaan waluh sari lagi bamakanan)

Senopati amat:akay akay akay si pandikar makan parak sabakul..

Satria utuh:2 hari kada sing makanan..

Ratu vanessa:hehe masih banyak ka,makan kanyang kanyang..

Tumenggung udin:(takalipik)homa mahapatih kiijum,janggut tarandam dalam kuah..

Mahapatih kiijum:ai iih kada marasa hehehe..

(Malamnya satria utuh handak guring datang dayang lina)

Dayang lina:maaf pendekar ulun datang..

Satria utuh:hah,ada apa dayang lina..

Dayang lina:ulun disuruh gusti ratu untuk mengawani pian guring,wan siaap melayani pian di atas ranjang..

Satria utuh:hmm, dayang lina pian sudah menikah..

Dayang lina:belum tuan..

Satria utuh:hmm hmm, dayang lina keperawanan itu adalah mahkota yang amat berharga,hendaknya yang mengambilnya adalah orang yang punya hak atas pian,yaitu laki pian kelak dengan menikahi pian, jangan mau melepas keperawanan hanya karena sebuah pengabdian atau karena jabatan pian,atau rasa sayang pian terhadap sesama manusia,sebab apa yang pian miliki adalah titipan Tuhan,hendaknya jangan maulah Tuhan murka hanya karena jabatan,atau rasa cinta duniawi pian hakun babuat hal yang mendurhakai Tuhan..

(Kada lawas masuk ratu vanessa)

Ratu vanessah:luar biasa,sikap kaka merupakan sosok manusia sejati, maafkan ulun,ulun hanya menguji keimanan pian,dengan mengutus dayang lina kesini,makin dalam rasa kagum ulun wan pian kaka..

Satria utuh:ampun gusti ratu, hidup karena karunia Ilaahi,mengapa kita tanpa rasa supan berbuat kemaksiatan,bahkan kedurhakaan sementara kita akan kembali pada Nya, sungguh itu merupakan kekhilafan..

Ratu vanessa:iya ka,selamat berisitirahat,ayu dayang lina kita keluar..

Dayang lina:iya gusti..

(Kaluaran,guring imbah itu satria utuh,kadap hari parak malam jumahat kita sambung kisahnya isuk ,hadangiai kelanjutannya hanya di kowa)

Pesan:tiada yang semanis dalam hidup selain mampu menahan diri dari segala keburukan, dan hidup akan lebih membahagiakan bila kita memahami arti hidup yang sesungguhnya,bahwa hidup adalah karunia Ilaahi jadi hendaknya lakukan segala kebaikan bukan kedurhakaan

Penulis

Fendi ramanda