Utuh,landu dan dia

Komunitas WawaLuhan

Bismillaah.. Findi pop bakisah
Utuh,landu dan dia
(Utuh nang rahatan bajalanan pas kahujanan)
Utuh:beuh iya am babasahan awak judulnya ni,mana kadada kanaungan..
(Pas ada binian bapayung)
Binian:kehujanan kah ka..
Utuh:enggih dingai,homa ding bungasnya rupa,siapa ngaran..
Binian:nadhira ka ai..
Utuh:wew nadhira, (banyanyi,lagu memori daun pisang) saksikanlaah.. Saksikan olehmu wahai sang hujan.. Aku yang sedang jatuuh.. Dilanda kasmaran..(Mangibit dagu)
Nadhira :hmm pian nih..(Supan)
(Pas datang nini kulimbit landu,baurai rambut)
Nini kulimnbit landu:(banyanyi)memori daun pisang takkan terlupakan..(Maurak tapih)
Utuh:(takalipik)akay kapur barus ni nang datang..(Takicing)
Nadhira :hmm..(Bukah)
Nini kulimbit landu:(banyanyi)memori daun pisang semoga jadi kenangan..(Bajugit)
Utuh:(bakuciak)uiiii nadhira,beuh ditinggalakannya,curut nini nih timbul bajauh harimnya..(Sarik)
Nini kulimbit landu:aku gin handak jua dirayu tuhhai..(Kilip kilip mata)
Utuh:(takalipik)homa handak minta rayu jua,barayuan sana wan hadangan..(Kada tatahu muha)
Nini kulimbit landu:berrrrrr,dingin kam tuhhai, ragap aku tuh nang kaya di film india..(Mambuka tangan)
Utuh:(takalipik)lingu lalu,huban bahambur handak minta ragap,nadhira..(Bakuciak,mandatangi)
Nini kulimbit landu:akay ditinggalakannya aku,akan ku buktikan pada dunia yang tuha gin bisa jua bercinta..(Hungang,bukah jua)
(Pas kawa manyusul)
Utuh:pian handak kamana ding..
Nadhira :ulun handak manukar gabin ka ai,gasan marandam..
Utuh:uuh iyaakah hehe ,ding pian tahulah kenapa tiba tiba turun hujan..
Nadhira :kada tahu ka ai..(Biingung)
Utuh:sebab hujan akan menjadikan kenangan yang begitu indah buat kita ding hahay..(Marayu)
Nadhira :hmm pian nih..(Supan)
(Datang pulang nini kulimbit landu)
Nini kulimbit landu:tinggalakan haja inya tuhhai,baik wan aku nang sudah bapangalaman..(Hungang)
Utuh:(takalipik)saraf kulipak jaring ni pulang nang datang..
Nini kulimbit landu:baik kita banyanyian tuhhai kaya film india ,ikam jadi mithun aku madhuri dixit,brrrrrr..(Kadinginan)
Utuh:(takalipik)mauk pian nih madhuri dixit nangapa amun jadi alien cucuk , ding nadhira semenjak pertama memandangmu,mudilnya ada gatar gatar cinta dingai didadaku..(Manggumbal)
Nadhira :hmm iyakah ka..
Nini kulimbit landu:dustainya wanyi luhhai ikam,aku haja dicampakkannya setelah semuanya diambilnya..(Hungang)
Utuh:(takalipik)mauk nih,napa nang ku ambil..
Nini kulimbit landu:waktu waktuku tuhhai,samuanya telah hilang percuma gara gara aur mangganang ikam haja..
Utuh:(takalipik)musti lalu nini nih..
Nadhira :ka urus dulu hubungan pian wan beliau ni,ulun bulik dulu..(Bukah)
Utuh:(takalipik)nadhira ,beuh iyaam ditinggalakannya, lingu lalu nini nih,aur mahaur haja,timbul inya bajauh..
Nini kulimbit landu:apa bidanya aku tuh wan nadhira, dia wanita aku wanita..
Utuh:uuh handak tahu bidanya kah,nadhira tu bungas,anum cucuknya wan aku,amun pian ni tuha awak saraba peraii, cucuknya bapacaran wan buntal,baaak..(Ditunjulnya)
Dabaaaaaaau (tacabur)
Nini kulimbit landu:(bakuciak)saraaaaaf kanapa aku ditunjul..(Kacapak kacapak dibanyu)
Utuh:pacaran sana wan buntal..(Bajauh)
Nini kulimbit landu:(bakuciak)ku kutuk ikam ta pacari bini urang,brrr sudah dingin ditunjulnya ulih utuh kalu lingu..(Bakunyung ka tabing)
(Aur mahaur haja jar utuh kamumuyakan ditunjulnya ulih utuh ka banyu,apa ada pada kacapak kacapak dibanyu)
Pemanasan dulu nah,banyak juakan nang online ni
Penulis
Fendi ramanda