Utuh cs naik pesawat
(Si utuh, amat wan udin handak tulakkan naik pesawat kejakarta
Diruang tunggu bandara bapandirAn tro jaring ni)
Amat:tuh aku hanyar ini nah bisa naik pasawat,asa lamah lintuhut manggatar takutan kalu gugur hiiiiiih ngeriiiii..(Kabuliyangan)
Utuh:amun ikam mattai manggatar haja hanyar,mun sowang ni sudah takamih sadikit disalawar,saking takutannya..
Udin:hahaha aku haja nang kada takutan buahannyaai(baagak)
Utuh:tapi kanapa din salawar ikam babau hancing(hiran)
Udin:dalam taxi argo tadi aku sudah takamih tuhhai, kaingatan barita di tv pasawat gugur (hungangnya hidup)
Amat:beuh dasar curut bapiragah kada takutan sakalinya paling pancat..
Udin:ya begitulah aku mat hahay..
(Singkat kisah babuatannai dalam pesawat,tarabang pasawat ni)
Utuh:(didalam pesawat) mat aku handak bakamih kaya apa mambuka lawang pasawat yu..
Amat:(bakiyau)pramugari, kawanku handak bakamih..
Pramugari:wc ada dibalakang pak
Utuh:ganii pang mat..
Amat:ayuha , tapi aku kada kawa badiri tuhhai, manggatar banar lintuhut katakutanan..
Utuh:sama haja aku gin manggatar banar,din tuntun pang kami..
Udin:salawarku basah banar,takamih pulang di salawar,manggatar banar asa kada kawa bajalan,batingkaung haja kita ,yang panting kada gugur..
(Batingkaungai buahannya,panumpang lain nang malihat mangakak tatawaan)
Amat:saraf buahannya nih tatawaan inya, kami kada marga takutan tapi lagi bacari dumpet nang gugur(kada handak supan)
Utuh:nah iyaam takamih disalawar sudah mattai aku, babulik ha ka bangku(jutut salawar takamih)
(Mangakak tatawaan makin kancang panumpang lain)
Sakalinya malihat buahannya wan aluh yang jadi pramugari,aluh kisah sumbung
Utuh:ai aluh jadi pramugarikah ikam
Aluh:siapalah aku kada kanal..( hancap bapaling)
(hilang rasa takutan utuh balaluan badiri, salawar maka jutut imbah takamih lalu banyanyi lagu rhoma irama)
Utuh:kau palingkan muka bila kumemandang..
(Amat wan udin langsung badiri bajuget)
Utuh:kau percikan ludah bila ku menyapa
Amat: yiiiiiiihaaaaaa(makin kancang bajuget ampih manggatar)
Udin:huuuuurrrrrrrrraaaahaaa(maayak banar ka buyyit bajuget, salawar maka babau hancing)
(Pasawat taranjah awan, bagantar pesawat)
Utuh:(bakuciak)tuluuung aku indah mati.. (bapingkut banar batatiga baragap)
Udin:(hahar hahar) ai kanapa nih pina kanyul kanyul..
Amat:buku undasku bunyullai nang ikam pusut..(Sarik)
Udin:(takalipik)beuh saraf tajapai pakakas naga..
(Ranai dudukan buahannya muha pucat lintuhut manggatar)
Udin:kira kira kita ni sampai mana yu sudah..
Amat:kada tahu jua aku,cangang ka bawah haja pancat aku..
Utuh:nahma mattai,jangankan manjanaki ka bawah,manggarakakan gulu haja asa kada wani..
(Singkat kisah sampai bandara soekarno hatta)
Amat:yiihaaa akhirnya kita mandarat,ha hayyy..(Himung)
Utuh:(pas lawang tabuka,dimuhara lawang bakuciak) mulan jameela pacar ikam datang(hungang)
Udin:(kada handak kalah)OOMAAS laki ikam datang..(Bangang)
(Mangakak nang malihat)
Amat:(sing nyaringan bakuciak kaluar balalaju) rhoma irama mainjaam gitar aku datang..(Tajajak rastung udin)
Udin:aduuuh rastungku linyaak..
(manunjul ka amat kana utuh baguliling di tangga,amat wan utuh guguran badadua)
Utuh:(manangis) aduuuh raum panjanak saraaaf baisi kawan,manunjul kada baingat..
Amat:(bakuciak)udin linguuuuuu,curut ditunjulnya aku..(Sarik)
(Udin dimuhara lawang manggumbal aluh)
Udin:luh kita bajalanan ka bundaran HI kah kaina naikkan ka grand shoping jakarta ,kutukarakan baju wan kutang hanyar..
Aluh:pina musti,salawar tu disalin,liwar babau hancing,bapasawat maka takamih kamih..
Udin:beuh sumbungnya,kaina ikam kubawa binian nang labih bungas,dijakarta ni dihadapan, hanyar tahu tu (sarik banar)
Lagi auran sanakkai nah
Penulis
Fendi ramanda
0 komentar:
Posting Komentar