Tanda jodoh petunjuk dari alam mimpi
(Di kaguringan utuh gagarunum)
Utuh:waduuh lucut kaya ini,batapas saurang,guring saurang,mata melotot pikiran melayang oh bujangan bujangan bujangan,beuh kanapa jadi timbul banyanyi,ini gara gara galau pang kada sing binian..
(Pas antara sadar wan kada utuh taguring, bamimpi utuh)
Urang tuha:cucuku i am coming..(Datang)
Utuh:beuh datu ni pulang nang datang,ada apa datu,bulan lalu kaya ini jua datang,kisah handak mambari jimat pangikat sakali dibuka bungkusnya gigi palsu isinya..(Masam muha)
Urang tuha:hehehe untuk mendapatkan sesuatu yang bagus,harus menghadapi beberapa ujian tuuh,umung umung sawatlah dipakai gigi palsuku waktu itu..
Utuh:(takalipik)gagilaan mamakai,gigi palsu nang parak jadi fosil netu,amun handak dipakai jua di asah dulu dijadiakan batu akik..
Urang tuha:(takalipik)saraf gigi palsu handak diulahnya batu cincin..
Utuh:gigi palsu nang jadi fosil netu maka disuruh mamasang,sudah bakarak pina batagar pulang..
Urang tuha:gkgkgkgk bearti ada haja akal tu,kaluai hakun mamasang ka gusi,liwar saraf tu ngarannya hahaha..
Utuh:(takalipik)akayy mantes akalku haja sakalinya, umung umung ma apa pian kasini pulang datu..
Urang tuha:aku handak mambaritahu wan ikam,isuk di batang banyu akan ada binian nang mandian,nah tiap babinian dilihati KATIAKNYA, bila ada tanda tumpel di padang biang aroma netu,itulah juduh ikam sasuai wangsit, kenikmatan demi kenikmatan akan ikam dapatkan cucuku..(Bahilang)
(Tabangun utuh)
Utuh:astaga bamimpi pulang aku, bujur juakah yu juduhku batumpil di katiak,waduuh pancangan kada kaciuman ni biang aroma, bau masamlah,bau gardu lah,bau haringlah akay akay akay,tapi untung di katiak jaka di buyyit,harau kada kaluluyan cawai urang,bahujung disasahi warga dikira si kulur ijo hehehe,isuk ku gawi pang,mudahan nang batumpil dikatiak bungas urangnya..(Cemungut)
(Esoknya utuh langsung ka batang,pas sampai)
Utuh:beuh bujur juakah petunjuk datu netu,kadada nang anum nang mandian,pada acil enor saurangan haja..(Bagaru kapala)
(Pas Datangan buahan nang anumnya)
Utuh:hehehe nang anum mandian jua,nah mungkin ini juduhku,operasi dimulai..(Turun ka batang)
Acil enor:maapa ikam tuh ka padang binian..
Utuh:mulai aluh,haap..(Maurak katiak)
Aluh:(takalipik)bunyulnya utuh ni..
Utuh:(takalipik)homa luh masamnya katiak,beuh untung kadada tandanya..
Aluh:(takalipik)lingunya,paaaau..(Manampar)
Utuh:(takuciak)adaaaaaw,beuh ditamparnya aku..(Mamusut muha)
Aluh:jara kada,katiakku di ungap..
Utuh:au ah, malihat ampun ikam pang rat,haaap..(Maurak katiak)
Ratna:(takalipik)lingunya ikam tuh..
Utuh:(marma) homa rat badaki katiak hahaha,asli kadada jua tandanya..
Ratna:gilanya,paaaau..(Manampar)
Utuh:(takuciak)addaaaaw gancangnya ratna nih manampar..(Mamusut muha)
Ratna:surang jua sudah maungap manyambat katiakku badaki pulang..
Utuh:harau 2 kali bintat,tanggung sudah kutahani tu pang,ampun pian pang acil enor..(Maurak katiak)
Acil enor:ai maapa tuh..
Utuh:ubuy labatnya bulu katiak,asa garigitan,kuruhut pang kada kalihatan tandanya,haaaap..(Manjuhut)
Acil enor:(takuciak)adaaaaaw akiiit,habis katiakku..(Tapak tapak ka katiak)
Utuh:(takalipik)homa 5 lambar ta ruhut,beuh bau haring katiak bus..(Takarusut hidung)
Acil enor:lingu banar,paaaau..(Manampar)
Utuh:(takuciak)addaaaaaw,gancangnya acil nih manampar..(Masam muha)
Acil enor:nyawa jua nang lingu bulu katiakku diruhut,ayu bulikan sudah, ada urang saraf disini..
(Bulikan buahannya)
Utuh:asli babunyullam wangsit,tabalik habis pipiku babangkakkan..
(Datang nini kulimbit landu)
Nini kulimbit landu:kanapa tuh pipi pina habang kaya itu..
(Pas nini manyangkutakan tapih ka jamban,taurak katiak )
Utuh:(takalipik)hah..
Nini kulimbit landu:haw napa takajut tuh..(Biingung)
(Hancap bulik utuh sambil gagarunum)
Utuh:bunyullam diwaluhi padatuan pulang aku,nang batanda dikatiak nini kulimbit landu sakalinya ,biar kada aku bajuduh wan pandikar tapih keramat netu,asli kalah banar aku,pina musti kenikmatan demi kenikmatan akan ikam dapatkan cucuku ujah ,sakalinya bintat maka iyaa, habis maarit muha babangkakkan gara gara maurak katiak urang,kalu lingu..
(Abut utuh kana waluhi padatuan pulang)
Met lebaran yee
Penulis
Fendi ramanda
0 komentar:
Posting Komentar