Batamu balu
(Abah ijum lagi main catur wan pa rt,datang utuh babaju sakulah)
Utuh:wah wah wah,main apa tu..
Abah ijum:main catur tuhhai..
Utuh:pina musti,kuda jalan lurus main catur jar,bapadah ha bagapit kisah bapikir banar..
Pa rt:badidiam pang tuh,tahu haja kami kada bisa bacatur,gayanya haja kalu ada harim lalu,itung itung tebar pesona..(Hungang)
Utuh:dari pada buahan pian mahadang nang kada pasti,ulun ada baisian guru,janda muda,lagi bacari laki,kisahnya ni inya handak wan aku,tapi aku ni kada nyaman pang paguruan di pacari,baik buahan pian haja nang mamacarinya..
Pa rt:ai bujurankah tuh,mun kaya itu aku nang cucuk..(Semangat)
Abah ijum:kada kawa pa rt ai,aku nang paling pas,maklum pria idaman buahan balu..(Kada handak bakalah)
Pa rt:beuh,idaman nangapa,diganang huban bahambur di kapala..(Mahapak)
Utuh:kada usah abut,datangi haja badadua,siapa nang dipilihnya netu nang dapat,bapadah haja wan sidin,bahwa pian ni yang manggantiakan ulun..
Pa rt:bujur jua mantap tu, ayu abah ijum kita garap..
Abah ijum:yo i coy..
(Tulakan buahannya ka sakulahan utuh,sing lajuan bajalan,samangat banar,imbah sampai,batamuan)
Ibu guru:pian pian ni siapalah..(Bingung)
Pa rt:kami mancarii guru utuh nang balu,janda muda jar utuh..
Ibu guru:disakulahan ni guru nang balu aku haja pang pa ai..
Abah ijum:(takalipik,dalam hati)beuh mun nangini kadada anumannya lalu ,tuha banar pina parak pensiun sudah,pipi kempot,kulit landur,huban basimpurut..(Saurang hibak jua huban)
Pa rt:(dalam hati)akay akay akay,amun nangini,lain janda muda pang ,tapi janda peninggalan penjajah liwar tuha..(Takicing)
Ibu guru:sebenarnya apa maksud buahan pian ka sini..
Abah ijum:uuh kami ni disuruh utuh,manggantiakan posisi utuh ka sini,iya manamui gurunya nang balu tadi..
Ibu guru:(dalam hati)saraf banar kakanak netu,paguruan balu di ekspos banar sampai kaluar.. uuh kaya itukah,ayu umpati aku..
(Mairingiai abah ijum wan pa rt,dibalakang guru utuh bajalan ,imbah sampai dimuhara wc,dijurungi,ibu guru utuh,sikat wc,wan imbir)
Ibu guru:nah di barasihiai wc nya sampai barasihlah..
Pa rt:(takalipik)ai apa maksudnya nih..
Ibu guru:pian ni manggantiakan utuh kalu,inya dihukum kada manggawi pr ku suruh mambarasihi wc,sakalinya bukah,jadi mautus buahan pian kalu,ayu sudah barasihi wcnya,mun kada barasih jangan bulik..(Bajauh)
Pa rt :(takalipik)dasar saraf babanaran,di waluhinya sabigian ulih kakanak netu,bapadah gurunya nang balu bacari laki,sakalinya disuruh mambarasihi wc,hilang wibawaku ni..
Abah ijum:(taduduk)asli lalinguan,tuha bangka sudah iya kana haja di akali kakanakkan,hayalan dapat balu,sakalinya disuruh mambarasihi wc,uma uma liwar bau pulang..(Bapicik hidung)
Pa rt:ubuy ubuy,asli gila,maka ada ee nang timbul di luangnya ,beuh liwar lingu..(Abut)
(Gagarunum pa rt wan abah ijum di padang wc,kana banar diwaluhi utuh,tapaksaai mambarasihiakan sambil bapicik hidung)
Abah ijum:bunyullam timbul awak bau biang aroma,penampilan rapi, babatik tulak,sakali sampai luang jamban nang diudak..(Takicing)
Pa rt: jatuh pamor sebagai pejabat kampung, sasingut sing labatan maka gayung wan sikat jamban nang di ganggam,biang aroma nang dikulai kalu lingu..(Masam muha)
(Hancur liyuy jar pa rt wan abah ijum kana diwaluhi utuh)
Inggan situ dulu,met mahadang buka puasa
Penulis
Fendi ramanda
0 komentar:
Posting Komentar