Terhalang jujuran part IV
Abah gina:kalu ikam pengusaha,kenapa permintaan mas kawin yang ku andak ikam kada kawa memenuhinya..
Utuh:apa pantas ulun melamar anak pian dengan mahar sebanyak itu,yang calon mertua ulun adalah sosok urang yang benar benar membedakan antara yang sugih wan yang miskin,intinya urang kaya pian kada pantas menjadi mertua seorang pengusaha besar kaya ulun....
Abah gina:(takalipik) hah..
(Bagai hentakan halilintar pandiran utuh mangana banar)
Abah gina:maafakan aku tuh,aku sudah khilaf,terlalu berambisi walau sebenarnya semua demi kebahagiaan anakku,aku takutan kalu anakku kaina hidup sengsara..
Utuh:rejeki tu pa ai sudah dijamin oleh Allah,sekalipun anak pian dikawinakan wan urang super melarat,kalo Allah berkehendak hidup anak pian nyaman wan pas jodohnya,insya Allah nyaman haja tu kaina,kalo pian berpikiran anak pian kawin wan urang miskin akan sengsara hidupnya, sungguh pian sudah kada meyakini akan kekuasaan Allah,yang bisa memutar balikkan nasib manusia,yang jelas jelas sudah janji Allah bahwa nasib manusia,rejeki ada dalam genggaman Nya, biar anak pian kawin wan anak urang sugih,kalau saat berumah tangga hidup sehari haja,Allah mau ambil harta yang dititipakan Nya kepada mantu pian,dan merubah jadi sangat miskin,pian mau bicara apa, kada mungkin itu terjadi ,hehe orang mengungkapkan kata kada mungkin,wan mustahil, dia harus memperdalam ilmu agamanya lagi, bahwa Allah punya kuasa,jika Dia berkehendak apapun pasti terjadi..
Uma gina:(dalam hati)ckckckck liwar utuh ni,sudah sugih,harat pulang pengetahuan agama Nya,benar benar menyesal kada kawa manjadiakan inya minantuku,gagilaan lalu abah gina sudah salah mamilih calun,batis pina manggatar,muha kaya siput dipais kasusupanan,si raja duit dihina banar,saurang kadada apa apanya, haji udin kaya itu jua habang hijau muha,bulu hidung malarak,tangan pina bajapai buyyit tacirit saku gara gara katuhukan mahina,pas nang dihina si raja sugih lalu maukkai..(Takicing)
Abah gina:tuh kaya ini haja,beri kesempatan aku menebus kesalahanku,ikam menikahlah wan anakku gina, berapa haja mas kawinnya tasarah ikam haja,aku kada memintai lagi..(Manyurung)
Haji udin:(takalipik)curut abah gina nih,lamaran anakku pang kaya apa kisahnya,handak dikamanaakan..(Biingung)
Abah gina:santai bro,kita tetap teman coy,walau kada jadi besanan..
Haji udin:(takalipik)lingu lalu kada jadikah kisahnya..(Nganga nganga)
Putera:ai kanapa kisahnya ni maka kada jadi..(Binguung)
Abah gina:tuh,beri kesempatan aku menebus kesalahanku..(Kisah manyasal)
Utuh:hehehe,apa karena pian sudah tahu ulun urang sugih jadi mau menjadikan ulun minantu pian..
Abah gina:(takalipik)hah..
(Liwar takajut pulang abah gina,pandiran utuh mangana banar)
Haji udin:bujur tuhhai,amun ikam sakit kada harapan inya mau menjadikan ikam minantunya,kelihatan kada tulus alias matre..(Mahapak)
Abah gina:(takalipik)jah dihapaknya aku..
Haji udin:haaku jaka kada mamikirakan anakku putera jaya,kada harapan mau ba besanan wan biawak ni,putera jaya sudah jatuh bangun pang,lalu maukkai..
Abah gina:(takalipik)gila disambatnya biawak aku..(Marma)
Haji udin:situ jua maambil kaputusan kaya kantut,sama ai marimihakan aku ikam..(Sarik)
Abah gina:kadanya kaya itu pang,aku ni handak manabus kesalahanku aliliai,makanya menawarakan utuh kalu mau babulikan wan gina, tatabus jua dusa..
Haji udin:cah buhung,akal akalan kawan Dora haja netu,kawa di baca ulihku..(Mahapak banar)
Karyawati:xixixixixi..
Putera :hahaha kawan dora tu warik kalu..
Abah gina:(takalipik)lingunya dihapaknya banar aku..
Utuh:sudah sudah,pa pian ini kada kasiankah wan gina..
Abah gina:maksudnya..
Utuh:pian surung sana surung sini saulah ulah gina anak pian ni adalah barang dagangan..
(Bagai disambar patir liwar takajut barataan)
Abah gina:(takalipik)hah..
Haji udin:(takalipik)haaah..
Uma gina:(takalipik)astaghfirullaah..
Abah gina:apa maksud ikam tuh,manyambat kaya itu..(Sarik)
Utuh :pian sudah menerima lamaran haji udin,manulak lamaran ulun ,lantaran tahu putera jaya adalah anak urang sugih dan haji udin mampu memberikan mas kawin yang pian minta , sekarang begitu pian tahu ulun ini urang sugih lebih sugih dari haji udin ,pian mau menjadikan ulun minantu,wan mau membatalkan lamaran haji udin,apa itu kada dinamakan memperjual belikan anak buat yang lebih dipandangan pian..
Gina:hiks hiks hiks..(Menangis)
Utuh:pian kada lagi memikirkan masa depan gina,tapi hanya memikirakan ambisi didada pian untuk memiliki minantu urang terpandang..
(Tatunduk abah gina)
Haji udin:asli bujur tuhhai pandiran ikam tu..
Utuh:bawa anak pian bulik,selamanya aku kada akan mau memiliki mertua kaya pian..(Tegas)
Abah gin:(takalipik)hah..
Haji udin: aku jua membatalakan melamar gina gasan anakku,harga diriku sudah dirimihakan saenaknya menerima imbah itu membatalakan,sekarang pasti mau menerima pulang,maaf aku kada sudi..
Abah gina:(takalipik)hah..
Haji udin:ayu putera kita bulikan,kaina abah cariakan bini yang lebih hot..(Manarik tangan putera)
Putera:ayu bah,ulun gin indah baisi mintuha matre kaya itu..(Bulik)
Gina:hiks hiks hiks..(Manangis banar)
(Memaraki gina)
Utuh:ading,pian itu adalah gadis yang baik,cantik,lembut,santun bersahaja,kita pernah bermimpi agar bisa menjadikan hari hari penuh ibadah dalam berumah tangga,menghidupkan sunah Rasul melalui sebuah pernikahan,menjadikan ading wanita yang solehah ketika bakti ading wan ka utuh sebagai suami ading,tetapi takdir berkehendak lain,urang tua ading bukan pilihan yang tepat untuk dijadikan mertua ka utuh,adalah jalan terbaik kita berpisah,mudahan pilihan urang tua ading kelak bisa membahagiakan ading,dan juga kejadian ini jadi pelajaran buat urang tua ading,bahwa pandai pandailah menjaga hati puterinya,menikahkan bukan untuk berbisnis,tapi menikahkan untuk menjadikan kebahagiaan buat puterinya..
Gina:hiks hiks iyaa kaka..
(Akhirnya gina dan utuh kada jadi menikah,sikap egois abah gina menjadikan sikap utuh berpaling dari keinginan untuk menikahi gina)
Kisah ini sebanarnya sangat panjang, kalo ulun buat lebih halus,bisa mencapai puluhan episode,dan akan lebih sangat menarik,bagaimana perasaan gina yang begitu hancur oleh penolakan utuh,tentang kehidupan utuh pasca perpisahan wan gina, pertemuannya dikemudian hari yang masih ada benih benih cinta,penyesalan abah gina banyak urang memandirakan kesuksesan utuh dari kawan abah gina,kemiskinan datang menerpa kehidupan orang tua gina, di kehidupan utuh ada wanita lain hadir ditengah kehidupan utuh yang amat cantik, wan gina berusaha memperjuangkan cintanya untuk mendapatkan kembali cinta utuh yang pada akhirnya utuh mengalami cinta segi tiga ,dan masih banyak cerita yang harus diangkat bahkan jauh lebih menarik dan memusut dada pembaca ,sehingga lebih membuat penasaran pian ingin segera tahu kelanjutannya,
Akan tetapi di 3 episode haja banyak yang merasa kepanjangan kisahnya,banyak yang handak dituntungakan kisahnya,jadi pada akhirnya kisahnya ulun akhiri hanya sampai disini, kalo di ulah sebagai skenario film atau novel kisah ini hanyar separo kisahnya haja sebab hanya sekedar intisarinya haja, terlalu singkat dan dipaksakan kisah awal terhubung ke kisah akhir masih banyak yang belum diceritakan,tapi semoga buahan pian puas haja dengan ceritanya
Catatan: Pernikahan bukan sebuah bisnis, semelarat apapun calon pasangan hidup seseorang belum tentu memastikan hidupnya akan sengsara,
Rejeki sudah dijamin oleh Allah,jadi jangan beranggapan menikahkan anak wan urang miskin hidupnya akan sengsara,keliru kesimpulan seperti itu
Mudah mudahan kisah ini bermanfaat,maaf hanyar haja menyambungakan kisahnya, maklum lagi berpuasa,wan menjelang lebaran banyak kesibukan kesibukan
Terima kasih sudah menyukai kisah ini,
TAMAT
Sampai jumpa dicerita lainnya hanya di komunitas wawaluhan
Yang mau berkawan wan admin,mari menjalin tali silaturrohiin yang mau saling bertegur sapa dan berbagi
Pin : 22E98625
Penulis
Fendi ramanda
0 komentar:
Posting Komentar