Mejeng di siring

Komunitas WawaLuhan

20 jam · 

Bismillaah.. Findi pop bakisah..

Mejeng di siring

Utuh:mat malam minggu ni,kita mijingankah di siring..

Amat:wuih mantap tapi siapa nang kita bawa..

Utuh: aku mambawa aluh,ikam mambawa ratna..

Udin: aku pang mambawa siapa tuh

Utuh:gampang haja dinnai, ada aja kaina kawan buahan aluh, bawa kaina ikam..

Udin:uki tuhhai..

Singkat kisah pas malam minggu , masing masing duduk dikandaraan dimuka pos, utuh pakai kandaraan cb be modif, amat pakai alfa II R, udin pakai yamaha 70,pas ada aluh wan ratna dikiyau utuh..

Utuh: ayang aluh umpatkah bajalanan ka siring, salajur balap liar (baagak)

Aluh:ai rami banar tu, ayuha

Utuh:ratna umpatkah bajalanan ka siring santai ,babuat ikam wadah amat..

Ratna:hakun banar aku ayuha

Udin: unda pang tuh wan siapa (maras)

Utuh:kita carii nang lalu,ada aja tu kaina..

(Hadang hadang,kadada jua binian lalu,pas ada acil usang )

Utuh: beuh kadada lagi dinnai,nah tu ada acil usang,ui cil sini (mangiyau)..

Acil usang; apa tabuan bakiyau..

Utuh:umpatkah bajalanan ka siring babuat wan udin..

Udin: (tajarambab) sarafnya ikam tuh disuruh mambawa balik baras

Acil usang:ayu aku umpat..( Mangacak kagulu udin) ayu din tulakkan, ku ampuni ikam manyambati aku balik baras asal mambawa aku..

Udin:(dalam hati) dasar lingu banar utuh tu, aku disuruh membawa balik baras, mana ban gundul, kandaraan tuha..(Masam muha)

(Tulakannai buahannya, acil usang pisit banar baragap wan udin, buyyit mangarangga jua kaya abg, ban muka bilang tajunggat,Amat wan utuh bakandaraan di balakang lucut tatawaan)

amat:cil,cucuk pian wan udin serasi banar gkgkgk ( mangakak tatawa)

Udin:lingunya amat nih mahapakku.. (Masam muha)

(Singkat kisah sampai dimuka siring, basusun ha kandaraan umpatan buahan kakanakan nang bapacaran)

Acil usang: din tukarakan pang aku pantul..(Tangan balukup,dagu di bahu udin)

Udin: kada baduit cillai..

Acil usang: karamput ikam nih..

(Diusungnya awak udin ulih acil usang, didudukakannya kabahu kanannya, dibawa acil usang mandatangi tukang pantul)

Tatawaan buahan nang malihat, utuh wan amat taliur liur manawaakan, udin kuciak kuciak

Udin:(bakuciak) ai cil cil, kalu gugur turunakan aku,please dong ah..

(diturunakan acil usang udin di muhara garubak pantul,kada ka cucukan acil ka pantul,tajihing kapadasan)

Acil usang:bayariakan din 76 bigi..

Udin:(dalam hati) beuh iyaam habis jua duit maambil upah manabas rumput, gagilaan banar utuh, aku di suruh mambawa tabungan semar ni, habis sakit baharianan..(Paksa mambayari)

Utuh:kita bulikan yu sudah jam 11 kasian aluh di sariki abahnya kaina..

Amat:ayu aku kasian jua wan ratna..

Acil usang: amun aku biar sabulan di bawa udin bajalanan kadada yang sarik

Udin:nyataai balu, pian nang nyaman ulun maka takur habis harta(masam)

(Manciling acil usang tapi kada mahantam di makani udin pantul saember, bulikannai buahannya,pas dijalan, maladum ban udin)

Udin:(dagum)beuh maladummam bannya..

Acil usang:utuh ikam antar aku,hadangi luhhai disini,udin jangan handak mambawa aku lagilah mun kandaraan masih nangini nang dipakai

Udin: beuh siapa nang handak mambawa,utuh saraf tu pang suruh suruh, aku maka ramuk..

(Babuat acil usang wadah
utuh,bajalannai)

Udin:lingu banar utuh tu ,tabungan semar disuruhnya aku nang mambawa,duit habis ban maladum, mana kadada lagi bengkel,ma 4 kilo lagi jarak tempuh..(Bamamai)

Aluh:mat ikam antar kami bulik batiga bakandaraan..

Amat: ayuha,hadangi dinnai satumat (tulakkai buahannya)

(Manangis udin bulik mahirit kandaraan,pas sudah satangah pal tatamu utuh duduk di pinggir jalan)

Udin: kenapa ikam disini tuh,saraf banar ikam ni, timbul aku tabawa balik baras netuh,asli sial lalu (sarik)..

Utuh: banku maladum jua dinnai, acilnya bulik babica..(Masam muha)

Udin:jara kada,ikam ni nang saraf,balik baras netuh dibawa mangkal disiring,duit habis ban ha pulang maladum..

Utuh:duit aku 30 ribu diambil acil usang jua, bayar bica asli sial banar

(Pas lalu dimuka rumah acil usang, diambilakan buahannya batu ganal banar,ditawakakan buahannya ka hatap seng rumah acil usang,sambunyi di higa rumah)

( Kadangaran sinsu banyala mulai dalam rumah)

Acil usang: gilanya siapa manawak rumahku(kaluar batapihan haja)

(Pas amat lalu,acil usang langsung mangacak kagulu amat)

Acil usang:ikamkah mat nang manawak hatap rumahku..

Amat: kada tahu cillai ulun imbah maantar kandaraan wadah paman(pancat)

Acil usang: dusta nih (pau manampar wan amat,tangan dipulasnya, bakuciak amat)

Amat:aduuuh ampuuun cil,akitnya cil,au au au..

Acil usang: makanya jangan macam macam wan aku(masuk rumah)

(Utuh kaluar wan udin dari higa rumah acil usang mangakak manawaakan amat)

Amat:(manggarung manangis) lingu banar buahan ikam nih,nang tukang tawak,awakku maka habis bintat( bangun manyasahi)

(utuh wan udin sambil mahirit kandaraan miris,tatawaan buahannya)

Inggan situ dulu,mudahan terhibur

Penulis

Fendi ramanda