Bismillaah.. Findi pop bakisah
Utuh cs umpat ospek (versi baru)
Sakulahan waluh imbah batarimaan mahasiswa baru,lalu maadakan ospek
Panitia 1: ayu capat kumpul kumpul( bakuciak)
Utuh:ai babagi apa panitia,makanan kah,manyuruh bakumpul..(Hungang)
Panitia 1:babagi cawat wan kalahar bica tungauai,disuruh kumpul babagi makanankah jey, ikam handak makankah,makan batu dacing sana..(Sarik)
Amat:(bakuciak)ui kurap manahun ,jangan suruh suruh kawanku makan batu dacing ,makan dulu ikam,ditambah biji tarumbul sebagai cemilannya...(Sarik)
Panitia 2:(takalipik)ai waninya,kami ni panitia,ayu push up sana..(sarik)
Amat:ai satris nih, tadi disuruh makan batu,ini disuruh mamusut paha pulang (salah dangar)
(Tatawaan siswa baru)
Panitia 3:diaaaaam kenapa katawa..(Bakuciak)
Udin:muha buahan ikam lucu kaya kulipak jaring,tatawaan nai kami (mahapak)
Panitia 3:(takalipik)nah maulu ulu kakanak ni ,hanyar ini tadapat ading kalas nang wani banar..
Udin:masa sih,nggak merasa tuh..(Kisah gaul,minyak lanjar titikan dikapala kabanyakan maminyaki rambut)
Utuh:beuh nangapa takutan nah tatoku gambar kuduk ba remi..(Manampaiakan tato)
Panitia 1:akay raja tato..(Takalipik)
Amat:hahaha jara kada,mun masih kada pancat jua, nah tatoku gambar ayam jagau balarap janggut..
Panitia binian:wew macho..
Panitia 2:macho nangapa,mun bujur bujur macho bukah kaliling lapangan 3 kali kada bamandakkan..(Handak manjabak)
Udin:kaya ini haja bussai, ikam badahulu nang bukah ,rugi dihadapan binian situ kada mancuntuhakan..
Panitia2:uuh iihlah ayuai (hungang)
(Bukah panitia 2 kuliling lapangan,mangakak trio jaring tatawaan)
Utuh:cuba lihati urang gila kaliling lapangan, apa nang disasah hahaha (mahapak)
Amat:kira kira kahandakan ee tuhhai,cuma kada ingat andakan jambannya gkgkgkgkgk..
(Mangakak tatawaan siswa baru)
Panitia 2:beuh satris lalu aku nang handak manjabak tabalik aku nang kana jabak.(Taduduk manggah)
Udin:haww bahinak ganal, manggah kah buus,bawa makan kwaci bussai ampih tu manggah gkgkgkgk..
Utuh:kada manggah kada dinnai ,lagi manahani sangkadi nang gatal jeyy ,handak bagihang asa supan ditangah urang banyak hahahaha..
Amat:hahahaha,basangkadian kah tuh buss kita,kukira bacampah hahahaha..
(Mangakak tatawaan)
Panitia 2:(takalipik)lingunya manawaakan banar,ayu putiki sampah nang ada dilapangan,bila kada manurut,kulapurakan wan dusen,nyaman dikaluarakan dari kampus ni,ayu cepaaat(sarik)
Utuh:wayuu sasingut haja landap kaya haduk,gawian baadu adu..(Sambil bagaru buyyit)
Udin:lapurakan ha,siapa tahu di ambil dusen jadi minantunya hahaha..
Amat:gkgkgkgk bujur dinnai,pina musti manyuruh urang capat capat, muha nyawa kaya balik cat..(Kada tatahu muha)
(Mangakak tatawaan nang lain)
Panitia 1:(bakuciak)diaaaaam..
(Mandam barataan)
Panitia 1:bila ada nang wani sakali lagi,kada ada nang bulihnya lagi umpat opspek,buahan ikam paham..(Bakuciak)
(Langsung trio jaring,maambil ka tas,bulikan)
Panitia1 :(takalipik)ai kamanaan tu..
Utuh:bulikan dung,nuntunan cooy film rhoma,disini apa ditonton pada muha panitia nang kaya urang urangan sawah ha gkgkgk..
Panitia 1:(takalipik) akayy dihapaknya..
Amat:lagian ba apa bauyuh uyuh umpat opspek,saumuran kada biasa aku di parintah,buaya haja bila aku mandi bapadah umpat lalu handak bakunyung..
Udin:hahaha,dadah kaway kaway..
(Bulikan buahannya)
Supri:beuh baik bulik ha jua..
Aluh:aku bulik jua..
(Timbul bahabis bulikan)
Panitia 2:ai habis mahasiswanya bulikan..
Utuh:(bakuciak)tinggal panitianya haja tu,bawa main sambil haja bussai main keleker gkgkgkgkgk..
Panitia 1:asli saraf babanaran,hanyar ini ditinggalakan mahasiswa baru,gara gara kura kura ninja tu pang timbul umpatan barataan,haduuh..(Taduduk)
(Trio jaring di opspek iya siwah,mun kalah akal diwaluhinya banar tu pang)
Inggan situ dulu,mudahan terhibur
Penulis
Fendi ramanda
0 komentar:
Posting Komentar