Utuh tadapat pacar di takisung

Komunitas WawaLuhan

26 April pukul 6:49 · 

Bismillaah..findi pop bakisah

Spesial edisi malam minggu,kisah cinta utuh yang mengharu biru,wan lucu

Utuh tadapat pacar di takisung

Utuh:ikam yakinlah mat kita tulakkan kapantai wan enjin kita ni..

Amat:mun aku yakin haja kendaraan alfa ku ni biar tuha tapi mesin harat..( Baagak)

Utuh:unda gin cb modifku ni raja jalanan mangai..(Kada handak kalah)

Udin:yamaha 70 ku ni nang sudah malang malintang di jalanan penakluk di segala medan..(Liwar agak)

Amat:ayuai mun kaya itu,berangkat langsung..

(Tulakannai trio jaring ka pantai takisung liwar gaya matian musuhnya)

(Imbah sampai dipantai,mamarkir kandaraan,barantai sing ganalan bagabung batatiga)

Amat:sudah aman tuhhai

Utuh: Ayo kita hamburakan takisung hahay (tagas muha)

(Bapacul kabaju wan salawar,bacawatan haja lagi baampar tapih,bakacamata hirang barabahan buahannya bajamur kaya turis,mangakak tatawaan nang malihat)

Utuh:beuh tatawaan urang kanapa din..

Udin:kada gaul buahannya tuhhai kada tahu kita bajamur kaya buahan artis..

Amat:Sadang sudah kita bacari binian buahannyaai..

Utuh:kita baharatan siapa nang dapat nang kalah harus traktir makan sabulan

Udin:aku mandatangi binian baju biru tu nah..sowang kalu masalah manaklukan binian ni gawian dah (agak)

(Mandatangiai udin bacawatan ha warna habuk bakacamata hirang kisah gagah)

Udin:ui ding kawakah kenalan

Binian:akay ada tarzan sasat,kada baisian pisang aku nah..

Udin:(takalipik)beuh satris lalu samaai mamadahi aku warik..

Binian:hahaha mengaku saurang..

Udin:gila lalu muha kaya andy lau dihapak..(Bamamai)

Binian:akay kaya ular kadut maka iya hahaha..(Mahapak banar)

(Hancap bajauh udin,tatawaan amat wan utuh)

Amat:bacari binian kada bisa,katahuan haja muhanya panyambatan bungas luarnya dinnai dalamnya kaya drakula,lihati unda mandatangi nang bajilbab tu nah..

(Didatangi amat,imbah sampai langsung digumbalinya)

Amat:ui ding kawakah..

Binian:kada kawa,cawatku salambarannya kada bainjaman..

Amat:akay siapa nang handak mainjam cawat ikam nang landur netu,aku handak mambawai kenalan..(Sarik)

Binian:ooh kenalan,tapi aku indah..

Amat:(takalipik)akayy,beuh sumbung lu..

(Hancap bajauh,mangakak tatawa utuh wan udin)

Utuh:lihati unda nah maanu binian wan kuitannya dudukan,bakarudung pakai jubah,senyumnya senantiasa mengembang,liwar bungasnya tagancang tantangannya..(Liwar agak)

(Hancap mandatangi utuh,imbah sampai)

Utuh:assalamu'alaikuum,ui kawakah gabung..

Binian:wa'alaikum salaam,kawaai kaai sini duduk..

Utuh:uma baiknya ading,siapa ngaran ding ngaran aa utuh..

Binian:ngaran ulun nita ka ai..

Utuh:maaf manlah,acillah,ulun katuju wan anak pianni,bungas tapi kada sumbung..(Mamandiri kaluarga nita)

Abah babinian:tapi aku kada katuju wan ikam,handak apa ikam,datang dihutan rimbakah bacawatan haja..

Utuh:(dalam hati)beuh mahapak tungau ni..man lihati ombak di laut tu,kaya itu jua gelora cinta didadaku ni gasan anak pian..

Abah nita :beuh bajauh sana..

Nita :jangan kaya itu bah aa utuh baik,ulun katuju wan sidin..

Abah nita :katuju apanya wan pampijit ni..

Nita :inya jujur bahhai,apa adanya..

Abah nita :tatap aku kada katuju..(Sarik)

Utuh:(banyanyi lagu judika) kamu segalanya, tak terpisah oleh waktu,biarkan bumi menolak ku tetap cinta kamu,biar mamahmu tak suka..
papahmu juga melarang,walau dunia menolak ku tak takut,tetap ku katakan ku cinta dirimu..(Mangibit dagu nita)

Abah nita:(takalipik)ai waninya, pau..(di tampiling nang abah utuhnya)

(Hancap bajauh utuh,tapangsar udin wan amat manawaakan utuh mamusut pipi)

Utuh:bulikan sudah kita mattai,aku kaciwa,aku kaciwa..(Manangis)

(Cangang utuh wan nita ,si nita nang dihandaki utuh titik banyu mata malihat utuh bajalan handak bulikan wan amat,udin)

Nita:(dalam hati)ka.. Maafkan perlakuan abah ulun wan pian..

Utuh:(bapandir mattan jauh)ding kita mungkin kada juduh,tapi walau cinta kaka hanyar bersemi dipandangan pertama,kaka akan selalu mengenang ading..aku sayang wan ading.. (Sambil bajalan titik banyu mata)

(Sakalinya nita hancap bukah mandatangi utuh,takajut abah wan mamanya)

Nita : ka maafakan abah ulun,ulun kada biasa bapacaran,tapi ulun kagum malihat kesungguhan hati pian, ulun sayang wan pian,ulun katuju wan pian..

Utuh:semua mimang serba singkat,tapi cinta bisa datang kapan haja,dan cinta sudah bersemi dingai dihatiku buat ading ,tapi kaka kada handak ading jadi durhaka wan kuitan ading..

(Umpat manangis udin wan amat,abahnya babinian mandam malihat)

Utuh:ayuha dingai kaka bakalah demi cinta kaka wan ading,bila kaina ading bajuduh wan nang lain,ading kada bahagia,carii kaka utuh,kaka akan menjadikan ading sebagai ratu di hati kaka..(Romantis jua utuh ni)

Nita :(simbak simbur banyu mata)baiknya hati pian ka..urang mungkin kawa mangawini ulun,tapi kada hati ulun ka utuhhai..

Amat:asa mandisap dinnai bulu buyyit mandangar kasasadihan..

Udin:beuh saraf lalu saikung ni urang basadihan,inya mawaluh..

Utuh:kaka bulik dinglah,bila ada juduh kita pasti batamu pulang..

Nita :enggih ka ai (bakuciak) ya Tuhan bila mimang aku masih bisa meminta,juduhkan ulun wan kaka utuh..(Manangis)

(Baampikan urang nang malihat kisah cinta rumi wan juli versi utuh wan nita)

Abahnya nita : sudah sudah,ikam kada tahu asal usulnya tarzan kota tu,ayu kita bulikan jua..(Karas hati)

Nita :pian ni bahhai aur manurutakan kamauan pian haja,mattan dahulu ulun kada dibariakan bapacaran,pabila talaki..

Abah nita :ikam kaina kujudahakan wan rohil bos terombol...ayu bulikan

Nita :(bakuciak)kaka utuuuuuuh (dikaca jandila mutur avanza)..

Utuh nang ba cb malihat bakuciak

Utuh:nitaa i luv u full

(Rambang mata utuh mancangangi mutur nang mambawa bulik,Bulikan buahannya balarut kabanjar)

Inggan situ dulu kisah utuh ka pantai, cinta datang kapan saja,meski cinta utuh sigh firs love tapi dalam banar

Penulis

Fendi ramanda