Utuh cs bacari pacar di fisbuk

Komunitas WawaLuhan

1 Mei pukul 2:01 · 

Bismillaah.. findi pop bakisah

Utuh cs bacari pacar di fisbuk

Amat:Kamanaan kita pulang tuh,tampulu duit banyak coy,imbah bajual banih..(Agak)

Utuh:aku handak nukar liptup haja mattai kalu dapat pacar di fisbuk

Udin:wah mantap tuhhai,tapi dimana kita nukar..

Utuh:dipasar iwak dinai, nyataai di tuku,di duta mall haja banyak urang bajual laptup..

Amat: uki kita tulakan

(Singkat kisah tulakannai ka mall nukar laptop sabiji saurang,duit banih cair, bapandiran)

Utuh:aku handak bafoto, gasan di profil fb kaina, tapi handak bapasang lensa biru dulu di mata supaya kalihatan kaya urang barat hahay..

Amat: aku iya jua tuhhai

Udin: wah ide mantap tu,ayu kemon..

(Tulak ka optik buahannya,Bapasang lensa ,imbah itu baulah akun fb,di hubungakan tukang ulah akun wan binian yang hanyar baulah jua, imbah itu bulikan nai karumah masing masing,langsung chat)

Utuh: hai.. (Chat)

(Nini kulimbit landu bapasang gambar binian bungas seksi, ngaran angel,mata kaur palihatnya bungas banar utuh,mata biru balensa)

Nini:hai jua..

Utuh:(himung dibalas) kawakah kenalan, ngaran ku kevin..(Hungang)

Nini:wuiih pasti gagah, ngaran ulun anna kaai..(Manyamar)

Utuh:dimana bagana say..(Gaya mesra)

Nini:dihati pian pang( ungah)

Utuh:(kada karuan rasa) kawakah kita ketemu..

Nini:jangankan ketemu kawin wan pian haja ulun hakun..

Utuh:(himung)mun kaya itu isuk hadangi aku di taman maskot jam 3 aku pakai baju balang penjara

Nini:ayuha ulun pakai kakamban habang..udah dulu ka ai ulun handak bobo,mamimpi in pian..

Utuh:ai ayuha sayangai..

(Dirumah amat, chat jua ngaran rambo,pas musuh chat si acil usang mangaku ngaran nikita,bapasang gambar maambil di internet raja bungas)

Amat:ehemm (chat)

Acil usang:ehemm jua( kada pinandu wan amat mata balensa biru rambut hanyar bagunting cepak)

Amat: siapa ngaran disitu (bacawatan haja chat dalam kalambu)

Acil usang: nikita sayangai, pian pang siapa ngaran (batapihan haja chat sambil malarap bulu batis pakai parang)

Amat:rambo..sudah baisi pacarlah ( satatumat bagaru buyyit,sangkadi manahun kada sing ampihan)

Acil usang:single parent alias janda.. Wuiih rambo pasti gagah urang nya kaya stallun..(Balarap katiak pulang)

Amat:ai jalas kawakah batamu kita say..

Acil usang: kawaai, pabila tampanku (ungah)

Amat: isukkai jam 4 ditaman maskot

Acik usang:uki uki say..

(Dirumah udin,chat jua ngaran tom cruise, musuh chat acil enor, gigi amas,bajual pincuk, tetangga udin di higa rumah ngaran mei mei, si udin bapasang gambar artis kurea, si acil enor bapasang gambar madonna)

Udin:ui kawakah..(Chat)

Acil enor :kawa banar (chat sambil mamirik kacang)

Udin:siapa ngaran..(Sambil bakasai campah)

Acil enor: mei mei beibh..(sambil manataki cingur pulang)

Udin:wuiih bungas banar kaya di gambar,rambut pirang ..(Padahal hibak sudah huban)

Acil enor:beibeh gin bungas banar rambut balahan buyyit..

Udin: kawakah batamu isuk ditaman maskot jam setengah 5

Acil enor: kawa banar sayangai..

(Singkat kisah isuknya tulakai utuh jam 3,malihat utuh binian bakamban habang batunduk,gagarunum utuh)

Utuh:beuh asa pinandu aku kakamban habang netuh,tapi siapalah,mana bakabaya,wan batapihan haja, bujurlah angel yu,mudahannai iya..

(Diparaki utuhhai)

Utuh:hai ciwi,ini angelkah..

Nini:ya ya ya..(Kaya iklan kb)

Utuh:aa kevin datang nah (banyanyi lagu rhoma) hmmm wahai sayang tampakkan wajahmu,,jangan engkau membisu..

Nini kulimbit landu:(banyanyi)kini ku datang padamu..

(babukaai ka kakamban baangkat kapala nini, tajarambab utuh)

Utuh:(takalipik)beuh ikamkah ni kanapa disini..

Nini kulimbit landu::(takajut) beuh ikamkah tuh nang ngaran kevin tu..

Utuh:digambar haja bagus sakalinya pithecantropus erectus ,ikam untung dapat aku, aku maka dapat bencana..

Nini kulimbit landu:tapi dari pada upaw baik bagamatannai kita tuhhai.

(sarik utuh diangkatnya nini dicaburakannya ka sungai hancap bulik,
Nini bakunyung ka tabing, kadinginan)

Nini kulimbit landu:saraf utuh tu,dicaburakannya aku..(Hancap bulik)

(Pas jam 4 tapi amat datang jam 4 lewat 10 malihat binian duduk sasuai ciri baju, tapi takalipik awaknya sing ganalan gagarunum)

Amat:beuh iyalah netu yu, jauh pada digambar tapi baju sama sesuai ciri ,tapi umaa ini mesin giling,mataku kah yang raum atau dasar bujurkah nang dilihat,datangiha nah..

( manggawil, cangang acil tajarambab badadua)

Amat: ikamkah cil baapa disini..

Acil usang:baapa ikam disini mat..

Amat:aku handak batamu ayankku nikita..

Acil usang:(takalipik) aku nikita handak batamu ayankku rambo..

Amat:aku rambu..

Acil usang:( mangacak kagulu) rambo apa,jelangkung hidup maka iya (pau manampar muha amat hancap bajauh)

Amat:(mamusut ka muha)beuh siapa nang handak dua las karbit netuh, Aduuh angkak ipiku ulik ha..

(Giliran udin datang malihat binian rambut pirang,tapi pakai daster dihiga awak ada dagangan pincuk,tapi baju sasuai ciri muha bapaling,gagarunum udin)

Udin:netuh rambut pirangkah hubankah,pina ada rambut hirangnya jua, aiiiiiii badaster maka digambar baju kantat, ada tato di lengan kupu kupu ,ini ada jua tapi kunat nang malarak, mirip siapa yu asa kada ingat nah, paraki ha..

(Baparakkai udin,langsung managur)

Udin:ehmm, mahadangi siapa..

Acil enor:( kada bapaling lagi) mahadangi aa tom cruise..

Udin:pasti ini madonna ialah

Acil enor :iih sambil bajualannah

Udin:(takalipik) madonna bajual pencokkah..

Acil enor : iih sayangai( bapalingai,tajarambab badadua)

Udin:ikamkah cil,dasar lingu dunia maya,aku ditamuakan wan tetangga di higa rumah..

Acil enor: beuh ikamkah din,saraf babanaran..

Udin: mana ada ngaran madonna bajual pincuk (maangkat ka dagangan acil enor dibaliknya ,hancap bukah)

Acil enor:udin saraaf,waduuh habis daganganku dibaliknya,bangkrut aku..

Inggan situ dulu,mudahan terhibur met bergabung buat member hanyar di komunitas wawaluhan

Penulis

Fendi ramanda