Utuh cs masuk kuliah

Komunitas WawaLuhan

6 jam · Disunting · 

Bismillaah.. Findi pop bakisah

Utuh cs masuk kuliah

(Trio jaring hanyar masuk kuliah,perkuliahan pertama dusen nang tarkanal killer di kampus,buahan utuh lagi manggumbal mahasiswi baru bangaran winda)

Utuh:ui ding ikam tahulah kanapa urang takjub malihat berlian tapi aku kada..

Winda:kada tahu kanapa ka..

Utuh:Sabab mata ading labih indah dari pada barlian,dan aku sudah terhipnotis ulih kaindahan ading hahay..

Winda:hmm pian nih..

Udin:beuh utuh tu, dapat amas xuping haja dijalan liwar himungnya kisah kada takjub wan berlian karamput gkgkgK

Utuh:tasarahkuham udin ni maulah sarik, dustainya dingai jangan didangar pampijit ni..(Mambahas)

Udin:mun aku dingai hari hari bilang manggatar batis saat merindukan ading,padahal ading jauh tapi asa ada dihadapan aa Akay hahaha

Winda:hmm pian ni bisa aja..

Utuh:kadanya manggatar pang dingai, gawian udin dirumah tukang jahit nyataai bagarak tarus batis hahaha..( Mahapak)

Udin:beuh mambalas tungau ni..

Amat:iyaai tuhhai hahaha,rayuan kada bamutu lalu, amun aku kada marayu,tiap malihat ikam dingai mataku kijip kijip tarus,ading bungas banar pang..

Winda:hehehe pian nih bisa banar..

Udin:kijip kijipai katuhukan mahintip nini kulimbit landu mandi, lalu batimbil mata amat hahaha..

Amat:beuh mambalas gitar kampap ni..

(Pas rahatan bagumbalan datang dusen killer,mahasiswa lain dudukan hinip,trio jaring malah tatawaan)

Dusen:ui lipas bantat kanapa batatawaan,ini ruangan balajar lain pos jaga..(Sarik)

Utuh:beuh siapa nang mamadahi pos jaga,siwah lalu pandiran,mun naksir jua wan winda bapadah ha,tapi kada usah gin bussai,muha kaya kimus tu kada harapan di taksir ciwi ,nang cucuk tu,cari guha haja bawa batapa kalu mau jadi urang sakti hahaha..(Mangakak)

(Kalikikkan tatawaan mahasiswa)

Amat:hahaha bujur tuhhai,muha pina karau,mana sudah tuha,kapala lungur uyuh barangnya..(Kada tatahu muha)

Udin:gkgkgkgk,bujur pang kada barambut buss ni,tapi bulu hidung malarak sampai takaluar hahahaha..

Dusen:(bakuciak)diaam,waninya manyambat,ikam kada tahukah aku ni dusen..

Utuh:(takalipik)uuh dusenkah pian,maap pa ai ulun kira tadi urang bapinta sumbangan..

Dosen:(takalipik)pina wani barataan ni, kalu kukaluarakan pada kampus ni..

Udin:yes yes yes,asyik langsungai tuhhai kita nuntunan film dibalik kelambu,film panas coy,
lulus haja kaina kita, dusen jua manyuruh (hungang)

Dusen:beuh saraf dasar otak mesum,maksudku ikam kuampihi jadi mahasiswa disini..

Amat:asyik lagi bulikakan duit kami,nyaman kawa dipakai nuntunan duitnya..(Hungang)

Dusen:akay asli saraf diampihi himung..

Utuh:nangapa garang ngalihnya,kuliah kada tantu jua bagawi,jaka kada disuruh kuitan kada harapan aku kuliah,ampihi ha lakasi,ada alasan hahay..

Dusen:(takalipik)umaa hanyar ini batamu mahasiswa nang kada tapi pintar..

Udin:pian pang pintarlah, 1+1 barapa..

Dusen:beuh manakuni aku sidin, nyataai 2 dasar anih..

Udin:ui salah sama dengannya kada tabuat jawabannya 11 hahay pintar aku pada ikam..

Utuh:haha asli bujur dinnai gkgkgk..

Dusen:mahasiswa disini pancat barataan wan aku,makanya dapat galar dusen killer..

Amat:amun urang bulih pancat, mun aku sorry la yaw,muha haja kaya kimus tasangar unda gkgkgk..

Dusen:asli maulu ulu nih,mun buahan ikam masih kuliah jua disini kada harapan lulus, bila maambil pak aku..

Utuh:ai siapa nang handak minta lulus,aku katuju malah nang kada lulus netu,sd aku kada naik 3 tahun,smp 2 tahun,sma 2 tahun,rugiai mun kuliah lulus tarus,paling ada urang 4 tahun kuliah aku 12 tahunlah keren jua sadikit hahahaha...(hungang)

Udin:gkgkgkgk bujur tuhhai..

(Tatawaan mahasiswa,manangis dusen)

Dusen:huwaaaa huwaaaaa,ma ampih haja aku jadi dusen,bajual kalabungan haja pulang..(Bulik)

Amat:ai bulik sidin gkgkgk(takantut kantut tatawa)

Udin:saraf amat ni,tatawa sambil bakantut liwar lingu..(Bapicik hidung)

Winda:uma ka,kantutkah aroma sampahkah huwaaaaah liwar bau..

(Tahambur mahasiswa bukahan,mancium kantut amat nang bau kalat)

(kada lawas diampihi trio jaring,jadi mahasiswa babulik ungut ungutan di pos jaga kakaya rajin)

(Intinya jangan tapi wani wan paguruan,mun di ampihi sidin nangapa habar,manggumbal ciwi dikampus kada kawa lagi,dapat galar sarjana kada,handak jadi pagawai maka ngaliham hehe,kejadian ini hanya ada didunia komunitas wawaluhan..
Inggan situ dulu

Penulis

Fendi ramanda