Pangurbanan cinta utuh

Komunitas WawaLuhan

18 jam · 

Bismillaah..Kembali findi pop hadirkan kisah cinta utuh

Pangurbanan cinta utuh

Katika dua mata baradu pandang dan hati saling jatuh cinta,akhirnya dua insanpun berpacaran,tapi cinta utuh wan yuni disaat begitu indah tiba tiba haja diterjang prahara, Awal kisah..

Dirumah yuni

Mama yuni:yun sabarapa dakat ikam nak bahubungan wan utuh,mama itihi aur utuh haja nang maantar ikam kuliah..

Yuni:ulun pacaran ma ai wan ka utuh..

Mama yuni:mama kada satuju ikam pacaran wan utuh,maka ikam sudah tahu kalu ikam sudah mama juduhakan wan amat mattan lagi halus..

Yuni:tapi ulun kada katuju parjuduhan itu,apalagi tarjadi waktu ulun lagi halus,ulun haja kada tahu kaya apa sifat amat..

Mama yuni:pukuknya mama kada marastui ikam bahubungan wan utuh,handak di andak dimana muha mama supan wan kaluarga amat..

Yuni:ulun kada biasa manuntut wan pian,apa haja ulun turuti tarus,nangini barang pian turuti ulun,ulun cinta ma ai wan ka utuh,inya baik,pintar mahargai ulun..

Mama yuni:sakali kada tatap kada..(Tetap pandirian)

(Yuni akhirnya manangis,bukah kakamar,taingat wan muha utuh nang rupawan,ingat pas utuh marayu yuni)

Utuh:ding wajah pian ni seperti dewi, pantas haja akhir akhir ini kada biasa lagi aku malihat sinar pelangi menjelma ketika rinai hujan mulai reda..rupanya pelangi merasa kalah indah wan pasuna ading nang jalita..
ading seperti rembulan yang bersinar indah..sedangkan nang lainnya hanya merupakan kerlipan bintang yang jelas kalah terang wan pesona ading yang cantik..ka utuh mencintai ading seorang..

(Yuni ingat kata kata itu,senyum tapi hati asa di hiris hiris belati bila ingat perjodohan wan amat)

Esoknya pas utuh handak turun kuliah, datang babinian diwasa yang rupanya mama yuni,turun dari honda jazz

Mama yuni:utuh aku handak bapandir..

Utuh:ooh bapandir apa cil..

Mama yuni:mulai hari ini jangan parnah lagi ikam manamui anakku,yuni sudah ku juduhakan wan urang lain..

(Rasa mandangar patir disiang hari,hati utuh jadi tarluka sakit nang manyayat)

Utuh:tapi cil ulun cinta wan anak pian,sayang ulun kada main main wan inya..

Mama yuni:apa ikam kawa mambahagiakan anakku,bagawi haja balum,sadangkan nang cagar jadi laki inya adalah bujur bujur urang nang tarpandang,tulung hargai kaputusan aku ini,aku handak anakku bahagia..

Utuh:hmm (bahinak ganal)

Mama yuni:mungkin ini kaputusan sulit bagi ikam,tapi tujuan ikam mancintai yuni supaya inya bahagia kalu,aku yakin inya akan bahagia wan juduh pilihanku,aku umanya jua umpat bahagia,tinggalakan yuni,ini demi kebahagiaan inya jua..

(Bulik umanya yuni,tatinggal utuh manarawang pandangan)

Isuknya pas yuni handak manamui utuh,takajut yuni malihat utuh baragap wan aluh kawan yuni jua

Yuni:apa apaan ini ka utuh,pian bamasraan wan binian lain,kawan ulun jua..

Utuh:maaf ding,ka utuh harus jujur wan ading bahwa ka utuh labih mancintai aluh dari pada ading..

Yuni:(manangis)tiganya pian ka utuh wan ulun.. (Bukah bulik)

Aluh:kanapa cara nang kaya ini nang harus pian parlihatakan wan yuni tuh..

Utuh:aku ingin yuni membenciku luh, sabab apa jar umanya mimang bujur,aku balum tantu kawa mambahagiakan inya,biar ha yuni kawin wan urang lain,meski luka wan darita harus kutanggung saurangan,dengan kebencian yuni tarhadapku,sabab aku ingin yuni lakas malupakanku dan mancintai lalaki pilihan kuitannya..

Aluh:tulus banar cinta ikam ni tuhhai,sabuah pangurbanan cinta yang amat ganal..

(Singkat kisah akhirnya imbah kajadian itu yuni satuju parjuduhan itu, tanggal kawin pun ditatapkan,beberapa minggu kamudian yuni wan amat duduk dipalaminan,datang aluh handak maucapakan salamat)

Aluh:yun met menyongsong hidup barulah,mudahan bahagia haja..

Yuni:(muha kada katuju)iih makasih..

Aluh:ini hadiah dari utuh,inya manitipakan wan aku..

Yuni:ooh penghianat itukah..

Aluh:jangan salah paham ikam yunnai,salama ini ka utuh kada biasa mahianati ikam,aku kadada hubungan apa apa wan inya..

Yuni:maksud ikam apa luh (bingung)

(Ditariknya ulih aluh yuninya ka pinggir)

Aluh:sabanarnya nang ikam lihat dulu sandiwara haja,si utuh imbah ditamui mama ikam,disuruh malupakan ikam,akhirnya maambil kaputusan,baik inya mandarita asal ikam bahagia wan juduh pilihan uma ikam,basandiwara supaya ikam kaciwa wan utuh malihat utuh pacaran wan aku..

Yuni:(manangis)ka utuh kanapa pian ambil kaputusan ini ka..

Aluh:inya sudah madam ka jakarta yunnai,handak malupakan ikam supaya kada mangganggu rumah tangga ikam jar..

Yuni:ka utuh oh ka utuh..(Manangis)

Akhirnya yunipun kawin wan amat, si utuh tulak ka jakarta maninggalkan samua kanangan yang pahit dan manis

(Imbah kawin dibukanya kadu dari utuh, sabuah buneka pengantin,ada suratnya yuni manangis malihati hadiah utuh,dibacanya surat dari utuh,handap tapi bermakna)

Yuni si jelita

Karena cintalah aku ada..
Dan kerena cinta pulalah aku harus pergi..

By U T U H

Yuni:(manangis)ka utuh maafkan ulun ka..

Sesampainya utuh dijakarta

Pas di area bandara

Boy:ai utuhkah nih,ingat undalah..

Utuh:boy kalu ni ketua senat dulu..

Boy:iih,ni oyok,fendi,cuplis kawan sakampus kita..

Oyok:kanapa ikam sampai ta kasini tuh..

Utuh:panjang kisahnya yokkai..

Boy:handak kamana ikam tuh,fen,plis ni kawan kita raja vokal main band dikampus kita, ading angkatan kita..

Cuplis:pernah menjuarai lomba nyanyi se rt kalu tuh hehe..

Fendi:tuh mun kadada tujuan umpat kita haja main band di cafe,ikam jadi vokalnya..

Utuh:ayu mun kaya itu..

(Singkat kisah,utuh bagana di kost buahan boy,kawan sabanua,malamnya pertama kali utuh tampil)

Lagu ini adalah lagu karya cipta sahabat saya fendi yang berjudul cinta yang lara

Terukir indah di sanubariku..
Namamu yang kusayang..
Begitu dalam seakan tertancap begitu keras..
Semua karena cinta ku padamu..

Ketika sayang aku padamu..
Begitu dalam rasanya..
Tiba tiba saja rasa sayang itu..
Dikehendak takdir Nya ku harus melupakanmu..

Bahagialah sayang kau disana..
Jangan kenang lagi diriku..
Ikhlas kutanggung semua lara
Demi cintaku padamu..

Ketika ku rindu padamu..
Cukuplah kupandangi rembulan..
Karena ketika cintaku bersemi padamu..
Aku pernah berpuisi tentang rembulan dalam mengagumi akan keindahan..
Pesona wajahmu sayang..

Imbah tuntung utuh banyanyi,datang
Lalakian ba jas

Lakian:maaf nama saya fendy djunaedy disapa fdj sualnya urang banjar aku ni, saya produser rekaman di waluh record

Boy:uuh urang banjar juakah,aku boy pimpinan band

Fdj:suara saudara utuh sangat bagus,dan permainan musik kalian juga uki,saya berniat mengontrak kalian..

Oyok:yihaaa yihaaa fendi kita rakaman..(Himung)

Fendi:nah ini nang sip yokkai,baik rajaki kita sakalinya pas mambawa utuh dalam band..

Cuplis:asyik ampih sudah aku bahuma dikampung bacatuk drum haja pulang..(Himung)

(Singkat kisah rekaman band buahannya,pemasaran album dalam sabulan 2 juta copy,balum lagi jadi rangetone hape,sukses buahannya,baisi rumah,mobil,pas dapat tawaran manggung di banua,malamnya di konser)

Utuh: Lagu ini buat yang pernah singgah di hati saya dia adalah si jelita( yuni)

Terkenang masa masa indah bersama..
Ketika kuinjakkan kaki di tempat ini lagi..
Ketika cinta pada awalnya bersemi..
Segalanya begitu indah seindah parasmu jelita..(Bakuciak)

Panuntun histeris:utuuuuuuuuuuh..

(Utuh kada tahu ada yuni wan aluh umpat manuntun,yuni manangis)

Bahagialah kau jelita..
Kudoakan semoga kau sejahtera..
Kenanglah aku didalam doamu
Semoga kudapat melupakanmu..

(Bajalan yuni ka atas panggung,takajut utuh,dituntunnya yuni ,banyanyi sambil mangganggam tangan yuni, si yuni manangis, utuh angkat vokal)

Ikhlaskanlah aku pergi oh sayang
Seperti ku meingikhlaskanmu..
Andainya masih ada cinta di hatimu..
Padamkanlah segera demi dirinya..

Semoga kau mengerti..
Arti semua takdir Ilaahi..
Maafkanlah aku oh sayang,.
Pernah mencintai dirimu yang sempurna..

(Imbah tuntung,bahadapan yuni wan utuh)

Yuni:ka utuuuh..(Manangis)

Utuh:ading yuni..

(Langsung maragap)

Yuni:kenapa keputusan itu pian ambil waktu itu ka, pian pikir ulun bahagia,kada ka ai, sungguh ulun hidup dalam bayang bayang penyesalan..

(Baparak aluh)

Aluh:maaf tuhhai tapaksa ku kisahakan samuanya wan yuni,aku asa kada sanggup manyimpan rahasia ini..

Utuh:kada papa luhhai, ading.. kadada yang harus disesali,takdir Tuhan itu sebaik baik ketentuan Nya buat hidup kita ding, mungkin pada hakikatnya kita jauh,tapi ading harus terima itu,dari keikhlasan ading kelak ading akan bahagia meski kada hidup wan ka utuh..

Yuni:tapi cinta itu masih dalam buat pian ka utuh..

Utuh:makasih,tapi hiduplah dengan sempurna dengan garis Tuhan, dan ka utuh sudah ikhlas..

Yuni:benarkah ka..

Utuh:(senyum)hmm enggih,mulai hari ini ading ulun angkat jadi saudara ka utuh..

Yuni:(manangis bahagia)makasih ka utuh..(Baragapan)

(Baampikkan panuntun,siamat sakalinya malihat pertunjukkan itu)

Amat:(dalam hati)percayalah tuh,aku akan membahagiakan yuni,ku anggap yuni titipan ikam,aku janji kada akan mangecewakan yuni wan jua ikam.. (Senyum baampik mandatangi yuni wan utuh)

Yuni:ka amat..(Takajut)

Amat:kada papa aku paham dingai,apa kabar tuh..

Utuh:alhamdulillaah baik,tolong aku titip yuni,dia pernah jadi kekasihku,sekarang dia adalah adingku,aku rela melepaskannya waktu itu semata mata yakin inya akan bahagia hidup wan ikam mat..

Amat:pasti tuh percayalah,aku rela menggenggam bara api dari pada malihat yuni menderita..

Utuh:aku percaya sahabatku(Basalaman baragapan penuh persaudaraan)

(esoknya utuh kembali kejakarta melanglang buana jadi artis terkenal)

Yuni mulai ceria menjani hari harinya,melihat tayangan utuh konser di tv wan mamanya

Mama yuni:tu utuh nang suah jadi pacar ikam kalu nak..

Yuni:enggih ma ai inya sudah jadi artis terkenal..

Mama yuni:umalah,maka manurut habar utuh jadi artis terkaya di Indonesia..(Dalam hati) kanapa aku samalam kada manjadiakan utuh jadi minantuku,jaka kada pasti aku baminantu artis..(Manyasal)!!!

Yuni:hmm enggih ma ai ka utuh baik nasibnya ulun umpat bahagia..

(Akhirnya utuhpun dapat juduh dijakarta anak konglomerat,cantik wan sugih dan alim,buah dari keikhlasan utuh)

Tamat

Pesan:cinta itu kada selamanya memiliki,jangan disesali kalu kada bajuduh,rencana Tuhan selalu baik jadi berbaik sangkalah selalu wan Tuhan,disamping itu ikhlaskan semua yang terjadi,buah dari keikhlasan itu banyak terbukti amat manis dan tergantikan jauh lebih baik dari sebelumnya pada akhirnya..

Mudahan terhibur dan sampai jumpa dikisah kisah lainnya,buat member hanyar met gabung di kowa

Penulis

Fendi ramanda