Senin, 06 Oktober 2014

BUJANG LAPUK part V

Bismillaah..kembali findi pop hadirkan kisah
BUJANG LAPUK part V
Sementara itu utuh yang tabangun jua sedang melaksanakan sholat tahajud,imbah tuntung utuhpun berdo'a
Utuh:Yaa robb hamba meyakini bahwa manusia diciptakan berpasang pasangan,beri hamba jodoh Yaa robb, yang lebih baik dari yang pernah menolak lamaran hamba, buah dari kesabaran dan keikhlasan hamba,atas segala ujian yang engkau beri yaa Robb aamiin..(Urang pintar punya masalah meminta pertolongan ke Tuhannya)
(Esoknya,putri vanessa tulak ka kampung wawaluhan pakai mobil mewah,imbah bertanya kesana kemari akhirnya tatamu rumah utuh,mangatuk ka lawang,pas yang kaluar umanya utuh)
Putri vanessa:assalamu'alaikuum bunda..
(Uma utuh nang malihat putri vanessa)
Uma utuh:wa'alaikuum salaam..(Dalam hati)masya Allah ckckck cantiknya gadis ni,akay akay akay kaliliwaran bungas..
Putri vanessa:bunda..(Managur)
Uma utuh:(takalipik)em em i iya nak,ada perlu apa anak kemari..
Putri vanessa:kenalkan bunda,namaku putri vanessa,putri kesini untuk mencari utuh,apa betul utuh tinggal disini..
Uma utuh:hah mencari utuh,utuh nang manalah..
Putri vanessa:utuh nang sasingutnya panjang sabalah bunda..
Uma utuh:(takalipik)akay netu anakku,kesalahan apa nak yang sudah dilakukan utuh wan ikam..
Putri:(senyum)hmm,kada bunda justru ulun yang salah, sudah berprasangka yang kada baik sama ka utuh..
Uma utuh:hah berprasangka kada baik..
Putri vanessa:sudahlah bunda panjang ceritanya,ka utuhnya ada bunda..
Uma utuh:ooh anakku tulak ka pahumaan imbah tuntung sambahyang subuh tadi,tangah hari kaina hanyar bulik..
Putri vanessa:kalo boleh ijinkan putri memasakkan makanan buat ka utuh bunda,ya anggap ini buat menebus kesalahan putri sama ka utuh..
Uma utuh:wah boleh..
Putri vanessa:(senyum)hmm makasih bunda,dimana warung buat beli ikan ma sayurannya..
Uma utuh:di pertangahan kampung ini nak..
Putri vanessa:kalo gitu putri mau belanja dulu,permisi bunda..(Buat ka mobil langsung jalan)
Uma utuh:uway uway uway kalalangkaran rupa wan akhlak,mudahan ini juduh anakku..(Masuk rumah)
(Imbah sampai kawarung,turun pada mobil,pas rahatan ada uma aluh wan aluhnya,umanya ifah,wan abah ijum,mandam barataan mancangangi)
Umanya ifah:akay akay akay siapa gadis ni liwar langkar..
Uma aluh:umalah,sudah bungas ba mobil pulang,siapa di carilah..
Abah ijum:ckckckck,ini level ku ni,jalas mancari aku..(Lihum)
Uma aluh:(takalipik)akayy mancari aku jar kimpus,diganang buus umur,huban barantuk pidi haja masih..(Takicing)
Uma ifah:bujurai mancari abah ijum uma aluhhai,tapi gasan manyikatakan wc nya nang bakarak jay hahaha..
Abah ijum:(takalipik)bunyulnya buahan kabibitak nih mahapak banar..
Putri vanessa:permisi,acil ulun handak nukar ayam,sekalian sayurannya..
Acil warung:iya nak,ada..
Uma ifah:kalu bulih tahu,anak ini siapalah,rasa hanyar malihat,bagana dimana..
Putri vanessa:kenalkan,nama ulun putri vanessa,ulun tinggal di komplek mawar indah,ulun adalah calon istri utuh (dalam hati)hehe aku handak tau apa respon buahannya..
Uma ifah:(takalipik)hah calon istri utuh,utuh habukkah..
Putri vanessa:(takalipik)akayy lain cillai,utuh habuk tu kada basasingut lain level ulun,netu admin kowa,tapi nang ulun maksud ni utuh nang basasingut panjang sabalah..
Aluh:(takalipik)apaa,ja jadi i ikam calon bini utuh,baaaak...(Rabah siup)
Uma aluh:(takalipik)haw kanapa basiupan aluh ni..
Abah ijum:hehe lagi ha terlalu mahina urang,kaya itu am,makanya jangan terlalu marimihakan urang baik,inya urang baik ni dalam pemeliharaan Tuhan,tasarah Tuhannai handak mambari apakah..
Uma aluh:badidiam ha laduman buntattai..(Sarik)
Abah ijum:(takalipik)lingu dipadahi malah mahapak..
Uma aluh:gilanya ikam putri ,hakunnya pang ikam handak wan utuh netu,sudah muha karau,batis bakalahuk aur dipahumaan haja,anakku aluh haja kada handak..
Uma ifah:jalas ikam kana pelet,rupa kabubungasan maka handak wan utuh netu..
Abah ijum:berarti seimbanglah umanya ifah, mun putri ni bapasangan wan aku nang gagah ni hahay..
Acil ifah:(takalipik) beuh musibah pulang amun tapilih ikam tu abah ijummai ,sudah kimpus buyyit,tenaga lamah ha pulang sudah,ada jua handak naik marabau gugur pasawatnya, masin batagar hahaha..
Abah ijum:(takalipik)bunyulnya mahapak banar tampurung ba andak ni,saurang jaka bungaskah mahapak,sudah muha kaya kulipak jaring,katiak bau masam ha pulang..(Sarik)
Acil ifah :lingu mambalas inya..
Putri vanessa:buahan pian ni salah menilai tentang utuh,ka utuh tu orangnya memang sederhana,tapi ketampanannya memancar dari dalam..
Abah ijum:dari dalam salawarkah putri..(Kada tatahu muha)
Putri vanessa:(takalipik)akay pian ni,umur tuha tapi lanji,maksud putri dari dalam hati..
Acil warung:didangar abah ijummai,dari dalam hati,dasar utak mesum pandiran tu hingga seputar syahwat haja,kadada mutunya lalu ,maulah pikiran urang ngeres haja,baulah dusa tahulah kimpus,amun sama pada tuha kaya situ kada masalah,amun nang anum kaya putri ni iya marusak pikiran haja jadinya..(Sambil manjurung tatukaran putri)
Abah ijum:(takalipik)beuh munafik jua nih,curut lalu aku dihapak..(Masam muha)
Putri vanessa:ini duitnya ambil haja kembaliannya cillai,di tukarlah..(Bajauh)
Acil warung:asyyik bahujung ganal,dijual..
Umanya aluh:waduuh asa raum panjanak nah,pancangan supan banar aku ni,amun bujuran putri tu calon bininya utuh,supan wan umanya utuh sudah marimihakan banar..
Umanya ifah:nahma,aku gin bilang naik darah tinggi asa kada tarima mun utuh wan putri netu..
(Imbah datang putri vanessa,langsung ka dapur,bamasak inya,umanya utuh mangganii)
Umanya utuh:(dalam hati)ckckck sudah bungas rupa,pintar pulang bamasak,oh anakku,kauntungan ikam nak,amun tabini putri ni..
(Utuh belum tau ada putri dirumahnya,bagaimana kisah selanjutnya,kisah apalagi yang akan ditampilkan di cerita selanjutnya,bila dikatujui kusambungakan diseason selanjutnya malam ini hanya di kowa)
Penulis

Fendi ramanda

Related Posts:

  • Kakanakan Kada BuLih Mambaca Komunitas WawaLuhan 8 November 2012 => Kakanakan Kada BuLih MambacaAda saurang janda nang mangaku masih bujang. Inya kawin Lawan saurang… Read More
  • BUJANG LAPUK part VIII Komunitas WawaLuhan 19 September pukul 22:33 ·  Bismillaah..kembali findi pop hadirkan kisah BUJANG LAPUK part VIII Utuh:kalau mimang i… Read More
  • BUJANG LAPUK part IX Komunitas WawaLuhan 24 September pukul 22:25 ·   Bismillaah..kembali findi pop hadirkan kisah BUJANG LAPUK part IX (Esoknya tula… Read More
  • Komunitas WawaLuhan 8 November 2012 Amat nang katuju main bibinian tiba tiba manyadari kaLu biginya nang sabaLah kiri baubah warna jadi biru… Read More
  • Utuh vs preman Komunitas WawaLuhan 1 jam ·  Utuh vs preman si utuh haratan duduk di warung makan nasi kuningkada berapa lawas mancungul seo… Read More

0 komentar:

Posting Komentar

luvne.com resepkuekeringku.com desainrumahnya.com yayasanbabysitterku.com