Bismillaah..kembali
findi pop hadirkan kisah
BUJANG LAPUK part VII
(Mandam utuh mandangar pandiran umanya)
uma utuh:ui tuh, uma mambari saranlah, sabalum
ikam karumah putri,baik bawa bagunting dahulu rambut nakkai ,sasingut dilarap
nang panjang sabalah netu,landau disikat nang bakalahuk ,dibabarasihi
panampilan netu,ini akay akay rambut kaya sarang laba laba kada mangaruan tampuh,pina
mudil balahan buyyit suruian,tapi jambul pina tapulilit kariting wanyi,sasingut
ubuy nang kaya apa manatak jadi panjang sabalah netu..
Utuh:(takalipik)akay kada urang nang
mahapak,uma saurang..(Masam muha)
Uma utuh:kadanya mahapak pang uma ni tuhhai,manyadarkan
ikam netu nah bahwa penampilan tu nakkai no 1..
Utuh:kada kawa ai ma ai faktor katurunan,arwah
abah rambutnya kerebo pian rambutnya lurus,iya rambut ulun jadinya kaya bulu
katiak kada tentu arah ,sapalih kariting,sapalih cagat ,kalu sasingut nang
panjang sabalah ni,waktu balarap siletnya gugur ka banyu jadi kada tuntung
makanya panjang sabalah..
Uma utuh:nah uma mambari duit,bawa ka salon
wan tukar pakaian bagus,amun sudah rapi hanyar tulak ka rumah putri..(Manjurung
duit)
Utuh:enggih ma ai,ulun sambahyang zuhur
dulu,hanyar ka salon..(Manarima duit)
(Imbah sambahyang zuhur,tulak kasalun yuyun si
bincung,pas sampai)
Yuyun:idddiiih ada pintit..(Gaya bincung)
Utuh:(takalipik)lingunya manyambatiku
bingkarungan nih..
Yuyun:embeeeeer,membalas niyeeee..
Utuh:gayuuuuung, ya iyalaaaah..(Manuruti)
Yuyun:(takalipik)idiiih gayung jar,handak
baguntingkah pian ka sini amithabachan..(Kada tatahu muha)
Utuh:(takalipik)akayy,manggarigaji jamban
suketi ai..(Masam muha)
Yuyun:(takalipik)waduuuh purrruuuun manyambat
aku sundel bulung di film suzanna,ayu duduk,tungganglah, aku mahidupi kipas
angin dulu..
Utuh:(takalipik)hah tunggang..
Yuyun:ayya ya ai,maksudku tunggu
sayangai..(Mangibit utuh)
Utuh:beuh saraf lalu..
(Baguntingai,sasingut dilarap,imbah itu tulak
ka pasar nukar baju wan salawar,saapatu,hanyar bulik,mandi sing lawasan,basikat
batis pakai sikat jamban saking handak barasih banar,imbah tuntung
bapakaian,hanyar batampai wan umanya)
Utuh:ma,kaya apa penampilan ulun..
Uma utuh:(takalipik)haw ada tom cruse bailang..(Mawah
manjanaki)
Utuh:(takalipik)ui ma,ini ulun utuh..
Uma utuh:(takalipik)akay, ikam kah tuh,ckckck
kalalangkaran ikam tuh,ini kada kaya pintit lagi,tapi kaya iwak lumba
lumba,imut deh hehe..
Utuh:(takalipik)waduuuh uma ni ada ada
haja,sama ai pada kaya iwak jua,ulun tulak dulu ma ai
nah,assalamu'alaikuum..(Cium tangan)
Uma utuh:hehe wa'alaikuum salaam..
(Tulakkai utuhnya,pas lalu dimuka warung nang
rancak buahan uma aluh kumpul)
Uma aluh:hah siapa tu lah,pina langkar..
Uma ifah:haw ada lelaki idaman..
Aluh:pina kaya utuh ma ai..
Uma aluh:beuh ada ada haja ikam ni luhhai,jauh
lalu wan pintit netu..
Abah ijum:hehehe itu mimang utuh,uiii tuh sini
pang..(Bakiyau)
(Baparak utuhnya)
Utuh:ada apa abah ijum..
Uma ifah :(takalipik)ja jadi ikam ni utuhkah..
Utuh:enggih cillai..
Uma ifah:akay akay akay langkar sakalinya ikam
tuhlah..
Uma aluh:beuh langkar nangapa tatapai muha
kaya pintit..(Indah ma akui,kada sadar tamakan petai mantah)
Abah ijum:ui uma aluh,mulai tabila pian jadi
kambing,petai mantah di makan..
Uma aluh:(takalipik)puih puiiih,mandai
pahit..(Baludah)
Abah ijum:habisakan ha kambingai petainya
hahaha..(Mahapak)
Uma aluh:(takalipik)bunyulnya kimpus nih
mahapak banar..
Aluh:ka utuh,amun kaya ini penampilan pian
ulun hakunai dilamar..(Supan supan)
Utuh:iyakah luh,ikam bisa baitunglah luh..
Aluh:nyata ai bisa,sakulah kalu kanapa
garang..
Utuh:itungiakan jumlah warik di pulau kambang
tu dulu,bila tahu jumlahnya hanyar ulun babulik malamar ikam luhhai..
Aluh:(takalipik)akayy mambalas inya,bica mana
bica aku handak maninjaknya gasan mahilangakan supan..(Kada karuan rasa)
Uma aluh:beuh kisah gagah hantu ni,biar kawa
gin maitungi aluhnya ,kada bakalan aku mau manarima lamaran ikam pintittai
alias bujang lapuk..(Sarik)
Utuh:acil acil,sayang cillai ulun kada punya
niat lagi malamar aluh,ini bisa jadi karma cil,pian nang rancak manyambat ulun
bujang lapuk,bisa jadi karmanya ta ka anak pian si aluh jadi perawan
tuha..(Bajauh)
Uma aluh:wayooo anakku tu bungas hantuai,nang
manaksir baantri,kada kaya ikam pang bujang lapuk baumuran..(Sarik banar)
Abah ijum:ui umanya aluh,didangari
pandiranku,utuh tu pamuda nang baik,kuat ibadah,bakti wan kuitan,rancak banar
di hina ikam,bisa jadi do'anya kabul,pancangan baumuran anak ikam kada sing
lakian,inya do'a urang nang teraniaya,kadada dindingnya lagi wan Tuhan pasti
kabul..
(Bagai disambar patir uma aluh saulah tasadar
pas mandangar pandiran abah ijum,pucat muha katakutanan)
Uma aluh:tapi aku kada maaniaya utuh abah
ijummai..
Abah ijum:pandiran ikam tu liwar padas,mimang
ikam kada ma aniaya secara zahir,tapi sudah melukai hati utuh..
Aluh:bujuran kaya itulah abah ijum,uma uma asa
mandisap bulu awak nah musia bujuran..(Kalas muha)
Uma ifah:aku kada manyambat pang,wan kada
didu'a akan utuh ..
Abah ijum:tuhuk jua ikam ni manyambat utuh
nang malukai perasaannya,bisa haja ta umpat jua..
Uma ifah:imbah pang kaya apa abah
ijum,pancangan kada ta laki lah si ifah..
Abah ijum:talaki ai,ifah wan aluh,handak nyata
talaki,nikahakan wan aku hahay..(Manyurung)
Uma ifah:(takalipik) babunyulan mangawinakan
wan ikam ifahku,pancangan baisi cucu babuyyit kimpus kaya
situ,peraii..(Takicing)
Uma aluh:asli kada kawa mambayangakan aku
baisi minantu tuha pada aku,handak mangiyau anak katiya huban situ basimpurut
kaya raja bandit film kungfu ,kulit takarucut,wan cagar kada baisi cucu
aku,pesawat situ sudah turun mesin,kada kawa tarabang lagi gkgkgkgk..(Mangakak)
Abah ijum:(takalipik)lingunya mahapak
banar,dibari solusi malah mahina..(Masam muha)
Uma ifah:solusi gila,nyata ai ditentang habis
habisan..
(Kita tinggalakan dahulu buahan abah ijum,utuh
nang tulak ka rumah putri,imbah sampai takajut malihat putri lagi duduk wan
lakian di kursi teras rumah)
Utuh:assalamu'alaikuum..
Putri:wa'alaikuum salaam,kenapa datang
kesini,aku lagi ada tamu..
Udin:uui buus kenalkan,ngaranku udin pacarnya
putri vanessa..
Utuh:(takalipik)hah pacar,ngaranku utuh..
Udin:mun kada berkepentingan,sebaiknya
bajauhlah..
Utuh:benarkah putri,ini pacar pian..
Putri:buat apa mengurusi,mau pacar atau kada
itu urusan putri..
Utuh:putri,kalau sekiranya kalimat cinta kada
pernah terucap dari bibirmu,kada mungkin aku datang kesini..
Putri vanessa:buat apa diungkap lagi,maka pian
kada mempercayainya..
Utuh:aku percaya sama putri,tapi kegagalan
masa lalu itulah yang maulah aku meraguinya..
Putri vanessa:hmm,begitu sifat lelaki
sejati,lebih rela melihat air mata putri menetes dari pada meyakini sesuatu
kebenaran yang putri sampaikan..
Utuh:kada setega itu aku,jangan salah paham..
Putri vanessa:kenyataannya kaya itu,apalagi..
Utuh:putri andai saja putri handak menyebrangi
lautan api,aku rela tubuhku jadi jembatannya,supaya putri kada tebakar,meski
aku harus mati karenanya..
Udin:ah teori,jangan didangar
putriai,pandirnya haja..
Utuh:aku kesini handak minta maaf dan ingin
meraih tangan putri,dan meletakkan cintaku disanubari hatimu putri,ijinkanlah
aku selami hatimu,jika masih ada pintu maaf buatku..
Putri vanessa:sulit menerima sesorang yang
sudah terlanjur meneteskan air mataku..
Udin:baik ikam bajauh tuhhai,biarkan putri
bersamaku,jalas sudah ikam ditolaknya..
Utuh:kalau mimang itu keputusan putri,hanya
satu kupinta,maafkan aku jika seandainya sikapku pernah membuat luka
dihatimu..(Bulik)
(Putri mandam mancangangi utuh,titik banyu
mata)
Apa yang akan terjadi selanjutnya,apakah doa
utuh belum terkabul dan tetap menjadi bujang lapuk,bila kisah ini disukai
kusambung pulang insya Allah malam kaina,hanya di kowa
Peringatan:kisah ini sengaja ku panjangakan di
setiap episodenya,supaya member puas,wan lakas tuntung, buat nang sudah tuha
mata kada tapi hawas,nang kada tapi lancar mambaca,bagamat mambaca jadi kada
baliuran,kada muyak,bila pina mauk jangan dibaca sama sekali bakapinggir
satumat, ini gasan member nang katuju kisahnya haja.begitu pemberitahuan dari
saya
Penulis
Fendi ramanda
0 komentar:
Posting Komentar