Cita cita utuh

Bismillaah..findi pop bakisah

Cita cita utuh

(Di sekolahan wawaluhan saat jam pelajaran)

Ibu guru:anak anak ibu handak batakun cita cita buahan ikam wan alasannya, nang pertama aluh,apa cita cita ikam kaina..

Aluh:ulun handak jadi dokter,biar bisa menyembuhakan urang garing..

Utuh:beuh amun jadi tukang urut cucuk ,kadada lalu bakat jadi dukter, imbah handak manyuntik buyyit urang,pas urang takantut lalu marajuai sidin kada jadi manyuntik..

Aluh:muyakkah cubek rangattai..(Sarik)

(Mangakak tatawaan murid)

Ibu guru:sudah sudah jangan didangar bisikan kimus netu ,bagus luhhai sekarang ratna..

Ratna:ulun handak jadi artis,supaya bisa terkenal bu kaya syahrini..

Utuh:muha kaya karak tagar handak jadi artis hahaha..

Ratna:badiam ha parudannai kisah pambungasnya,saurang kaya karungkung bidawang kada sadar..(Sarik jua)

Ibu guru:badiaman sudah,sekarang amat..

Amat:ulun handak jadi pembawa berita di tv bu ai..

Utuh:uma mat,mahajan di jamban haja 5 kali wahin kaya apa handak jadi pembawa berita gkgkgk..

Amat:sarafnya manyambatiku,ikam manantangkah tuh..(Badiri)

Ibu guru:sudah sudah,badidiam pang ikam tuh kisah paharatnya ha,sekarang cita cita ikam pang nangapa..

Utuh:ulun santai haja,cita cita ulun handak babini banyak..(Kada tatahu muha)

Ibu guru:kada bamutu lalu cita cita..(Mambahas)

Utuh:ai manyarik nyarik,jangan kaya itu bu ai,mun pian mancintai ulun,siaaap siiapai dimadu..(Hungang)

Ibu guru:siapa yang handak wan ikam,cita cita ikam kadada mutu lalu..

Utuh:cuba bayangakan aluh jadi dokter,ratna jadi artis,pian masih mangajar, jadi bini ulun katiganya,artinya duit panghasilan dokter,artis,guru ulun rasai jua,tinggal santai haja dirumah,bamodal obat kuat haja digantung dihiga kalambu, kaya apa kada lapang hidup ulun ni..

Aluh,ratna,ibu guru:(baimbai)preeeeettttTtttttttt...

utuh:waduuuh calon biniku latihan paduan suara baimbai..(Hungangnya jadi)

(Mangakak banar tatawaan buahan murid)

Ibu guru:hungaaaaaaaaang,sakulah bubaaaaaaaaar..

(Cita cita utuh masuk akal haja pang kalu lah hehehe) inggan situ dulu,maaf jika kurang berkenan

Penulis

Fendi ramanda