Komunitas WawaLuhan

31 Desember 2013

Kiriman kisah dari "Rian Toni" dan dimodifikasi uLih admin Boys

Pina musim urang bajuaL terompet parak tahun baru pang Leh..
TuLak Utuh ka pasar naik sapida unta kuLihan mainjam pun Amat. Minjam kada bapadahan, abut Amat mencari'i sapidanya. maka Amat sudah janji wan Ratna maLam ini handak ke DutaMuLkani pakai sapida ngintu.

Singkat kisah, singgah Utuh dimuka urang bajuaL terompet pina manggahdengan nafas tahingak hingak ujaaacchhh..

Utuh : Man! nukar es kedeLai..
Paman : Ngapa tadi?!
Utuh : Es kedeLai! Langsung minum haja nah, kada di bungkus! haus banar nah man!
Paman : Eii huLat daun! kada maLihat kah aku bajuaL terompet!
Utuh : Iya kah? maaf, uLun kira tu isapannya..
Paman : Makanya! Lihati huLu!
Utuh : Ayuja, jangan sarik pang man.. ULun nukar barang nah 5 ribu rasa berbekiyu..
Paman : Kam kira aku bajuaL teLa-teLa kah! berbekiyu! 5 ribu!
Utuh : Inggih.. Apa pina panjang-panjang nangintu?
Paman : Tu terompet samut gataL ai!!
Utuh : Hehe.. maaf.. maaf..
Paman : Maaf! maaf! kam handak nukar kada!
Utuh : Handak ai, berapa uang mukanya man? Kawa Lah 36 kaLi bayar?
Paman : Dasar jua neh! bajauh kada kam!
Utuh : Ba apa uLun bajauh? pian handak bakantut kah?
Paman : HI'IIIHHHH (muyak banar dah pamannya)

Kadanya Utuh nang bajauh, paman terompetnya nang bukah sambiL ma'angkat juaLannya.
Sudah bajuaLan kadada payu payu matan baisukan sampai kamarian, tedapat Utuh ha pulang nang pina mauk...

Taga Utuh nih mamaraki puLang..

Paman : Nah nangapa puLang ikam nih baparak..
Utuh : Barapa nang ngini man? (sambiL maniup) TEEET!!
Paman : 10 ribu
Utuh : Mun nang ngini pang? (maniup puLang) PEEET!!
Paman : 20 ribu
Utuh : Emh.. Kanapa nang ngini bunyinya PEEET, nang sebuting ni bunyinya TEEET..
Paman : Mun nang babunyi PET tu ngarannya terompet, nang bebunyi TET tu ngarannya terotet (jawab pamannya bahapaL)
Utuh : Ada nang Lain Lah? (batakun puLang Utuh nih)
Paman : (Mauk banar kakanak ni, sudah seharian kadada payu) mangarumbu dam hati..
Ada ae nah, ngini nah cuba ikam tiup katangah kartak situ suaLnya bunyinya nyaring banar..
Utuh : Iyakah? Bujuran kah??? Ciyuusss!!! Miaapaaahh??

BaLum sampat maniup.. BRAAK!! tekipai Utuh 15,4 meter diranjah trak..

Paman : Hahaha.. Ngintu ngarannya TERONJOK! (jar pamannya bakuciak, ambiL ja situ gasan kanang-kanangan)

Ta'andangah Utuh ma'arit awak nang pingkur wan kapaLa nang hibak bincuL..

Dah Itu Haja

[admin Boys]