Pa rt wan abah ijum baguru

Komunitas WawaLuhan

11 November 2013

Bismillaah.. Findi pop hadir menyapa sanak barataan dengan kisah

Pa rt wan abah ijum baguru

Di pos jaga

Pa rt:gila banar, bilang kada kahitungan aku ni tuhuk banar sudah di waluhi utuh,duit rancak lingai,muha baganal aur dihantam usang,jadi rt di kampung wawaluhan iya aur diwaluhi utuh haja..

Abah ijum:nahma pa rt ai, maka ada bonusnya ujung ujungnya pasti babiru biru muha kana smack down,terakhir aku dismack down nya acil usang,ku kira cintaku diterima usang ujar utuh,hancappai mandatangi,langsung cipika cipiki aku wan usang,sakalinya diwaluhi utuh wara,iya bulik bintat muhaku di permak usang..

Pa rt:nyataai usang sarik,bibir takarucut manyucur haja gawian,dimanalah baguru mawaluh supaya kawa mambalas utuh..

(Kada lawas datang udin)

Udin:buahan pian mun handak mancari rajanya pawaluhan ulun tahu tampatnya,masing masing bayar 300 ribu ongkos infonya..

Pa rt:uki,nah kami bayar,siapa ngarannya..(Manjurung duit)

Udin:halat 2 gang datangi si abah tarzan..

Abah ijum:bujuranlah din..

Udin:amun aku badusta baimbai kita masuk naraka abah ijummai..

Abah ijum:curut amun kanaraka jangan babawaan wallai..(Sarik)

Udin:biar kada babawaan gin masuk saurang haja kaina gkgkgk

Pa rt:beuh mahapak kutu banyu nih,hehehe hadang tuhhai pembalasanku jadi acan ikam imbah aku baguru..

Pa rt:ku angsuli tuhhai kakalahanku samalam,mantap abah ijumai..

(Singkat kisah tulakkan pa rt wan abah ijum ka rumah abah tarzan,imbah sampai)

Pa rt:guruuuu angkat kami jadi muridmu guru...(Mancium batis abah tarzan)

Abah ijum:akhirnya aku menemukanmu guru,aku terharuuuu..(Simbak simbur banyu mata)

Abah tarzan:(takalipik)ada apa ni,pabibilakah aku baisian murid tuher tuher..(Bingung)

Pa rt:begini guru kami handak balajar mawaluh..

Abah tarzan:beuh mawaluhkah,kukira tadi handak balajar kuntaukah pina mangiyau aku guru,umpati aku kebelakang rumah..

Abah ijum:uki guru,aku semakin mengagumimu guru kau baik..

Abah tarzan:(dalam hati)pinanya siwah barataan nang datang ni..

(Mairingiai kabalakang rumah,rupanya abah tarzan ni bakabun dibalakang rumah)

Abah tarzan:nah mun handak batanam waluh kada usah ngalih,timbai biginya atau tanam babuah ha tu,tinggal putik,kawa dijual kapasar..

Pa rt:(takalipik)maksud kami lain balajar batanam waluh guruai..

Abah ijum:(takalipik)akayy kanapa maka buah waluh bujur ni..

Abah tarzan:beuh maksud buahanmu ni apa..

Pa rt:maksud kami balajar mawaluhi urang..

Abah:beuh amun balajar batanam waluh aku bisa,amun mawaluhi urang salah alamat ente..

(Hancap bulikkan buahannya sambil gagarunum)

Pa rt:dasar saraf udin diwaluhinya kita abah ijummai,urang handak balajar mawaluh,tukang tanam waluh disurung..

Abah ijum:salah kita jua pa rt ai udin tu personil trio jaring kawan utuh,beuh duit maka lingai sakali nang didatangi urang batanam waluh,gila lalu..

(Kada utuh si udin nang mawaluhi,asa kakalahan banar pa rt wan abah ijum)

Inggan situ dulu met aktivitas haja maaf jika kurang berkenan

Penulis

Fendi ramanda