Senin, 06 Oktober 2014

Utuh sang pembela

Bismillaah.. Kisah dari findi pop

Utuh sang pembela

(Utuh handak maapeli aluh pacarnya,imbah sampai takajut melihat aluh menangis)

Utuh:ai kanapa ding manangis..

Aluh:huwaaaah huwaaaaah..(Banyaring manangis)

Utuh:haw siapa yang sudah manangisakan pian ding, katakan,sekalipun dia berada di perut bumi,akan ku kacak kacak...(Sarik kisahnya)

(Pas kaluar abahnya aluh)

Utuh:(dalam hati)uuh si tarkul ni kira kira nang manangisakan aluh..

Abah aluh:ada apa ni ribut ribut..

(Balaluan bakacak pinggang utuh,langsung bamamai)

Utuh:ada apa ada apa, pian ni tuha kada baakal lalu,anak saurang disakiti,aku ni bujur haja hanyar jadi pacar aluh,tapi kada rela bila inya disakiti..(Nyaring banar bamamai)

Abah aluh:(takalipik)hah..

Utuh:hah hah apa,sudah rupa kada bungas,jaka kada takawin wan umanya aluh kada bakalan baisian anak bungas kaya aluh wan payu situ ,sudah dahi mining,hidung pitak,sasingut labat sabalah,bibir pina pirut,panyarikan ha pulang,liwar lingu..(Manciling)

Aluh:(takalipik)akayy..

Abah aluh:(bamula sarik) ikamlah..

Utuh:(banyaring)apa ikam ikam,mambawai bakalahikah,jaka kada tapandang abanya aluh,sudah ku sipak di buyyit,lingu banar kalakuan,anak saurang ditangisakan,aku sebagai pacarnya kada terima,jiwa melindungi nang mandurungku jadi wani kaya ini..(Batapuk dada)

Abah aluh:diiiiiiaaaaaam..(Bakuciak)

Utuh:up...(Tadiam)

Abah aluh:bunyulnya kakanak ni,datang datang bamamai,manyambatiku pulang..

Utuh:ai handak prutiskah,sini baparak..(Manantang)

Aluh:ui ka,abah kada manyariki ulun, tapi ulun tatangis marga tangan tacucuk jarum pas manjahitakan cawat abah..

Utuh:(takalipik)akayyy iyakah ding..(Pucat ka tahi tahi)

Abah aluh:(mamaraki)wani banar bamamailah..

Utuh:man man man jangan man,ulun kada badusa man..(Gugup)

Abah aluh:mulai hari ini jangan mamacari anakku lagi ikam,baaaaak...(Manyipak)

Utuh:(tajungkang)adaaaaaaaw...

Aluh:waduuuuh tapalacung ayangku..

Utuh:(kujul kujul)akay akay akaay,sakitan awakku,waduh sudah jatuh tertimpa tangga haaku..(Bajauh)

(Salah sangka pulang utuh)

Penulis

Fendi ramanda

Related Posts:

  • Komunitas WawaLuhan 8 November 2012 Amat nang katuju main bibinian tiba tiba manyadari kaLu biginya nang sabaLah kiri baubah warna jadi biru… Read More
  • BUJANG LAPUK part IX Komunitas WawaLuhan 24 September pukul 22:25 ·   Bismillaah..kembali findi pop hadirkan kisah BUJANG LAPUK part IX (Esoknya tula… Read More
  • Utuh vs preman Komunitas WawaLuhan 1 jam ·  Utuh vs preman si utuh haratan duduk di warung makan nasi kuningkada berapa lawas mancungul seo… Read More
  • BUJANG LAPUK part VIII Komunitas WawaLuhan 19 September pukul 22:33 ·  Bismillaah..kembali findi pop hadirkan kisah BUJANG LAPUK part VIII Utuh:kalau mimang i… Read More
  • Kakanakan Kada BuLih Mambaca Komunitas WawaLuhan 8 November 2012 => Kakanakan Kada BuLih MambacaAda saurang janda nang mangaku masih bujang. Inya kawin Lawan saurang… Read More

0 komentar:

Posting Komentar

luvne.com resepkuekeringku.com desainrumahnya.com yayasanbabysitterku.com