Air mata bawang part II

Komunitas WawaLuhan

1 jam · 

Bismillaah..kembali findi pop menghadirkan kelanjutan kisah cinta utuh yang olaalaaaa

Air mata bawang part II

Di pos jaga

Udin:kada mailangi sheila lagikah tuh..

Utuh:kulir dinnai,lihatakannya haja sudah,aku kada manggaduhi inya lagi..

(Rahatan bapandiran datang sheila)

Sheila:ka utuh..

Utuh:maapa kasini ding..

Sheila:ka,ulun benar benar merasa bersalah wan pian,beberapa hari ini ulun benar benar galau,tuhuk sudah ulun mancuba mananangakan pikiran ulun,ulun bawa maunjun walut,mamasang lukah di pahumaan,mamutiki haliling,manguyaki kulit sawa,bakalahi wan buaya barabut tangkurnya, sampai manangkap biawak kada jua hati ulun bisa malupaakan pian..

Utuh:(takalipik)homaa manangkap biawak,bujur juakah..

Udin:bisaai tuhhai,sheila waktu lahir taimbai biawak kalu,kawan lagi halusnya haja buahan buaya sapit,makanya inya kada takutan wan binatang netu..(Takaradut muha)

Sheila:kalau ulun lagi galau ka ai,puraca gin ulun tangkap,ulun ulah galang,kadang kadang buaya haja cium tangan malihat ulun rahatan bakunyung di sungai,amun sekedar biawak haja,biasa kukunya nang panjang,kusuruh manggaruakan balukukku nang gatal..

Udin:(takalipik,dalam hati)asli siwah babanaran kalakuan sheila ni,rupa bungas tapi kawanian bangat pada xena..

Utuh:jadi mau apa ikam kasini ding..

Sheila:ulun ingin kembali wan pian,akan ulun persembahkan kulit biawak sebagai tanda permohonan ulun,nih..(Manjurung kulit biawak nang sudah di jamur)

Utuh:(takalipik)homaa kulit biawak disurung, maaf dingai sekalipun kulit badak tatap aku kada handak lagi wan ading..

Sheila:tahuai ulun jadi pian kada hakun,kulit biawak masih murah,semalam ulun bakas manimbak macan,nah kulitnya kawa diulah baju sebagai kenang kenangan ka ai wan sebagai permuhunan maaf ulun..(Maungkai dalam plastik)

Utuh:(takalipik)waduuuh kulit macan,akay akay akay ngerinya ,maaf dingai ka utuh tatap kada bisa manarima..(Bajauh)

Sheila:(bakuciak)kaaa utuuuuuh,beuh ditinggalakannya aku..(Bulik manimbaiakan kulit biawak ka muha udin)

Udin:(takalipik)akay ditimbainya wadahku, hiiiiiih ngerinya...(Kabuliayangan,bukah banar)

(Waktu suri,amat baelang karumah sheila)

Amat:ui ding,kita bajalanankah..

Sheila:maaf ka ai,ulun lagi pusing..

Amat:ding,kada usah lagi mangganang utuh tu,pandang ka amat yang datang membawa cinta sebesar dunia,wan kita ni dingai pasangan nang serasi,lihati ka amat kaya hercules..(Batampai awak)

Sheila:(takalipik)waduh nangapa tu ka didada kaya gambar pulau..

Amat:(takalipik)akayy panau ku kalihatan..(Hancap manutupi)

Sheila:beuh bapanau sidin,dada burung netu kaya herculeslah,mun kaya urang urangan sawah cucuk..(Kada tatahu muha)

Amat:tapi kaya apa haja,cinta ka amat ni dingai, tulus,terimalah,wan lupakan haja utuh netu..

Sheila:kada samudah itu ka ai malupakan ka utuh,ulun menyesal sudah malukai perasaannya..

Amat:haduuh nasib nasib,maharap nang kada pasti ni,dapatnya kada tasupani maka iya panau dipamerakan..(Bulik)

(Akhirnya sheila katuju manyaurangan, saat utuh melintas di pinggiran sungai,malihat sheila mangayuh jukung saurangan sambil titik banyu mata)

Utuh:(cangang dari jauh)ading,tangisan ading rasa sulit ka utuh nilai,apakah manangis bujur, atau hanya sekedar air mata bawang,ading sudah malukai aku,aku kaciwa aku kaciwa..(Bulik)

(Disuatu hari,utuh rahatan santai datang kesiring wan udin,malihat sheila duduk saurangan)

Udin:tuh,tu sheila duduk saurangan..

Utuh:iih..

(Diam haja sheila mata pina sayu,nang kaya kada samangat)

Udin:tuh paraki,basa basi barang..

Utuh:iyakah,ayuai..

(Baparak utuh)

Utuh:kada wan amatkah kasini..

Sheila:kada,ulun handak saurangan haja..

Utuh:ading seperti kada bahagia,kenapa..

Sheila:urang yang dicinta kada perduli lagi wan ulun,rasanya kebahagiaan itu sudah hilang..

Utuh:bisa juakah setia urang kaya pian ni..

Sheila:terserah pian handak bapandir apa,percuma jua kalu pian kada percaya..

Utuh: bujur jua pang..

Sheila:yang pasti hidup ulun wayah ini dilanda kegalauan tingkat tinggi..

Utuh:hmm iyakah ding..

Sheila:(menangis)apakah cinta ka utuh sudah padam terhadap ulun ka..

Utuh:aku kada tahu,tapi yang pasti nama ading telah kuabadikan disini..

Sheila:jika diabadikan sebagai penghianat cinta,lebih baik tikamkan belati ke dada ulun ka,biar dunia tau ulun mati dalam penyesalan dan saat mencuba membuktikan sejati..

Utuh:hmm,saat ini aku sulit mambidaakan mana permata mana yang hanya pecahan kaca,maafkan jika hati ini sulit buat menerima ading kembali...

Sheila:begitu beratkah pian untuk memaafkan ulun ka..

Utuh:bisa jadi,seperti menyatukan langit dan bumi,secara akal sulit kalu..

Sheila:bila saja,ka utuh ingin ulun berandam di lautan bara,atau menjunjung sebuah gunung,rela ulun lakukan ka, supaya pian percaya..

(Baparak udin)

Udin:tuh,bila ikam handak mencari cinta sejati,sheila lah urangnya,meski dahulu inya sudah mangguriskan luka..tapi cinta sejatinya dibuktikannya saat ini,buang kekerasan hati ikam,terima inya,sebab bila ikam manulak,bisa jadi isuk ikam yang akan manyasal..

(Bacacangangan utuh wan sheila,dan akhirnya luluh utuh,dengan tangisan sheila yang menghambur kepelukan utuh)

Utuh:ading,ka utuh terima ading kembali..

Sheila:(menangis)benarkah ka,makasih ka,ulun janji kada akan membuat kesalahan nang kaya dulu lagi..

Utuh:semua yang terjadi kada luput atas kehendak Tuhan

Udin:nah tuh,itu baru yang namanya lelaki..

(Akhirnya utuh dan sheila kembali seperti dulu,menjalin cinta dan mesra seperti merpati terbang tinggi dengan pasangannya)

(Kesalahan bisa haja dilakukan seseorang,tapi memaafkan akan mewujudkan sebuah kedamaian dan ketentraman kenapa kada di lakukan,raih tangannya kalu perlu kita yang lebih dulu,supaya kadada sesal di kemudian hari,jangan sia siakan cinta yang hadir ,sebab bila sudah kadada lagi nang ada hanya kenangan, cinta sejati bisa muncul kapan saja,dan dalam situasi mana haja)

Inggan situ dulu sampai jumpa dikisah kisah lainnya sekedar bawaluhan,gasan member hanyar nang minta sambungakan semalam

Penulis

Fendi ramanda