Bismillaah..kembali
findi pop hadirkan kisah
BUJANG LAPUK part III
Uma utuh:nak,tukarakan uma sabunlah ,uma
handak batatapas nah..
Utuh:enggih ma ai..
(Langsung tulak ka warung, imbah sampai,pas
takumpulan buahan acil acil)
Utuh:cil nukar sabun pang..
Acil warung:hadangi maambilakan..
Umanya aluh:(mambisiki)umanya ifah, ni cuntuh
manusia keturunan kada payu,tuha sudah kada sing binian,samalam anakku aluh
dilamar,cinik aluhnya bauling indah banar xixixixi..
Umanya ifah :wajar haja buussai aluh manulak
,penampilannya haja liwar karau,sasingut akay akay panjang sabalah,mana batis
bakalahuk aur di pahumaan haja..
Umanya aluh :kalu di lirik potongan mudil nang
kaya ini kada bakalan sing binian,pancangan kunslet saurang bluetooth kada
tapakai xixixixi..(Mangalikik)
(Mandangar utuh sayup sayup pandiran bebisikan
buahan acil)
Utuh:(dalam hati)pinanya mamandirakan aku
buahan umanya aluh ni, uii cil kanapa pina babisikan banar..(Managur)
Umanya aluh :(takalipik)eh eh kada papa tuhhai
hehe..(Pina gugup)
Umanya ifah :tuh pabila situ babini,udin,amat
sudah baranakan bininya,ikam haja lagi nang parai saban malam guring kaya angka
satu kawannya kadada hahaha..
Umanya aluh :ada ai kawan jar utuh,gaguling
nang bakaluaran kapuknya gkgkgk..
Utuh:(takalipik) pian pang umanya ifah adalah
kawan guring..(Manakuni)
Umanya ifah:(takalipik)ada ai bahari ini
tinggal saurangan pang ditinggal abahnya kawin pulang..
Umanya aluh :amun aku ada ai laki abahnya
aluh,tapi aur guring dirumah bini anumnya haja pang,salawas dimadu..(Masam
muha)
Utuh:nasib pian tu ngarannya lebih pedih dari
ulun,siapa nang tahan hidup wan buahan pian,mun pandiran kada ditata,sudah muha
pina panyarikan,kadada lalu menunjukan muha keibuan,cuba tampilkan wajah penuh
senyum ulun yakin betah abahnya bagana dirumah,wan jaga pamandiran,sebab ucapan
kita menunjukan kepribadian kita yang sebenarnya,kada handak kalu pian di nilai
urang binian kada baik ,umur tuha ucapan kada batata ,ini bilang pacul gusi aur
manggusip haja..(Bulik)
Umanya aluh:(takalipik)beuh mambalas hantu
ni,tapi bujur jua panglah,kalu dicangangi bujur bujur umanya ifahhai , muha
pian iya banar sapi hamuk nang indah disumbalih gkgkgk..(Mahapak)
Umanya ifah :(takalipik)beuh lingunya kanapa
timbul mahapak aku,muha saurang pang kada sadarkah iya banar samprong hangit
liwar ganas..(Mambalas)
Umanya aluh :ai waninyalah mahapak,handak
sakit biawak ni..
(Balaluan bagudar di muka warung)
Acil warung:(takalipik)homa kanapa timbul
bakalahi badua nih,beuh daganganku dihamburakannya,ciaaaaaat...(Umpat bacaruk)
(Datang abah ijum)
Abah ijum:ai kanapa pina bagudar nih,ui ui
ampihan..(Mahalat)
Umanya aluh :(cangang)ampihan
ampihan,baaaak..(Manyipak salangkangan abah ijum)
Abah ijum:(kujul kujul)akay akay akay,hancur
pakakasku,bunyulnya disipaknya keperkasaanku,ampihaaaaan..(Bakuciak)
(Ranai balaluan)
Abah ijum:lingu lalu nangapa nang dirabutakan
jadi bakalahi,timbul pakakasku ngilu kana sipak bidawang ni..(Mamusut ka
salangkang)
Umanya aluh :au ah..(Bulik)
Umanya ifah :lingu lalu kadada angin kadada
hujan timbul manggudarku,pada ku balas ha,bintat pang pipi dikit kana tinju
..(Bulik kada merasa bersalah)
Acil warung:beuh bulikan inya,daganganku maka
bangai..
Abah ijum:sial lalu handak mahalat,tabalik
kejantananku kana sipak kalu lingu..(Bulik jua)
(Di lain kisah Utuh nang sudah sampai rumah
manjurung ka sabun)
Utuh:ma,ulun handak bajalanan dulu,mahibur
diri ma ai..(Mancium tangan)
Uma utuh:ih ayu ha nakkai,hati hatilah..
Utuh:enggih ma ai..
(Imbah maucapkan salaam bajalanan utuh)
utuh:dunia seaakan sempit,hidup tanpa cinta
seolah menjadikan semuanya tak ada yang indah,kemana harus ku bawa diri tuk
meringankan beban yang menghimpit,dimana keberaadaan sang dewi yang nantinya
akan menjadikan indah dunia ini dengan senyum dan curahan kasih sayangnya
buatku..(Gagarunum sambil bersyair)
(Rahatan sipak sipak rumput dipinggir
jalan,pas tasipak dumpit,takajut utuh)
Utuh:ai dumpit siapa nih..
(Mambuka ka dumpit ada ktp nya,dibacanya
utuhhai)
Utuh:PUTRI VANESSA,wah bungas banar urangnya
di gambar,duitnya banyak banar,ada atmnya pulang,tinggal di komplek mawar indah..
(Siapakah putri vanessa,apakah kelak dia jodoh
utuh,atau justru jadi benalu dikehidupan utuh yang penuh derita,nantikan season
selanjutnya hanya di komunitas wawaluhan,bila dikatujuai kusambungakan pulang)
Penulis
Fendi ramanda
0 komentar:
Posting Komentar