BUJANG LAPUK part II

Komunitas WawaLuhan

11 September pukul 17:44  · 

Bismillaah..kembali findi pop menghadirkan kisah

BUJANG LAPUK part II

Sorenya utuh bajalanan balilihat kalu pina ada nang ta patut untuk di lamar,pas diujung gang dirumah cat warna habang,tamandak utuh

Utuh:akay ada ciwi duduk di pelataran ,haw inya mancangangiku jua, kucuba dadah kaway kaway pang..

(Mandadah si utuh,pas dibalasnya)

Utuh:yes mambalas inya..

(Melihat respon kaya itu,utuh langsung bulik ka rumah bahabar wan kuitan)

Utuh:ma,tadi ulun malihat ciwi langkar ma ai,dirumah ujung gang tu nah..

Uma utuh:nang rumah ba cat habang kah tuh..

Utuh:enggih ma ai,wah ciwinya langkar banar,para akan si ma,ini ma ai ulun kada mamilih nang sugih lagi sudah..

Uma utuh:kada ta salah pilihlah tuh ikam,kada salahlihatlah nak..

Utuh:kada ma ai ,pukuknya kali ini nyata ditarima..

Uma utuh:(dalam hati)marasnya anakku kahandakan babini,babarang haja inya mamilih..(Titik banyu mata)

Utuh:ai kanapa pian manangis ma..(Bingung)

Uma utuh:ayuha nakkai,mungkin ini sudah takdir hidup ikam,mudahan ini yang terbaik..(Maragap ka anak)

Utuh:(dalam hati)ai kanapa umaku ni yu,bukannya himung malah pina marista..

Uma utuh:ayu isuk kaina kita karumah sidin,ini nyata pang ditarima,tapi nikahnya kada usah tapi tumbur tuhlah asa supan uma , anakku huwaaah huwaaaaah sabar naklah ini mungkin sudah takdir ikam..(Bukah ka kamar sambil manangis)

Utuh:hah sidin,ai ada apa ni jadi bingung diaku judulnya ni..(Nganga nganga)

(Isuknya Tulakannai utuh wan umanya ,imbah sampai disambut binian saparuh baya,masukannai)

Uma utuh:kaya ini cillai,ulun datang kamari handak manjalin tali silaturrohiim wan dika,maksud kami kamari handak malamar dika gasan dijadiakan minantuku,untuk menikahkan pian wan anakku si utuh..

Nini kulimbit landu:yes yes balaki cagar,kutarima banar umanya utuhhai..(Himung)

Utuh:(takalipik)akay uma nih ada ada haja,kanapa hatap jamban nangini nang di lamar..(Bingung)

Uma utuh:(takalipik)haw maka ikam jua nang handak,kanapa maka takajut..

Nini kulimbit landu:biasa haja umanya utuhhai,si utuh takajut maklum cagar belah duren dimalam pangantin hahay..

Utuh:(takalipik)beuh balah duren nangapa mun wan situ,mambalah papan japuk maka iya..(Masam muha)

Uma utuh:bujur kalu ini rumahnya..

Utuh:bujurai ma ai,tapi lain nang tuher ni pang urangnya..

Uma utuh:dirumah ni nini kulimbit landu pang nang tinggal,kadada siapa siapa lagi,siapa lagi nang dilamar disini pada sidin ni,anih banar ikam ni tuhhai..

Utuh:amun wan nini ni aku indah kada level ma ai..

Nini kulimbit landu:(takalipik)sumbung lu,sasingut kaya pintit kisah gagah,amun kada malamar aku ba apa datang kasini,aku gin balum tantu jua manarima..(Balaluan kisah jual mahal mambuang supan)

Utuh:suri samalam nang ulun lihat duduk dipalataran rumah ni ma ai ciwinya anum,langkar,lain nang saraba takarusut ni pang..

Nini kulimbit landu:(takalipik)lingu manyambatiku saraba takarusut,amun suri samalam tu mimang ada ciwi nang karumahku,netu cucuku sudah balaki,inya kasini maantari iwak kulihan lakinya manuba..

Uma utuh:beuh jadi salah sasarankah tuh..

Utuh:(takalipik)beuh iyakah,nyata ai mun dinosaurus ni nang dilamar jalas salah sasaran, waduh gagal maning pulang babini ni,pantassai uma pina manangis banar sakalinya mambayangakan malamar nini ni sakalinya..

Uma utuh:syukurai lain,kada kawa mambayangakan aku baisi minantu tuha pada aku..(Takicing)

Nini kulimbit landu:tapi dari pada upaw tuhhai,baik kita ai kawin,nyata kawa ba adegan hot malam pertama..

Utuh:(takalipik)curut adegan hot nangapa ,malam musibah maka iya takawini tulang rapuh,ayu ma kita bulikan..

Uma utuh:ayu ...(Bulikan)

Nini kulimbit landu:sumbung lu,kisah manulak tapi hati handak,kisah gengsi banarai luuuuu..(Gagarunum)

(Imbah sampai rumah tasandar pulang badadua anak wan kuitan)

Uma utuh:nak sasadangi gin sudah bacari bini,inya mungkin sudah takdir ikam nakkai kada sing binian..

Utuh:ma pian tahu kalu,salah satu sifat nang dibenci Allah adalah putus asa,selagi nafas masih dikandung badan pantang bagi ulun manyarah,akan ulun cari,sekalipun andakannya diujung dunia,ulun yakin bahwa juduh ulun ada dimuka bumi ini,cuma balum tatamu ma ai..(Tapancar banyu mata)

Uma utuh:tapi kamana lagi nak ikam mancari,sudah barantuk kagagalan demi kegagalan,berhiaskan malu wan hinaan nakkai..

Utuh:ampun maaf ma ai,karena ulun pian umpat supan..(Mancium batis kuitan basujud)

Uma utuh:(manangis)hiks hiks kada papa nakkai,uma ikhlas demi ikam,sekalipun salambar nyawa uma ni ditukar gasan juduh ikam,mama jurung nakkai hiks hiks..(Inilah pengorbanan seorang ibu)

Utuh:hiks hiks,ulun janji ma ai,disetiap tetes paluh pian akan ulun tukar dengan amal ibadah ulun,biar ma ai dusa pian ulun nang mananggung,betapa besar budi baik pian

ربّ اغفرلي ولوالديّ وارحمهما كماربّياني صغيرا.امين
(Manangis sambil ba do'a)

Uma utuh:mudahan nakkai,ikam dapat nang baik kaina..(Talapas pulang du'a kuitan)

Bagaimana kisah selanjutnya,nantikan hanya di komunitas wawaluhan,mun katuju kusambung pulang kaina di season 3,handak mandi dulu nah)

Penulis

Fendi ramanda