Bismillaah.. Findi pop
kembali menghadirkan kisah
BUJANG LAPUK
Di kampung wawaluhan hiduplah saurang pamuda
nang sudah baumur diatas kapala 3,pada suatu hari
Uma utuh:tuh,ikam ni yakinlah,kalau pinangan
wan aluh ditarima kaluarganya..
Utuh:ini ma ai bagian dari usaha,sual ditarima
atau kada,netu urusan Allah..
Uma utuh:usaha bahambur sudah,uma bilang kada
bamuha,aur ditulak urang haja..(Putus asa)
Utuh:ditulak netu marga urang kada suka wan
ulun,inya kada kanal labih dalam banarai wan ulun ni,jaka buahan nang dilamar
tu, tahu hati ulun ni salambut sutra,cinta ulun setegar karang,wan kesungguhan
hati ulun mengalahkan derasnya ombak, nyata lamaran ulun ditarima ma
ai..(Meyakinkan)
Uma utuh:ikam ni nakkai katinggian salira,anak
camat nang dilamar,dokter,anak bos batu bara,saurang gawian bahuma siapa nang
hakun,muha pas passan ha pulang jaka kaya aliando di ganteng srigala,nyata
ditarima urang,mana sasingut panjang sabalah,cuba dilarap ada jua ba rupa,kada
bisa lalu manjaga panampilan..(Masam muha)
Utuh:(takalipik)akayy kuitan saurang nang
mahapak..
Uma utuh:kadanya mahapak pang tuhhai,uma tii
manyadarakan supaya bacaramin,sabalum mahandaki anak urang..
Utuh:uuh damintuah..(Kisah paham)
Uma utuh:ini si aluh anak buus baras pulang
nang ditaksir,kuitan pulang nang mamara akan,asa trauma sudah muha bilang
kandal imbah ditulak urang..(Takaradut muha)
Utuh:kali ini pinanya nyata pang ditarima
nya,sualnya samalam ulun balirikan banar di warung..
Uma utuh:ayu ai,suri kaina kita karumahnya
aluh..
Utuh:waaah ukiii..(Himung)
(Singkat kisah surinya basiap siappai
buahannya handak karumah aluh)
Uma utuh :ui tuh dilalakasi napa pulang nang
diulah..
Utuh:lagi bacaramin ma ai nah,hanyar saparapat
jam setutumat lagi sesuai syarat ujar pian dibawa bacaramin..(Manjanaki muha
dikaca)
Uma utuh:(takalipik)dasar hungang,ujarku
bacaramin tu supaya sadar wan diri yang penuh kekurangan,bukan bacaramin muha
bajam jam,dimana maandak utak..(Masam muha)
Utuh:(takalipik)akayy salahkah..
Uma utuh:ayu sudah kita tulakan..
(Tulakan utuh wan umanya imbah datang karumah
aluh,disambut ulih kuitan aluh)
Abah aluh:napa habar cil datang ka
sini..(Sambil maisap timbaku)
uma utuh:kami datang kasini abahnya
aluhhai,handak menjalin tali silaturrohiim kekeluargaan wan kaluarga
dika,anakku utuh manaksir wan anak pian si aluh,nah jadi aku ni handak malamar
aluh gasan kuulah minantu..
Abah aluh:(takalipik)hah malamar anakku gasan
iwak pintit ni..
Utuh:(takalipik)beuh curut disambatnya iwak
pintit aku,enggih biawakkai gasan aku..(Sarik)
Abah aluh:(takalipik)akay waninya
manyambatiku..(Manciling)
Utuh:hehehe bagaya mannai..(Pancat)
Abah aluh:macam macam kakanak ni,umanya kiyau
aluh kamari pang...
Umanya aluh:luh ui luh kamari ikam..
Aluh:(kaluar pada kamar) pun ulun...
Abahnya aluh:luh ikam jar handak dilamar
utuh,hakunlah jadi bininya..
Aluh:(takalipik)hah jadi bini pintit ni
kah,indah bahhai..(Tauling)
Utuh:(takalipik)akayy ditulaknya, kanapa ding
jadi kada hakun,maka samalam balirikan banar kita..
Aluh:pabibilakah,balirikan kada ai aku..
Abah aluh:ge er lakiannya,aluh tu matanya pina
juling banarai sadikit,kadanya malirik ikam pang..
Utuh:(takalipik)beuh lingunya iyakah,tapi kada
tapi nampak,biasa haja,aku luhhai mau manarima ikam apa adanya,han kaya
apalagi..
Aluh:amun handak jua,ada syaratnya..
Utuh:napa ding syaratnya..
Aluh:tukari pulau kambang,tabasi hutannya,ulah
villa gasan kita,wan ditangah sungai ulah jalanannya supaya kawa pakai
mutur,amun pian kawa mamanuhi syaratnya ku tarima ai pian jadi lakiku..(Baagak)
Uma utuh:(takalipik)akay akay akay kahaharatan
syarat..
Utuh:(takalipik)beuh handak jadi rara
jonggrang jua,aku ni dingai bukan seorang bandung bondowoso,tapi aku hanya
manusia biasa ditakdirkan Allah,dengan ketentuan seperti itu,syarat pian diluar
batas kemampuanku,ayu ma kita bulik,mungkin juduh ulun lain disini..(Titik banyu
mata)
Uma utuh:ayu tuh,maaf nah kami bulikan abahnya
aluhhai..
Abah utuh:iih dilakasi ha,bawa buussai
bacaramin dahulu anak ikam tu hanyar malamar anak urang..
(Tatunduk umanya utuh bajalan,sakit hati sidin
dihina,imbah sampai dirumah tasandar badadua)
Umanya utuh:mungkin sudah takdir nakkai,ikam
hidup kada babini..
Utuh:(takalipik)akay kanapa pian bapandir kaya
itu ma,bukankah sudah janji Allah manusia itu ditakdirkan hidup berpasang
pasangan,selagi kita mau dan berkeinginan nang kaya itu,ma prasangka Allah
adalah prasangka kita jua,oleh karena itu berbaik sangka haja ma ai,mungkin
Allah lagi menyiapkan juduh yang baik buat ulun,dan kegagalan ini adalah ujian
ma ai..(Ahli sabar jua utuh)
Uma utuh:(manangis)hiks hik,ikam ni nakkai iya
banar arwah kai ikam,kuat pendirian,pantang manyarah sampai akhirnya tabini 4
sidin, banyak jar kai ikam manulak waktu dilamar ,pas ada nang handak 4 ikung
manyasah,ayu ha nakkai mudahan ikam lakas dapat juduh..(Mahibur anak)
Utuh:(mancium ka batis kuitan)maaf ma lah,ulun
belum bisa menghadirkan minantu di kehidupan pian hiks hiks hik..(Tatangis
utuh)
Uma utuh:kada papa nakkai,mudahan ikam nakkai
bahagia haja kaina didunia maupun akhirat..(Talapas du'a kuitan)
Inggan situ dululah sanak,mun katuju kaina
kusambungakan,di season 2 sualnya lagi bagawi,asal eksist haja
Penulis
Fendi ramanda
0 komentar:
Posting Komentar