Bismillaah.. Kembali findi pop hadirkan kisah cinta yang mendayu dayu di padu tentang baktinya seorang anak wan kuitan
CINTAKU KAYA KARACAK HAYAM part III
(Tegar hati utuh,meski kaciwa tapi tatap kada handak manampaiakan raut muha nang terluka, akhirnya tiba hari perkawinan sheila )
Utuh:ma kawa hajalah dika tulak ka undangan sheila..
Uma utuh:kapala asa raum pang tuhhai masih,tapi amun kada ditulaki kada nyaman,biar tajauh rumah sheila pada kita,tatap ham tetangga jua ngaran sakampung tii..
Utuh:biar ulun mahambim dika ma ai..
Uma utu:kada supanlah tuh ikam mahambin uma ka undangan,ada disambat urang nang macam macam..
Utuh:kada papa ma ai, ayu ma..
Uma utuh:ih hayay kababaikan akhlak ikam tuh..
(Mahambin utuh wan kuitan, dijalan urang cangang canganngan,wan tagur taguran)
Acil enor:ui tuh handak kamana mahambin kuitan..
Utuh:ka pangantin sheila cillai, uma masih asa raum jadi ulun hambin balum sihat banar lagi,ayu cil badahulu..
Acil enor:ayuha tuhhai, akay akay akay kauntungan baisi anak umanya utuh tu,haaaku asa taganang wan kuitan di kubur,jangankan manggawi nang kaya itu, kuburannya haja jarang tabarasihi hiks hiks hiks..(Manangis)
Umanya ifah:uway uway uway,liwar utuh ni kababarasihan hati lah,sheila tu sapangatahuanku dahulu bakas pacarnya utuh,tapi kawin wan urang sugih kampung sabalah,sanggup haja manukui undangannya,amun aku kujunggingi buyyit banarai,pacar kawin wan urang..
(Pas sampai di rumah sheila,pangantinan liwar mewah,nang ngaran urang baduit tiih,ditagur pa haji ahmad )
Pa haji ahmad:umanya utuh,masih garingkah,sampai dihambin utuh..
Umanya utuh:iyiih pa hajiai,nangapang ngah nang ngaran panyakit tuha tii,sarabanya haam..
Pa haji ahmad:jaka di bawa istirahat haja dirumah..
Umanya utuh:aku mandidik utuh ni pa hajiai,nang ngaran di saru tii kaya apa haja di usahakan datang, nang ngaran wajib tii,amun masih kawa ha..
Pa haji ahmad:pantas ikam ni tuhhai, punya pribadi yang liwar bagus, sualnya kuitan ikam sampai pa ka i an ikam nang kutahu alim barataan, mudahan kakanakkan barataan nang kaya ikam ni..
Utuh: aamiin,semua atas ijin Allah jua..
(Masukannai,mangaut ka nasi iwak garih,dudukkai sambil makan cangang utuh wan sheila nang batatai di pelaminan,musik organ tunggal asik main, biduannya banyanyi lagu mashabi cinta hampa)
Penyanyi:(banyanyi)ibarat air..di daun keladi..walaupun tergenang tetapi tak meninggalkan bekas..pabila tersentuh.. Dahannya bergoyang.. Airpun tertumpah tercurah habis tak tinggal lagi..
(Makin rawan hati utuh,hati asa dikacak kacak,tapi di dalam terpaksa belajar merelakan,baparak uma sheila)
Uma sheila:ai utuh kalu nih,hehe kawin sudah tuhhai sheila,wan urang baduit,bantu du'a haja tuhlah,sualnya amun takawin wan ikam pancangan parai,hidup dalam kemiskinan xixixixi..(Bajauh sambil tatawa)
Uma utuh:basabar haja nakkai,inya nakkai semua yang terjadi kada luput dari ijin Allah..
Utuh:hmm enggih ma..(Menghela nafas)
(Imbah tuntung makanan manyalami pangantin)
Udin:ai utuh hehehehe,maaf tuhlah paksai nah aku nang mambalah duren gkgkgkgk..
Utuh:kada papa,selamat dinlah..
Udin:makasih..
(Hanyar manyalami sheila)
Utuh:selamat dinglah,moga jadi keluarga sakinah..
Sheila:iyaa makasih,pabila pian kawin ka..
Utuh:belum tau dingai..
Udin:siapa juakah nang handak wan utuh ni,jangankan mamakani anak urang gasan saurang haja kembang kempis tuhlah hehehe..
Sheila:jangan kaya itu pang ka,asa supan ulun sudah suah pacaran wan ka utuh hehehe..
Utuh:(takalipik)akayy..
Uma utuh:nak,ungtung ikam ni nakkai kada tajuduh wan sheila ni,Tuhan tu nakkai memilihakan juduh gasan nang urang baik,pasti nang baik jua kaina,paham haja maksud uma,ayu kita bulikan..
Udin:bulikankah tuh..
Utuh:iih nah..
Udin:kada maimbahakan kah..
Utuh:maimbahakan napa din..
Udin:maimbahakan diusir urang,mata asa sakit manjanaki ikam haja gkgkgkgk..
Sheila:xixixixi..
Utuh:pintar ikam ni dinlah..
Udin:pintar nangapa tuh,amun utak dasar barangkap pang aku ni..(Baagak)
Utuh:pintar memakan bangkai saudara ikam saurang..(Bulik)
Udin:(takalipik)beuh apa maksudnya jar..(Nganga nganga kada paham)
Sheila:au ah..
(Malamnya utuh sambahyang isya,imbah tuntung ba wirid,sakalinya kada marasa taguring di atas sajadah, bamimpi utuh)
(Mimpi apakah yang dialami utuh, bagaimana nasib juduh utuh,tunggu episode terakhir)
Amun masih di katujui kusambungakannai pulang, ini tergantung
Like wan kumint buahan pian
-aku akan tetap memposting kisah cinta, sebab kisah ini kada sesdikit yang menyukainya, yang katuju kisah handap silakan hadang admin lain bakisah, ini sudah menjadi ciri khasku
Penulis
Fendi ramanda
0 komentar:
Posting Komentar