Maujik

Komunitas WawaLuhan

20 jam · Disunting · 

Bismillaah..findi pop bakisah

Maujik

Utuh:cil baujikkah

Acil enor: ka pasar hanyar barapa tuh

Utuh:20 ribu cillai

Acil enor: uma larangnya

Amat: wan ulun haja 15 ribu

Udin:10 ribu gin ciLlai wan ulun

Utuh:bunyulnya buahannya nih mambawai basaingkah 7 ribu cillai wan ulun

Amat: 5 ribu wadah ulun

Utuh:( tapanasi) 3 ri bu haja wan ulun

Acil enor :ayu ha tuhhai

Utuh: ai manaaang akuuu hahaha

Amat: beuh manang nangapa ,mulai jambatan barito baujik kapasar hanyar maka hakun di bari 3 ribu hahaha

Udin:dasar curut kana jabak hahahay

Utuh:ai iih harau hanyar haja sadar kanapa hakunlah (Hungang)

(Paksaai mambawa utuh, imbah itu datang masam muha)

Amat: kanapa tuh pina masam muha

Utuh:maisi binsin kandaraan cbku ni 3 litar habis,ban miris ha pulang habis 40 ribu dapat ganti 3 ribu..asli parai

Amat:hahaha..makanya jangan aur handak manang tarus rasa situ (mahapak)

Kada lawas Datang acil usang

Acil usang: baujek pang tuh ka tarminal pal 6..

Utuh:amat gilirannya cillai,ulun auran nah handak manuntungakan balarap jebes (kada handak mambawa)

Amat:ulun handak bulik cillai handak batimbak buntut,udin hakunai kalu (kulir)

Udin:pas jamnya ni buahan acil acil mandian,ulun handak maniming nah bulik (indah banar)

Acil usang:(dalam hati)beuh kadada yang hakunnya pinanya.. Siapa mambawa ku bari 500 ribu

Trio :ulun hakun (taimbai)

Acil usang:(dalam hati) saraf barataan wan duit banyak barabut.. ampun ikam haja mat tahanyar kandaraannya..

Udin:beuh mahapak tihang gardu, mantang mantang kandaraanku yamaha 70, tapi mesinnya handal buntallai (sarik)

(Manjunggingi buyyit amat wan buahannya,himung manang,
Babuattai acil usang wadah amat pas di tangah jalan baingkut acil hahar hahar wadah amat),

Acil usang:napa nih mat pina kanyul kanyul..

Amat:nitu buku undasku compressorrai(sarik)

(Acil usang mangacak ka pakakas amat, bakuciak amat)

Amat:aduuuh cil sakiiit..

(Pas Maladum ban kandaraan amat)

Daaaaaguuuuuuuuuummmm

Amat:,beuh Iyaam maladum bannya

(Mambawa ka bingkil ganti ban wan ucus, tulak pulang maladum pulang ma 6 kali tabawa buntal bangkak, hanyar sampai, di bayari acil usang 500 ribu, bulikai ka pangkalan)

Utuh:wuiih nyamannai cair..

Amat: cair nangapa 6 kali baganti ban wan ucus tabawa balik baras netuh, 900 ribu batukar ban wan ucus haja rugi 400 ribu unda(masam muha)

Udin:hahahaha jara kada gajah di bawa

(Datang pulang aluh handak maujik,barabut trio jaring handak mambawa)

Aluh: kawalah maantar ka handil bakti, barapa yu..

Udin:5 ribu haja

Utuh:wan aku gratis haja ayank aluhai

Amat: selain gratis wan aku bahadiah kipas angin

Utuh:lingunya amat nih handak basaing banar,wan aa utuh haja gratis bahadiah magic..

Udin:wan aa udin haja selain gratis bahadiah tilam wan ubat nyamuk..

Aluh:wan aa udin haja aku babuat

(Tulakkai udin mambawa aluh, pas ada dimuka buahannya bica jalan tangah,palihat udin ada bica wan puhun,di ranjahakan udin kabica,tajungkang barataan

Aluh:beuh sakit pinggangku, kanapa kada mahindar ka higa din..

Udin:kada tabawa kaca mata kaurku,palihatku ada puhun tadi,pina bahimbayang dua..

Tukang bica:bunyuul di tangah jalan mana ada puhun..(Bamamai)

(takajut tukang bica malihat udin nganga nganga)

Tukang bica:beuh tukang ujiknya kaur banar sakalinya..
(Hancap bajauh,aluh baujik kalain)

Udin tarabah saurangan,
Pas ada lina lalu malihat udin rabah, diparakinyaai

Udin:untung ada urang yang handak manulung..

Lina:kanapa pian mang..

Udin:tulungi pang kada kawa bangun.. Taranjah bica tadi..

Lina:ooh amun handak kenalan wan aku no q 082357261..

Udin:(takalipik)curut ikamkah ni lin,aku minta tulung kada handak kenalan, kiyauakan taxi Pick up maantarakan bulik kada kawa lagi aku mambawa kandaraan..

Lina: tapi amun bulik kaina jangan kada ingat mun mau knal'an no q 082357261..

Mangiyau ka taxi silina,singgahai taxi pic up

Supir: ada apa mbak

Lina:Yg mau knal'an no q 082357261..

Supir:(takalipik)ai siapa handak kanalan wan ikam,tadi kanapa mangiyau

Lina:ooh handak promo haja Yg mau knal'an no q 082357261..

Supir: ai bunyulnya bisa apa gerang ikam

Lina:ulun harat manangkap biawak, catat no ulun..

Supir:indaaaaaaaaaaah (hancap manggas bajauh)

udin: mati jua aku ni..(Siup imbahnya)

Bila rajin like wan kumint ku bonusi 2 cerita :1: sambungan kisah misteri nini kulimbit landu part IV wan kisah cinta hanyar nang mendayu dayu judul dirahasiakan dulu ,siapa handak jadi pemeran biniannya

Inggan situ dulu,lawas kada malihat member senior kita ni kamanakah sidin

Penulis

Fendi Ramanda