Kambang utuh diambil urang

Komunitas WawaLuhan

17 jam · 

Bismillaah..kembali findi pop menghadirkan kisah cinta yang mendayu dayu

Kambang utuh diambil urang

Aluh:ka utuh lawas sudah kita bapacaran,pabila pian malamar ulun..

Utu:handak haja pang balakas dingai,tapi dimapa mun ka utuh kada sing gawian lagi..

Aluh:saraba salah pang ka ai,mana kuitan kada marastui hubungan kita lagi..

Utu:basabarai,mun juduh kada kamana jua,ayu kita bulikkan kaina ading di cari kuitan ading..

(Maantarai si utuh imbah sampai di rumah aluh,bamamai umanya aluh)

Uma aluh:ikam ni luhhai masih haja bajalan wan pangangguran ni..

Utuh:ulun maantar aluh cillai..

Uma aluh:mulai hari ini jangan lagi ikam cuba cuba mamaraki aluhku,mun kada kulapurakan ka pulisi ikam..

Aluh:jangan kaya itu ma,ulun cinta wan ka utuh..

Uma aluh:cinta di untal bahimat,handak makan apa ikam,jangankan babaras,dadaknya haja kadada utuh ni baisian..

Utuh:maafkan ulun cil,ulun mimang miskin,tapi jangan jua talalu mahina ulun,cinta itu anugerah Tuhan,datang kapan haja,kaya itu jua cinta ulun wan anak pian,tulus kadada nuda..

Uma aluh:akay akay akay pintar pandir dumpit kusung,bajauh ikam muak aku malihat ikam

Utuh:enggih ulun parmisi cillai..

(Bulik utuh ni,titik banyu mata katuhukan dihina ulih umanya aluh,kada lawas datang amat ba mubil mercy tiger)

Amat:assalamu'alaikuum

Uma aluh wan aluh: wa'alaikuum salaam

Amat:luh aku amat..

Uma aluh:(takajut)akay akay sugih banar ikam matlah wayah ini, bagawi apa lawas madam..

Amat:macam macam dijakarta cillai, mulai mangguyang munas handak maambil amasnya kada sing guguran, mangawani patung salamat datang badiri diatas tugu,manggatar batis takamih kamih kda di gajih urang,sampai dapat duit sakuper,ulun buka tuku di tanah abang,maju suksis iya nang kaya pian lihat ni..(Baagak)

Uma aluh:pa lihati amat,bakas pacar ikam sugih sudah,jauh lalu wan teng banyu si utuh sakit barangnya parai lalu..

Amat:ulun kasini handak malamar aluh cillai,nah duit sakantungan plastik ada 200 juta kaina ulun ulahakan rumah ganal,wan ulun tukarakan mutur bmw sabuah..

Aluh:(lamah dapat banda)mun kaya itu tasarah mama ai..

Mama aluh:iya nang kaya itu,minggu kaina pangantinan..

(Tasabar undangan,hari sabtu datang udin maantari undangan wadah utuh,balaluan lamah lintuhut,cupu kusung badahulu pang)

Utuh:liwar tiga si aluh tu,kada kawaai dinnai inya lantaran aku ni pangangguran..

Udin:basabar haja tuhhai,ambil hikmahnya haja,kita mungkin punya rancana baik,tapi dibalik itu samua rancana Tuhan jauh labih baik,aku gin ditulaknya jua ulih ratna sama pada parai kada sing gawian..

Utuh:ayuai isuk kita kapangantin aluh,imbah ini kita madam haja dinnai ka jakarta,siapa tahu nasib mau baubah..

Udin:uki tuhhai aku satuju..

(Singkat kisah isuknya,pangantinan aluh wan amat batatai,nang uma lihum barait,datang utuh wan udin basalaman)

utuh:selamat matlah ..

Amat:makasih tuhhai (manyengkeng)

(Pas basalaman wan aluh)

Aluh:maaf ka lah ulun mamilih inya,sualnya mama ulun katuju..

Uma aluh:jangan lagi tuhhai mamaraki aluh,inya sudah balaki,wan kada pantas jua ikam baparak,jauh martabat kami wayah ini labih sugih,terpandang bida wan darajat ikam..

Utuh:kada papa cillai,tapi dangar pandiranku,aluh kada akan bahagia sabab inya sudah maingkari janji,wan jua katuhukan aku dihina ulih pian, suatu saat pian pasti manyasal, sudah mangawinakan aluh wan amat,wan mahina banar ka ulun..

(Patir manyambar,padahal hari panas)

Undangan 1:ai kanapa patir manyambar banar, imbah utuh baucap kaya itu..

Undangan 2:utuh tu urangnya alim,panyambahyangan,supan wan urang,baik tutur sapa,dihina banar,bisa jadi dua utuh cagar takabul..

(Cangang aluh wan utuh,titik banyu mata makin daras,banyanyi utuh lagu saleem iklim mimpi yang hilang)

Utuh: kini engkau telah pergi..
Aku sendiri.. Berteman sunyi..
Semoga derita ini..
Takkan terjadi..kedua kali..

Hasratku terbang jauh melayang..
Mimpi yang indah kini telah hilaang.. (Manangis)

(Undangan umpat titik banyu mata malihat kasasadihan utuh)

Udin:ayu tuh kita bulikkan..

Utuh:selamat tinggal aluh..

(Rambang mata aluh mancangangi utuh nang bulik,manangis banar,bulikkan utuh wan udin)

jaman sekarang harta dan tahta masih mampu mengalahkan cinta sejati di pandangan orang orang yang menganggap harta dan tahta adalah penjamin sebuah kebahagiaan

Tapi bagi pemikiran yang mengedepankan cinta, cinta adalah sebuah keutamaan mutlak,harta dan tahta hanya sebuah media pelengkap dalam membangun sebuah kebahagiaan yang hakiki by fendi ramanda

Nang handak kenal wan admin invite pin 22E98625

Penulis

Fendi ramanda