Bismillaah..horor jelang tengah malam, siapkan selimut,bawa ember dalam kelambu gasan bakamih kalu takutan ka jamban ,findi pop mulai bakisaaaaaaah
Umpan belatung (hihihihihi)
Dipos jaga
Amat:jadikah tuh kita maunjun tangah malam ni dibawah puhun kariwaya..
Utuh:uh jalas,manurut habar iwak banyak banar disitu,kita unjuni tangah malam,nyaman isuk makan besar..
Udin:kada papalah disitu tuh,manurut habar,di puhun kariwaya tu ada penunggunya..(Pina pancat)
Amat :justru mantap dinnai,ini yang ngarannya sekali mendayung dua tiga pulau terlampaui,iwak kita unjun,bila ada penunggunya kita minta nomor togel..(Agak kisah wani)
Utuh :beuh liwar mantap,iwak dapat,buntut kana hahaha..(Himung)
(Singkat kisah pas tangah malam tulakan buahan trio jaring babawa unjun wan imbir,hari liwar kadap kadada bintang wan bulan,suasana liwar sunyi,tiba tiba)
Anjing:auuuuuuuuuuung hooooooong guk guk guk guk..(Manyalak)
Burung hantu:krukuk krukuk krukuk..
Udin:(manggatar)kita bulikan haja gin tuh ,hiih ngeri kalu ada hantu..
Utuh:beuh muha haja sangar,wan hantu maka pancat,cuba lihati amat santai haja..
Amat:santaiai aku,cuma jutut pang sudah salawar takamih nah..(Hungang)
Udin:iyakah mat,mun kaya itu sama tu,nah cawaiku basah jua gara gara mandangar suara burung hantu tadi..
Utuh:beuh saraf buahannya nih liwar koncot ,ayu tarus parak sampai sudah..
(Imbah sampai dibawah puhun kariwaya,dipinggiran danau,langsungai maunjunan)
Udin:(manyisit)hahay aku dapat buahannya..
Amat:(manyisit)nahma dinnai,waw iwak kalacingan..
Utuh:(manyisit)hehehe aku dapat iwak papuyu ganal..
(Kada kasisitan buahannya,pas kahabisan umpan)
Amat:beuh habis umpan kita..
Utuh:kacauam rahatan rami habis umpan kaya apa ni..(Bingung)
(Tiba tiba cungul hantu sundel bulung)
Sundel bulung:hihihi ui buahan jaruk kahabisan umpankah hihihi..
Udin:(manggatar)tu tut tuh ada hantu hiih ngeri..(Kabuliyangan)
Amat:(manggatar)akay akay bataring hantunya,nah takamih pulang di cawai..(Hungang)
Utuh:maapa ikam ka sini bus mahaur urang haja nih..(Bakacak pinggang)
Sundel bulung:hihihi pina harat bakacak pinggang bulu katiak malarak hihihihi..
Utuh:(takalipik)akayy mahapak sidin,ditakuni malah mahina..
Sundel bulung:hihihi situ jua sumbung,ujarku habis umpankah ikam jaruk..(Mata manciling)
Utuh:banyak pandir sudah tau nanya..
Sundel bulung:hihihi,nyawa handak umpankah tuh ,nah ambil hihihihi..(Babalik,bahambur dibalukuk belatung)
(Amat wan udin,sama sama jutut salawar baragapan banar pancat badadua)
Amat:homaa ngerinya belatung bo..(Kabuliyangan)
Udin:akay akay akay kariwitan belatung di balukuk..(Liwar pancat)
Amat:uway uway uway,balubang balukuk,balukuk mudil tahun 2014 kah tu pina bahulat hiih ngeri..(Pancat)
Utuh:hehehe pas banar datang maantari umpan,minta saikung..(Maambil ke belatung,dikait ka umpan)
Amat:(takalipik)gilanya utuh wani banar maambil belatung gasan umpan, hiiiih ngerii banar..(Pucat bibir manggatar)
Udin:uway uway uway kada sanguup aku,braak...(Siup balaluan)
Amat:beuh siup udin,kacau banarram..
Utuh:(kada lawas manyisit)yihaa dapat nila ganal,siip umpannya..(Himung)
Sundel bulung:hihihihi,kaina bagi iwaknya tuhlah hihihihi..
Utuh:beuh handak jua, hanyar saikung mambari belatung,minta pulang nah..(Manjuhut pulang ke belatung)
Sundel bulung:hihihi wani banar saikung ni kada takutan lalu wan unda tapi ku suka ku suka hihihi..
Amat:(takalipik)beuh hantunya gaul,pakai gaya di tv,saraf lalu utuh tu,maunjun iwak, belatung sundel bulung di pakai umpan...(Takicing)
Utuh:beuh iya am,takait kawatnya..
(Jungging junggung buyyit utuh manjanaki kawat nang takait,kada lawas takantut)
Utuh:(buyyit)tuuuuut atuuuuuth buush..
Sundel bulung:saraf bakantut bidawang ni,baaaaak..(Maninjak di buyyit)
Amat:(takalipik)akayyy maninjak sidin..
(Tacabur utuh ka banyu,imbah itu badiri ngaran kada tapi dalam,bamamai)
Utuh:lingunya hantu ni,kanapa maninjak buyyitku..(Sarik)
Sundel bulung:hihihihi nyawa nang lingu,bakantut dihadapan unda,tataguk kantut nyawa sabigian iwak pintittai hihihi..
(Banaik utuh,mamaraki kesundel bulung)
Utuh:hehe,maaf yanglah sudah mangantuti ikam..(Mancium kening)
Sundel bulung:(takalipik)akayy mancium sidin,nyawa kada takutankah jaruk wan aku,aku ni hantu hihihihi..
Utuh:akay akay kapapanjangan gigi,ditatak gigi ni nah kaya apa ikam bamamakan ha..(Manarik ka taring)
Sundel bulung:adu du duh tuh tut tuh akit tuh,curut kanapa gigiku ditarik ..(Kuciak kuciak)
Amat:(takalipik)gilanya utuh,waninya pang manarik ka taring,saraf jua hantu nang kuciak kuciak,beuh iya am takamih pulang di cawai..(Basah pulang salawar)
Utuh:uma uma uma,kapapanjangan kuku,sudah hirang panjang pulang,handak jadi apa ikam,paaaak..(Manapak tangan sundel bulung)
Sundel bulung:(takalipik)adaaw,sarafnya ditapaknya tanganku asli lingu..
Utuh:ai tu ada iwak timbul ganal banar..(Manunjuk)
Sundel bulung:iyakah tuh,mananya tuh..
(Jungging jungging buyyit malihati ka banyu)
Utuh:diparaki malihat tu,baaaak..(Manyipak)
(Tacabur ka banyu hantunya di sipak utuh di buyyit)
Amat:(takalipik)akayy gilanya utuh waninya manyipak..
Sundel bulung:(batimbul,badiri)sarafnya kanapa maninjakku..
Utuh:hahaha,gantian bussai,lek kita gkgkgk..(Mangakak)
Sundel bulung:awas ikam ku igut nyawa..(Banaik)
Utuh:ayu mat hantunya sarik,lakasi kita bukahan..
Amat:hadangi tuh tampulu inya dibanyu,(Mandatangi katabing)ui bus umpat betakunlah nomor buntut isuk berapa nang 4 angka..(Hungang)
Utuh:(takalipik)curut batakun nomor sakalinya,salawar jutut dikamihi wani haja batakun..
Sundel bulung:hihihihi handak tahu nomor buntutkah,itungi belatung di balukukku hihihihi..(Bapaling awak di banyu)
Amat:hiih ngerii raja belatung,tuh ayu lakasi,uma bilang kada kawa bukah batis manggatar,udin siup pulang..
Utuh:ayu kita sahan udinnya,uma uma uma din liwar hancing,takamih di cawai,lakasi mat..(Takarusut muha)
(Bukahan mancincing sambil maangkat awak udin,banaik hantunya)
Sundel bulung:(takalipik,naik ka tabing)beuh saraf bukahan inya,awas ikam kubalas kaina hihihihihi..(Bahilang)
(Lek jar utuh ganti sipak,kawa haja diakalinya sundel bulung ulih utuh)
(Jangan lupa yang merasa membacai kisah ini like wan kumintnya,biar jadi motivasi buat kami untuk menghadirkan kisah kisah menarik gasan mahibur pian,sebagai tanda terima kasih dan saling menghargai)
(Yang copas mun handak ridho ikhlas penulisnya, copaslah dengan menyertakan sumbernya dari komunitas wawaluhan dan penulisnya fendi ramanda,selain ikut membesarkan kowa ,dan juga menghargai penulisnya)
Buat member hanyar met gabung haja di kowa
Penulis
Fendi ramanda
0 komentar:
Posting Komentar