Utuh kana pelet nini kulimbit landu

Komunitas WawaLuhan

23 Desember pukul 17:36 · 

Bismillaah.. Findi pop hadir mambawa kisah

Utuh kana pelet nini kulimbit landu

(Utuh dikenal dikampung sebagai lalaki playbuy)

Amat:tuh ikam ni banyak banar baisi pacar,aluh,ratna,mega,ikam pacari barataan,gasan unda pang mana..

Utuh:kada kawaai mattai muha aktor kaya unda ni banyak nang tahambur,tapi acil usang masih jomblo mattai hahaha

Amat:beuh kuda nil netu disurung..

Udin:gaya utuh ni muha aktor jar,buahannya narai turun pada rumah kada babacaan jadi kana sial handak wan ikam gkgkgk

Utuh:akayyy mahapak sidin,akui ha mun parai parai buahan ikamni,minggu kaina aku nikah datangilah..

(Singkat kisah parsiapan handak nikah utuh,datangan buahan binian nang handak)

Aluh:liwar tiga ikam ni tuhhai,imbah ikam pacari, duitku habis wan pipi bilang lisit, ikam nikah wan nang lain, aku kaciwa tuhhai aku kaciwa..(Marungkup manangis,imbah tu bulik)

Ratna:dasar lalakian gila,buhaya darat,bajanji wan aku sakalinya kawin wan nang lain,kaciwa aku ni liwar kaciwa..(Bukah jua)

Mega:(bak manyipak)dasar lalaki palaybuy ikamni..(Hancap bajauh)

Utuh:aduh manyipak sidin,untung kada pacah kalabunganku..(Mamusut ka pakakas)

(Diantarrai utuh ni ka wadah babiniannya,imbah sampaitakalipik amat,wan udin imbah malihat babiniannya)

Amat:akayy nini kulimbit landu sakalinya nang cagar jadi bini utuh hahaha..

Udin:haw kanapa kisahnya ni hahaha utuh kana batunya..

Utuh:(imbah malihat nini)tiara sayang,akhirnya kawin kita..

Nini kulimbit landu:(tatawa mangkilat gigi amas)enggih sayanga..(Kijil)

Amat:(makin takalipik)akayy kaurkah mata utuh ni yu..(Bingung)

Nini kulimbit landu:badidiam ha utuhnya unda pelet sudah,handak unda peletkah jua ikam..

Amat:brrrr indah aku..(Kabuliyangan)

Udin:kajadian utuh ni liwar baungan iya tapilih nang bangkung..

(Imbah nikah malam pertamaai)

Utuh:(mancium,takalipik)akayy kanapa tiara muha ikam pina landur..(Hungang)

Nini kulimbit landu:aku bamasker sayangai..

Utuh:(dicium utuh bibir)akayy kanapa ni pina ada kulipak bibir..

Nini kulimbit landu:uuh aku ganti kulit sayangai..(Liwar hungang)

Utuh:umaa kaya kulit sawa anihnya lah..

Utuh:(maragap)haww rasa kada maragap awak,mudil taragap gaguling kada bakapuk..(Hungang)

(Babacaannai utuh ni minta perlindungan Allah,rupanya balaluan hilang kakuatan ilmu pelet nini,sadar)

Utuh:hah baapa ikam disini ni..

Nini kulimbit landu:kita sudah nikah sayangai..

Utuh:(baak manyipak)nikah sana wan batang puhun,kada sudi aku..(Hancap bulik)

Nini:(manggarung manangis)huaaa huaaaa utuuuuh kanapa kau tinggal aku,sadih aku tuhhai,kaciwa aku sungguh aku kaciwa huwaa huwaa...

Akhirnya esoknya utuh maumumakan perpisahan,nini kulimbit landu langsung madam kasusupanan,utuh kada sing pacaran lagi babulik pulang bagabung wan timnya trio jaring

Pesan:
dirikan jalinan cinta tulus dan sewajarnya,sebab bila dimulai dengan sesuatu yang kada wajar,pasti akhirnya berantakkan..

Senantiasa minta perlindungan wan Allah supaya segala macam marabahaya dijauhkan..

Yakinkan jodoh itu pasti diberi oleh Allah,jangan melakukan sesuatu yang syirik

jangan terlalu banyak pilihan dalam hal jodoh yakinkan haja bahwa dia yang terbaik,kada perlu mancabang kasana kamari,katuhukan mamilih tapilih nang bangkung

Fendi ramanda