Utuh utak abunawas

Komunitas WawaLuhan

21 Desember pukul 16:24 · 

Bismillaah..findi pop hadir membawa kisah,pemanasan dulu..

Utuh utak abunawas

(Rahatanh asik baruku dihalaman rumah pa rt malihat utuh bajalan)

Pa rt:ui tuh sini ikam..

Utuh:haw ada apa pa rt..

Pa rt:kita batangguhan, aku handak mambari ikam duit sajuta,tugas ikam cariakan hintalu ayam laki bawa kamari,kaina warga saksinya,bila lain nang ikam bawa,bulikakan duitku sajuta,wan buyyit ikam ku tinjak sakali...

Utuh:(dalam hati)beuh kadada gawian lalu handak mangalahakan aku kisahnya nih , Ukii pa rt tapi mun pian kalah,salain duit sajuta gasan aku,kaina di hadapan warga pian cium nini kulimbit landu ,sini duitnya dulu..

Pa rt:(takalipik,dalam hati)xixixixi bahayal manang hantu ni, ukii bila aku kalah, kucium ka dua pipi sang legend, nah duitnya jam 4 sure datangi karumahku bawa hintalunya..

Utuh:yoi cooy,hahay cair pulang aku..(Sambil bulik)

Pa rt:beuh cair satumat ikam,kaina bangai jua...

(Surenya pa rt wan bininya mahadang wan buahan warga,datang utuh linjang linjang wan nini kulimbit landu)

Utuh:hahay i am coming..

Nini kulimbit landu: mudahan kalah pa rt,cagar dapat ciuman dari pejabat ni hehehe

Warga:gerrrrr hahahaha

Utuh: nah pa rt hintalu ayam laki nya.. (Manjurung)

Pa rt:(mangakak) hahaha lain ni,mana ada ayam laki bahintalu..

Warga:beuh netu hintalu ayam ras bini..

Warga 2:asli pangaramput banar utuh..

Pa rt:ayu bulikakan duitku,wan siap2 ku tinjak di buyyit..

Utuh:sabar pa rt ,itu mimang hintalu ayam bini,tapi aku nukar wadah abah ijum,lakian kalu abah ijum,nah artinya hintalu ayam lakian panjualnya, disingkat hintalu ayam laki,lain pian manyuruh mambawaakan hintalu nang kaluar dari buyyit ayam laki maka bujur kalaham aku..

Warga:(takalipik)ai iih bujur jua jar utuh..

Pa rt:akayy beuh kanapa utuh nang bujur buahannya..(Biingung)

Warga 2:pian nang salah mambari tugas,mestinya cariakan hintalu ayam nang kaluar di buyyit ayam laki,lain hintalu ayam laki artinya nang bajual lalakian..(Hungang)

Pa rt:beuh iyaam kalah lah aku ..(Lamas awak kalah utak)

Nini kulimbit landu:sudah pa rt,biar kalah tapi dapat pipi artis ,nah pipinya..(Manyurung)

Warga:gkgkgkgkgk..(Tumbur tatawaan)

Pa rt:(takalipik) beuh artis jeyy,paksa ai nah ma embat,emuaaach..(Mancium)

Nini kulimbit landu:hahay dapat ciuman,homa pa rt muntung bau bala..

Pa rt:(takalipik) beuh curut manyambati urang, pipi saurang bau kapur barus..(Takicing)

Warga:gerrrrrr hahahaha..

(Mangakak tatawaan warga wan utuh,manciling bini rt)

Bini rt:(manjinjit katalinga) gagilaan lalu kalakuan,duit habis,mancium binian pulang dihadapanku,sabulan parai ma adon kada ku barii...(Sarik)

Utuh:hahaha sikat nini kulimbit landu haja pa rt ai gkgkgkgk..

Nini kulimbit landu:iwak karing iwak pada..aku ni apa ada,pasrah haja...

Warga:gkgkgkgk..(Mangakak)

Pa rt:beuh pancangan karacunan dapat nang espait, kada manyangka maka aku nang kalah,duit lingai maadon parai lalu mauk..(Gagarunum)

(Mangakak tatawaan barataan,niat pa rt
handak maakali utuh,tabalik saurang parai )

- catatan : jangan pernah meremehkan kemampuan urang, sebab kita kada tahu bisa jadi inya lebih baik dari kita, asa saurang pamintarnya sakalinya saurang kadada apa apanya ,seperti kisah di atas

(Kisah episode terakhir cintaku kaya karacak hayam insya Allah akan ulun posting malam kaina,sudah ulun siapakan)

di rajini like wan kumint sebagai motivasi buat ulun, kita rindu postingan admin oyok, admin boy, admin fdj, mudahan beliau diberikan kemudahan segala urusannya wan mau kembali lagi bakisah di kowa, ulun pribadi haja dandaman postingan admin oyok sebab kisah beliau cetar membahana, admin oyok inilah yang pertama kali memasukkan ulun gabung di komunitas wawaluhan dan memintanya ke admin boy

Penulis

Fendi ramanda