Hatiku asa di karukut bidawang part V

Komunitas WawaLuhan

8 Desember

Bismillaah.. Kembali findi pop hadirkan kisah cinta yang mendayu dayu

Hatiku asa di karukut bidawang part V

(Pas kaluar utuh,pakai kacamata,baju hanyar,salawar livis,sapatu kulit, super gagah,tanganga barataaaaan)

Aluh:akay akay akay siapa lakian tu liwar gantang..(Maigut jarigi)

(Ratna nang rahatan baganggaman tangan wan udin,pas mancangangi kada sadar maigut tangan udin)

Ratna:(takalipik)homaaaa ckckck liwar bungaaaaaas,hmmmm..(Bahimat maigut)

Udin:(takuciak)adaaaaaaaaw,gila ratna nih tanganku di igut..(Masam muha)

Ratna:(takalipik)akayy,iyakah yang hehe,sorry beibh,gara gara tarpasuna pang wan lakian tu..

Udin:beuh curut,tapasuna jar, wan aku ni pang kada tapasuna lagikah..

Ratna:pian tu yangai kakaya iwak masin,kakaya itu pang awitnya..

Udin:(takalipik)pacar saraf, aku maka di samaakan wan iwak masin..(Cemburu)

(Baparak amat wan utuh,cangangan buahan mahasiswi)

Amat:ai kanapa pina nganga ngangaan nih..

Ifah:ubuy ubuy ubuy,kalalangkaran rupa,ui mat siapa kawan ikam tu,kanalakan pang wan aku hahay..(Pina ungah)

Aluh:jangan hakun mattai,nang cucuk tu aku nang langkar ni nang di kanalakan,sualnya pas jadi pasangan..(manyurung)

Ifah:(takalipik) pas nangapa,babaya langkar netu,sudah kada pamandi pangantutan pulang xixixixi..(Mahapak)

Aluh:(takalipik)beuh mahapak kalabungan nih..(Sarik)

Amat:kadada nang cucuknya buahan ikam ni..

Aluh:(takalipik)akayy pina musti amat nih..

Ratna:berarti akulah mat nang cucuk..

Udin:haw kanapa umpatan manyurung jua rat,aku pang di ulah apa..

Ratna:amun lakian bungas tu hakun wan ulun yangai,pian jadi jarukkai,kada usah lagi mengharap daku..

Udin:(takalipik)beuh curut,handak dijaruknya aku..(Masam muha)

Amat:hahaha,nang kaya itulah din,nang ikam sayangi,ui buahannya ikam tahulah siapa lakian ni..

Buahannya:(baimbai)kadaaa..

Amat:ini utuh,nang sudah habis habisan buahan ikam hina,ditawa akan bahimat karna penampilannya nang sangat kekurangan..

Aluh:(takalipik)beuh iya garang mat,jauh lalu..

Ratna:nyata banar lain,raja jua amat ni..

Udin:jalas aku kada parcaya mattai..

Amat:ayu tuh,buka kaca mata ikam,wan lihatakan kartu mahasiswa ikam..

(Mambuka ai ka kacamata)

Utuh:haii apa habar samuaan,aku utuh,dan ini kartu mahasiswaku,dulu rambutku gundrung,ini sudah ku tatak,penampilan sudah kuganti samuaan..

Buahannya:(baimbai)apaaaa..

Ifah:ai iih ini utuh jua ai,aku pinandu ada tahi lalatnya di bibir,wew wew liwar jauh tuhhai panampilan ikam wan nang dahulu,umung umung mobil sport netu ampun siapa tuh..

Utuh:alhamdulillaah,Allah beri rejeki wan aku hingga kawa mamiliki mobil mewah..

Aluh:ckckck,amun ini tuhhai,aku mauai jadi pacar ikam..(Hungang)

Ratna:kada kawa, aku nang cucuk jadi pacar utuh..

Udin:(takalipik)beuh aku pang rat di ulah apa..(Pina maras)

Ratna:parai ikam dinnai,ampihan kita,mulai hari ini kita putus..( Mamutusi)

Udin:(takalipik)waduuuh diputusinya aku..(Takicing)

Ifah:jangan pina mambala ha kalakuan luhhai,rattai,jalas jalas buahan ikam sudah rancak mahina utuh,maka handak pulanglah, aku nang cucuk..(Manyurung jua)

Aluh:haw jangan bapiragah kabubungasan ha fahhai..

Ratna:tahu ifah ni, kisah cucuk cucuk, napanya nang cucuk,bulu katiak ikam cucukkai sama pada barumbai wan ampun utuh..

Udin:xixixixixi..

Utuh :waduuh pina kacau napa nih..

Ifah:gilanya,manyambatiku,ciaaaat.. (Marungkup)

Aluh:akay aduh aduh rambutku ditariknya..(Tapalingur gulu ditarik ifah bahimat di rambut)

Ratna:tanang luh,ku bantu,hiiaat.. (Manyarang)

(Balaluan bagudar,bakacakkan rambut,tahambur sing banyakkan nang malihat,datang dosen maya)

Dosen maya :uiii ampihan ampihan..

(Ranai balaluan,rambut pina tahambur, manggah imbah bagudar)

Mahasiswa:gerrrrrrr hahaha..

Dosen maya:napa nang dirabutakan,bagudar papadaan..

Aluh:biasa bu, marabutakan kekasih idaman..

Ifah: buahannya bu ai,kada terima wan ulun nang saling mancinta wan utuh..

Ratna:buyyit fahhai,kadada lagi calun nang kuat selain aku ni..(Kada handak kalah)

Dosen maya:utuh nang mana..

Aluh:nih utuhnya..

(Cangang dosen maya)

Dosen maya:(dalam hati)subahanallaah, pria idaman nang ku cari ni..(Mandam cangang)

Ratna:kaya apa wajarlah kami bagudar barabut utuh..

Dosen maya:(kalapasan)kabubungasan rupa ,mun ini wajar banar rattai..

Ratna:iyakah ayu luh lanjut,ciaaat.. (Manyarang ratna)

Aluh:iyakah,ayu hiaaat..(Sama panyakit)

Ifah:(takalipik) beuh gilanya,manggudar kada bahabaran,ayuai ku tahani..

(Bagudar pulang buahannya)

Dosen maya:(takalipik)ai ai kanapa bagudar pulang,ampihaaaaan..(Bakuciak)

(Ranai pulang buahannya)

Dosen maya: ibu maklum haja mun buahan ikam marabutakan utuh nang ganteng ni,tapi di takuni dulu utuhnya handak wan siapa..

Ratna:nyata ai utuh mamilih aku, aku kan suah di taksirnya..

Aluh:beuh kapidian ikam rattai, jalas jalas utuh jatuh bangun wan aku ni..

Ifah:jangan tapi gi ir cingurrai,nyata aku ni cinta terpendamnya utuh..

Dosen maya:sudah sudah,kita takunakan haja langsung, tuh siapa diantara ba tiga ni nang ikam taksir..

Utuh:hmm kayaknya kadada pang bu ai..(Jual mahal jaguannya)

(Kaya siput di pais kasusupanan aluh,ratna, wan ifah mandangar pangakuan utuh)

Aluh:(takalipik)kada salah dangarlah aku tuh,maka dahulu ikam sampat handak wan aku..

Utuh:iya tapi imbah sadar,bahwa ikam bukan yang terbaik buat aku,maka impian bersama ikam sudah ku patahkan luhhai..

Aluh:(takalipik)waduuuh parai aku..

Amat:hahaha rasain luuuu..(Mangakak)

Ratna:ka utuh,jangan palingkan lagi tatapan ka utuh gasan urang lain,sebab dihadapan pian wanita yang pantas buat pian kini mengharap dekapanmu..

Mahasiswa:so sweeeeet..

Utuh:maaf rat,ikam tu terlalu sempurna bagi aku yang jauh dari sempurna,untuk itu aku kada pantas mencintai ikam rat..

Ratna:oh lebih dari pantas ka,lupakan yang sudah sudah..

Utuh:kesalahan ading sudah kada aku ingat lagi,tapi untuk kembali mencintai ading, aku rasa kadada minat lagi, i am sorry see good bye..

Ratn:(takalipik)uuuh ramuk hatiku,jurang mana jurang, aku handak batajun liwar kasusupanan..

Amat:hehe imang inak..

Ifah:kalo kaya itu aku lah tuh yang pantas..

Utuh:hmm,kada kayaknya..

Ifah:(takalipik)homa homa asa ditapas muhaku,batu bata mana batu bata aku handak mancatuk kapalaku,kada sanggup lagi hidup mun kaya ini..

Mahasiswa:gerrrrr hahahaha..

Udin:kisah jual mahal,kabanyakan gaya tuhhai ikam tu,siapa jua nang handak,bagus di casing haja dalamnya parai..(Mahapak)

(Kada lawas datang mobil sedan mewah,turun binian liwar bungas,marma manjanaki barataan pulang)

Siapakah binian netu, dan siapa yang akan di pilih utuh, nantikan kisah terakhirnya hanya di kowa

Mun di katujui haja kusambungakannai pulang, ini tergantung like wan kumint pian

Maaf banar sanaklah barataan,terlambat ulun posting lanjutan kisahnya,sualnya ulun liwar auran

Pesan:nasib manusia itu kadang di bawah kadang diatas, bila kita merasa diatas jangan sombongkan diri tetaplah rendah hati,bila kita ada dibawah bersabarlah

Penulis

Fendi ramanda