Patah hati

Komunitas WawaLuhan

7 April · Disunting

Bismillaah.. Fendi pop action

Patah hati

Disekolah mawaluh

Amat:Tuh tuh..dikalas sabalah ada murid hanyar ungas anai

Utuh:siapa ngarannya mat..

Amat: yuniarti jar udin..

Iyakah kita malihati nah kakalasnya

(Tulakkan utuh ka kalas sabalah,pas utuh malihat)

Utuh:akay akay ini mattai nang ngaran purnama merindu tu liwar bungas..

Bu guru:ehm ehm baapa ikam di situ mat,ikam jua tuh baapa disitu..

Utuh:ulun handak malihat cahaya yang labih indah dari palangi,ratunya dari sagala kacantikkan..(Mata manyririt)

Buguru:siapa nang ikam maksud tuh, aku kah tuh,hadangi dulu manambahi pupur nah kalu makin bungas panilaian ikam..(Bapupur balaluan)

Utuh:mun pian tu buai biar bapupur sabalik tatap muha kaya papan tulis, maksudku si yuniarti tu nah..

Bu guru:beuh saraf lalu mahapak sakalinya..

(Cangang yuniarti wan utuh)

Utuh:subahanallaah luar biasa penciptaanmu Tuhan..

Yuniarti: ada apa ka.. Adakah didiri ulun yang mangusik hati pian..

Utuh:kada dingai,tapi dari kecantikkan pian,bertambah takjub ulun wan kebesaran Tuhanku Yang Maha agung

Amat:beuh utuh ni sambahyang aur parai,kisah alim banar (mahapak)

Utuh:mungkin aku ni banyak dusa mattai,tapi kada bulihkah aku mamuji Tuhanku dari kaindahan yang ada dipandanganku..

Bu guru:akay akay pintar sakalinya utuh ni,bujur haja 2 tahun kada naik sakulah tapi bamula baakal..

Utuh:beuh maambung imbahnya mahampas ibu nih..

Bu guru:sudah sudah bajauh sana,mahaur kakanakan balajar haja nih..

(Bajauhan utuh,tapi imbah batamu yuniarti kada karuan rasa utuh disakulahan)

Bu guru ipat:ui tungau kanapa ikam malamun..

Utuh:(banyanyi) matanya duhai tajam sakali,manusuk jauh kalubuk hati..

Bu guru ipat:tuh tuh,jangan marayuku pang aku indah..

Utuh:(takalipik)beuh siapa nang marayu pian nang kaya pampijit tu..(Mahapak)

Bu guru ipat:lingunya manyambatiku, kaluar sana..

Kaluar utuh pas diluar kalas malihat yuni bajalan datang di wc ditagurnyaai

Utuh:datang di mana pian..

Yuni:pipis ka ai,pian kanapa diluar (duduk dihiga utuh)

Utuh:(kada karuan rasa)sangaja dingai,imbah malihat pian tadi,hati kaka asa handak batamu ading tarus..

Yuni:hehehe ka utuh bisa banar..

Utuh:Kada salah kalu ding mun kaka mengagumi wanita yang secantik dewi, mampu menjadi penawar dari segala lara..

Yuni:enggih tapi jangan balabihan ka ai,ada yang harus pian labih kagumi, Dialah yang menciptakan ulun, sebab Tuhan itu abadi sedang ulun kada,ulun kakalas dulu ka utuhlah..

Utuh:ini hanyar binian nang mantap..

Kada lawas kaluar amat wan udin

Utuh:kanapa buahan ikam kaluaran

Amat:aku tadi pas mancium aluh,ibu malihat disuruh kaluar aku..

Udin:mun aku gara gara tatawa banar malihat amat disariki timbul kana jua..

Utuh:haha iyakah,aku tadi buahannyaai hanyar bapandiran wan yuni tadi..

Amat:beuh iya garang tuh..

Utuh:asli bujuran,isuk aku disuruh jadi tukang baca puisi di acara hari jadi sakulahan kita..kaina aku bapuisi gasan yuni..

Singkat kisah isuknya acara pesta hari jadi sakulahan utuh, mc bakiyau..

Mc:selanjutnya pembacaan puisi yang akan dibawakan oleh utuh dengan tema pendidikan di sekolah..

(Majuai utuh liwar gaya)

Utuh:puisi ini saya persembahkan buat yuniarti..(Manyirit mata ka yuniarti)

Kapala sakulah:hah pinanya siwah judul puisi utuh ni (bingung)

Mambacaai utuh ka puisi

Wahai sang dewi..
Tempat bertahtanya segala keindahan..

(Takalipik buahan guru wan murid mandangar)

Kapala sakulah:ui tungau puisi tema pendidikan kanapa ta ka dewi..

(Makin banyaring)

Utuh:Wahai sang dewi..
Tempat bertahtanya segala keindahan..
Ijinkan aku menyelami hatimu..
Akan kutempatkan mutiara cintaku didasar hatimu yang terdalam..

Kelak..
Aku ingin membawamu terbang kelangit biru..
Untuk bersama berbulan madu disana..
Kita jadikan gumpalan awan..
Sebagai ranjang cinta kita..
Untuk memadu kasih disana..

Matamu yang indah..
Akan kukecup lembut penuh kasih..
Kan kubisikkan satu kata..
Aku mencintaimu..

(Baampikkan buahan murid,si yuni senyum-senyum mandangar puisi utuh

Amat:raja pusi utuh ni

Kapala sakulah:raja nangapa,saraf lalu ikam ni tuhhai urang tema pendidikan inya kisah cinta..

Utuh:kada kawaai pak ai ngaran sowang lagi jatuh cinta..(Mambahas)

Yuniarti:ka utuh, maaflah bukannya ulun kada handak wan pian,tapi jujur ulun sudah baisi pacar..

Mandangar pangakuan yuni,siutuh ramuk hati,asa di cucuk pakai alili banyala mata utuh,kadap bakunang kunang imbahnya siup kada sing bangunan

Amat:beuh kacauam,siup sakalinya utuhnya..

Udin:ini nang mauk,kita pulang mattai nang sakit manggindung utuh bulik karumah

Harapan putus di jalan ,utuh siup kada sing bangunan

Inggan situ dulu sanakkai

Penulis

Fendi ramanda