Kambang bangsawan part III

Komunitas WawaLuhan

9 April · Disunting

Bismillaah..kembali findi pop menghadirkan kelanjutan kisah cinta utuh di kisah kerajaan yang lucu dan menyentuh,kisah pengantar guring,yang hadir di beberapa episode,yang kada katuju kapinggir satumat

Kambang bangsawan part III

Sesampainya di istana, takajut berataan malihat prajurit baju kada mangaruan tampuh,nang saikung hibak gincu

Prabu udinniyee:apa Apaan tu..

Mahapatih ki ijum:(takalipik)wayoo bus kana kurban iklan jaja miharja..

Prabu udinniyee:(takalipik)dasar patih saraf,aku ni lagi sarik dihapak,kada ampih ampih jua lagi bakiyau buus,ayu push up sana 200 kali..

Mahapatih ki ijum:(takalipik)beuh iya am,kada ingat haja ih,sakit banar baisian nasib aur push up haja baumuran..(Push up,unggat unggat buyyit)

Prajurit 1:xi xi xi xi..(Mangalikik)

Prajurit 2:uma patih,netu buyyitkah lapangan trombolkah liwar lepeh hahaha..

Prabu udinniyee:diaaaam,mangakak tatawa,itu kanapa jadi rabit baju hah..

Prajurit 1:anu prabuai,habis di dibarubut paksa balu,tapi balunya tacut liwar ganal awaknya,tumpilnya haja di paha akay akay sing gadukkan ,untung aku kawa manyalamatkan diri..

Prajurit 2:amun ulun prabuai habis muha di ciumi nini..

Mahapatih ki ijum:hahahaha pret prepet pet pet..(Tatawa sambil takantut kantut,maka lagi push up)

Ratu aluhyihaa:dasar lingu babanaran takantut pulang sidin,untung jauh wan kita kanda ai..

Prajurit 1:situ jauh,aku maka am tataguk sabigian,beuh liwar sangak tulin bau bala kantut...(Bapicik hidung)

Prajurit 2:teorinya mudah haja dipecahkan kenapa kantut patih bau bala lain dari biasanya,sidin yang mamiliki buyyit kimpus,rahatan push up antara kulimbit wan tulang saling bergesekan,sehingga menciptakan aroma yang liwar kada sedap..

Mahapatih ki ijum:(takalipik)dasar prajurit satriss,atasan dihapak,kisah pintar padahal nganga..

Prabu udinniyee:sudah sudah,beuh baunya lambat laun kaciuman jua ai sampai kasini...(Bapicik hidung)

Ratu aluhyihaa: ai iih huwaaah huwaaaah liwar kalat..(Bapicik hidung)

Prabu udinniyee:cuba patih,buyyit tu di dampul ampih tu babau sangak gkgkgkgk..(Mangakak,sambil bapicik hidung)

Mahapati kiijum:(takalipik)bujurai ampih bussai,tapi kampap dapatnya ampun sowang..

Prabu udinniyee:sekarang jelaskan apa yang sudah terjadi prajurit,kenapa sampai buahan ikam ta karumah balu..

Prajurit 1:kami sudah diakali pemuda kampung nang raja rebeh pulang urangnya, yang handak wan putri syahira,jadi buahannya bibas pacaran,rahatan kami ka rumah balu..

Prabu udinniyee::(takajut)apaaaaaaa,bujurkah itu anakku,dayang mitha bujurankah..

Dayang mitha:dustainya prabuai..

Prajurit 1:amun ulun badusta prabuai,kaina ilat ulun hari kiamat di tatak malaikat..

Prabu udinniyee:jawab putriku,ayahanda kada handak anak ayah badusta...(Liwar sarik)

Putri syahira:ampun beribu ampun ayah,semuanya benar,takdir Tuhan yang telah mempertemukan kami,apa mau dikata..

Prabu udinniyee:dasar memalukan,mulai hari ini ikam kada bulih lagi keluar rumah,prajurit tangkap pemuda itu dan bawa kesini,mahapatih ki ijum bantu mereka..(Liwar sarik)

Mahapatih ki ijum:baik gusti..

(Tulakkan buahannya kakampung utuh wan amat pas tatamu)

Mahapatih ki ijum:(dalam hati)muha buahannya ni pina lucu kaya kimus,wan pina nganga kawa haja di akali..

Utuh:ada apa ni mancari kami..

Amat:pasti handak babagi numur buntut ni,muhanya lucu banar kaya lalampahan hahaha..

Mahapatih ki ijum:(takalipik)curut dihapaknya aku,buahan ikam badua umpat kami,prabu senang banar ikam jadi pacar putri syahira,dan ikam balik sardin prabu katuju banar ikam jadi pacar dayang mitha,ayu lakasi iringi kami,kami handak mangawinakan buahanmu..

Amat:yes yes babini judulnya,hahay ayu tuh..(Himung)

Utuh:wew kabar bagus,ukiiii..

Prajurit 2:(dalam hati)raja jua kimpus tu maakali,kada percuma diangkat jadi mahapatih..

(Tulakkan buahannya,imbah sampai)

Prabu udinniyee:bagus bagus,hibat jua patihni,kawa manangkap dengan mudah,pemuda kampung ni..

Amat:hah manangkap kami,maka handak mangawinakan kami jeyy..

Prabu udinniyee:bungas kalu,muha kaya gayung jamban,prajurit kurung buahannya ni,isuk kita hukum hambat buyyitnya 500 kali di lapangan bula..

Prajurit 1:(takalipik)maaf gusti,ini jaman kerajaan,yang bujur di alun alun..

Prabu udinniyee:pimpinan di lajari,tahu aku kalu pada ikam,amun kusambat bujur kada waluh ngarannya..

Mahapatih ki ijum:hehehe bujur sekali,makanya kerajaan ini di beri nama kerajaan wawaluhan,mandangarlah lipas bantat..

Prajurit 1:(takalipik)saraf lalu,dipadahinya lipas bantat,iya patih,ayu muha balang tauman umpat kami kepenjara..

Utuh:putri,sekalipun badanku dikurung 1000 tahun,namun hati ini tatap cinta wan putri,sekalipun kita tapisah jauh,namun aku tatap merindukanmu..

Putri syahira:(menangis)uh ka utuh hiks hiks..

Amat:dayang mietha,biarkan iwak julung julung ni memenjarakanku,namun hatiku akan selalu bersamamu,karna aku mencintaimu sayang..

Dayang mietha:uh ka amat i luv u full..

Prajurit:ayu ikut kami,kaina amun handak basajak,dalam kurungan..

(Dibawanya buahan utuh wan amat kepenjara)

Putri syahira:ayahanda,lepaskan ka utuh wan ka amat,mereka kada bersalah,pertemuan ini sudah menjadi takdir Ilaahi..

Prabu udinniyee:kada kawa,mulai hari ini,ikam wan dayang mietha kada bulih kemana mana lagi,dinda bawa mereka kekamarnya..

Ratu aluhyihaa:iya kanda..

Putri syahira:ayah kada kawa memaksakan kehendak ayah,yang jelas jelas pertemuanku wan ka utuh adalah takdir Allah Yaa robb, ayahanda..

Prabu udinniyee:aku adalah raja,akan kutentang takdir itu,akan kulawan takdir itu..

(Mendadak patir menggelegar,kesombongan prabu udinniyee rupanya sudah melampaui batas)

Begaimanakah cerita selanjutnya,bagaimana nasib utuh wan amat,dan konflik apa yang akan terjadi lebih dahsyat,nantikan episodE selanjutnya

Penulis

Fendi ramanda