Karindangan

Komunitas WawaLuhan

14 April · Disunting

Bismillaah..kembali findi pop mahadirkan kisah cinta utuh nang lucu dan menyentuh

Karindangan

Di sakulahan sma waluh dalam ,sudah 3 bulanan ini ada ibu guru nang liwar langkar mengajar,ngarannya ibu yuniarti ,pas jam pelajaran

Ibu guru yuni:anak anak hari ini kita ulangan harian..

Murid:(baimbai)iya bu..

Ibu yuni:ikam sudah balajarlah luh..

Aluh:sudah bu..

Ibu yuni :bagus, ikam pang mat..

Amat:sudah dunk,demi ibu...

Ibu yuni :haw kanapa demi ibu mat..

Amat:sebab ada rasa nang terpendam wan pian buai..(Manggumbal)

Murid:(baimbai)cieeee cieeee..

Ibu yuni:mboh di rapi i panampilan dulu mattai ,ini ubuy ubuy rambut kuning kada sing minyakkan,salawar lintuhutnya pina bararabit,buyyit salawar bahendeplast, sapatu tumitnya dijajak,sakit lalu gaya..

Amat:(takalipik)beuh curut dihapaknya aku..(Kakalahan)

Udin:hahahaha jujur banar ibu..

Ibu guru:ikam pang tuh..

Utuh:kada balajaran ulun,tapi jalas paningginya nilai..(Agak)

Ibu yuni :beuh pina musti,apa alasannya tadi..

Utuh:ulunkan kawa membaca pikiran pian nang sama sama memendam perasaan cinta satu sama lain ,jalas sagala soal nang ibu ulah ada dipikiran ibu,tinggal ulun pandang haja lagi muha pian lancar tu manjawab..

Murid:cieee cieeeee raja utuh..

Ibu yuni :(takalipik)bungas kalu,pabibilakah aku memendam perasaan wan ikam tuh ,diganang tuhhai aku ni guru ikam..

Utuh:bu, cinta itu buai,datang bisa kapan saja,dan pada hati siapa haja wan ke hati nang mana haja nang dituju,ya kebetulan ulun jatuh hati wan pian,jadi salahkah bila ulun jatuh cinta..

Ibu yuni :uki uki,ibu kada kawa manyalahakan ikam,sebab muha ikam gonol..

(Mangakak tatawaan murid)

Amat:jangan di dangari bu ai,buyyitnya basangkadian..

(Mangakak banar pulang murid)

Udin:gkgkgkgk,purun amat ni wan saingan..

utuh:curut amat nih,saurang nang bakumang baumuran batis baranai ai aku..

Udin:hahahaha bujur tuhhai..

Amat:curut udin ni ular kepala dua jua..

Utuh:bu,pian ini bungas bu ai,tapi masih bujangan,sedang guru lakian nang pina handak jua wan pian kadada nang waninya manggumbal,itu artinya ulunlah lelaki nang jantan..

Ibu yuni :(dalam hati)liwar jua kakanak ni,ayu sudah kita mulai ulangannya..

(Ulangannai,imbah tuntung bulikan)

Amat:tuh,kita basaingan secara sehat hajalah..

Utuh:ukii mat,jadi siapa nang kalah harus ikhlaslah,yang panting persahabatan kita lebih utama..

Amat mantap tu,kita iringi ibunya bulik yu..

Utuh:wah sip banar ,kita sambunyian dulu,bila sidin kaluar handak bulik kita iringi mattan jauh,supaya tahu rumahnya..

Amat:siiip..

(Pas ibu yuniarti kaluar pada sakulahan,bulik bakandaraan,langsung amat wan utuh mairingi babuncengan)

Utuh:ayu mat,hunggas tarus mat..

Amat:saraf,nang diiringi bakandaraan,saurang basapida,bilang pacul lintuhut mangujak pidal,homaa manggah kai dapatnya..(Liir paluh maninjak sapida)

Utuh:beuh jauh banar mattai sudah,sini aku pulang nang maninjak sapidanya..

Amat:haduuuh raum panjanak kamamanggahan..(Bagantian pulang)

(Mandusur maninjak sing lajuan utuh,kada lawas)

Utuh:aduuuh,sakitnya lintuhutku,curut pacul rantai mattai..(Pacul rantai)

Amat:beuh iya am..

(Mambaikiai,imbah itu lambat maninjak utuh)

Utuh:haduuh nasib nasib,sudah tangan hibak gamuk bahirang hirang,paluh li ir,panjanak bilang raum,nang disasah kadada lagi..

Amat:bulikan haja sudah kita tuhhai,isuk pulang,kaina aku mainjam kandaraan abahku..

Utuh:wah ukii..

(Bulikan buahannya,malamnya bakumpulan di pos jaga)

Amat:tuh menurut ikam salah satu dari kita ni kawalah mandapatakan ibu yuniarti..

Utuh:nah ini nang jadi pemikiran aku,ibu yuniarti tu bungas banar pang,wanita karier,ckckck bila inya memandang mattai,wuiiih liwar kada sanggup aku malawani pandangannya mattai..

Amat:iih tuhhai,bila inya bapandir tuh,akay akay liwar bungas tu pang..

utuh:isuk kita harus dapat alamatnya mattai..

Amat:iih tuhhai isuk jam 6 tulakan sudah kita....

(Isuknya utuh wan amat datang basungsung,kada lawas datang ibu yuni)

Utuh wan amat:selamat pagi bidadari..

Ibu yuni:(takalipik)pagi tuh,mat,haw pina sungsung datang kanapa nih..

Utuh:biasa bu, segala yang terjadi kada luput dari atas nama cinta..

Amat:iya bu,apa yang ulun lakukan demi sebuah pengorbanan..

Ibu yuni:waduh waduh,buahan ikam ni dasar babal,kaya apalah menjelasakannya..

Utuh:kada perlu dijelaskan bu,dari tatapan haja sudah bisa di baca kalu pian ini punya hati wan ulun hahay..

Amat:iya bu seperti lagu rhoma ,(banyanyi)matanya duhai tajam sekali..menusuk jauh kelubuk hati..
Senyumnya duhai manis sekali..membuat pria setengah mati..aku cinta padamu padamu..aku sayang padamu padamu..

Ibu yuni:ayu sudah ibu pusing..

(Masuk ibu ka kantor,pas balajaran,ibu yuni kada kaulingan malihatakan amat wan utuh aur mancangangi haja,mancatat palajaran kada,pas bulikan diiringinya ulih buahannya)

Amat:uuh di situ rumahnya sakalinya,wah urang sugih tuhhai..

Utuh:iih,kada potongan dapat kita ni..

amat:malam kaina kita ilangikah tuh..

Utuh:wah mantap tu uki..

(Malamnya bailangan buahannya,pas nang mangaluari abahnya ibu yuniarti)

Abah yuni:ada apa ni,katuk katuk lawang rumahku..(Pina tegas)

Utuh:(gugup)u ul ulun ha handak ba ba ilang mannai,ma ilangi yuniarti..

Amat:(pucat)i ing inggih man mannai..

Abah yuni:anakku guring sudah..

Utuh:(pancat)uuh iy iyakah man,ayuai mattai kita bulikan..

Amat:ayuu..(Asa kada bamuha)

(Bulikan buahannya,ibu yuni sakalinya mahintipakan dilawang)

Ibu yuni:(senyum)hehe liwar wani kakanak tu maelangi,pinanya handak babujuran,apa yang harus kulakukan..

(Esoknya pas di sakulahan,waktu jam pelajaran padahal giliran ibu yuni nang maajar,ini malah kapala sakulah)

Kapala sakulah :bapak mengabarkan berita penting,bahwa ibu yuni mulai hari ini kada mangajar lagi disini..

Utuh:(takalipik)ai kanapa pa..

Kapala sakulah:tanyakan pada rumput yang baguyang..

Amat:beuh mawaluh sidin,urang serius..

Kapala sakulah:hehe,kadada alasannya pang,kada tahu jua kenapakah..

(Pas bulikan mandam badadua)

Utuh:beuh mattai,musnah dah harapan,sang jelita telah pergi tanpa pesan..

Amat:iih tuhhai,maka aku liwar karindangan wan ibu yuni tu,kada kawa ai..

Utuh:kada juduh kita kalu mattai,jaka dapat ikam mattai,aku bahagia haja,kawan nang dapat salah satu dari kita,artinya kada sia sia perjuangan kita..

Amat:samai pikiranku kaya itu jua,manggaring awak tuhhai,asa kulir lagi sakulah..

Utuh:sama ai mattai,liwar karindangan jua aku,kaya apa maubati,
apakah setelah ini akan ada damai dihati kita mat,sementara urang yang dicintai telah jauh dari pandangan,kalu aku kada akan bisa mattai..

Amat:kasih dan rindu hanya buat ibu yuniarti,bagaimana bisa ada kedamaian,jika rindu datang bertamu,yang ada hanya kegelisahan dan air mata kepedihan ketika hati ingin bertemu..

Utu:ayu mat kita bulikan,aku galau mattai..(Berkaca kaca mata utuh)

Amat:ayu tuh,mudahan ini takdir yang baik,setidaknya buat kebahagiaan ibu yuni..

(Maras nang badua sapakawanan,handak wan binian saikung,tapi nang baiknya persaingannya sehat mautamakan persahabatan,walau saikung ikung kadada nang dapatnya,baik nang kaya itu,dari pada biniannya kada dapat wan kawan bakalahi lalu mauk)

Inggan situ dulu,mudahan terhibur

Penulis

Fendi ramanda