Nini kulimbit landu ke diskotek

Komunitas WawaLuhan

12 April

Bismillaah..findi pop bakisah

Nini kulimbit landu ke diskotek

(Di baskom rahatan barandam,bamainan wan iwak klatau)

Nini kulimbit landu:waduuh tuhuk sudah tebar pesona,ka salon mangancangi kulit, ta talu hari landur pulang,menicure,fedicure,sampai ba masker, mamakai tupeng satria baja hitam,iya kada ubah jua panampilan lagi,malam ini cucubaan pang aku ka diskotik kalu mau dapat gandak disana..

(Malamnya nini kulimbit landu tulak ka diskotik pakai baju tanktop hirang,pakai kaus stocking,ba salop tinggi 5 inch)

Di rumah abah ijum

Abah ijum:duit mamakelar kandaraan ada pang sajuta,tapi galau nah,kamana mahabisakan,bini dida,acai apalagi,ke diskotik haja sudah kalu mau dapat acai disana..

(Langsung babaju kaos playboy,basalawar levis,sepatu bot,batopi,tulakkai,imbah nukar tiket masukai, langsung mahurupakan ka softdrink,ingul ingul kapala)

Abah ijum:haw ada harim saurangan duduk di bangku kadap,cucubaan pang mamaraki..

Nini kulimbit landu:eish ada lakian baparak,pinanya naksir wan sowang ni..

(Imbah parak,nang ngaran kadap)

Abah ijum:(mambisiki)hai kawakah gabung..

Nini kulimbit landu:(mambisiki)kawa banar..(Sambil ingul ingul kapala)

(Dudukan)

Abah ijum:siapa ngaran say,kenalkan ngaranku andre..(Manyamar)

Nini kulimbit landu:wew ngarannya top,aku nikita..(Sama panyakit)

Abah ijum:waaah bungas ngarannya kaya urangnya..(Mangibit,takajut dalam hati)ai kanapa pina landur dikibit,ah perasaanku haja kalu..

Nini kulimbit landu:kita turun beibh..

Abah ijum:ayu say,mamanasi awak,hadang dulu malikit timbaku..

Nini kulimbit landu:minta beibhlah sabilah..(Handak jua baruku)

(imbah itu,Lansung turun,gaya baragap,tangan kanan abah ijum mangguyang ruku, ingul ingul kapala mairingi musik dj)

Abah ijum:mantap say,guyang abis..(Buyyit kimpus,libas kanan libas kiri)

Nini kulimbit landu:yoi say,biar hebring..

(Tulang karikutan badadua,imbah asa lapah dudukannai)

Nini kulimbit landu:(mambisiki)say nukar cemilan pang,sambil enjoy istirahat..

Abah ijum:wah uki..

(Manyalai ka pancis,datang pelayan)

Abah ijum:air mineral 2,wan kacanglah,nah duitnya,ambil kembaliannya gasan tips..(Agak manjurung duit 50 ribu)

Pelayan:siip buus..(Himung)

(Imbah datang,mambayari bon,mangulummai ka kacang)

Nini kulimbit landu:(dalam hati)beuh saraf pacang bapatahan ni gigi palsuku,kacang di untal..

Abah ijum:(dalam hati)akay kanapa ta pesan kacang ni,bagigi haja kadada habis umpung dimakan usia..

(Kulum kuluman haja ka kacang kada kawa maigut)

Abah ijum:(mambisiki)kamana bulik yang..

Nini kulimbit landu:kampung wawaluhan..

Abah ijum:(takalipik)ai sama aku disitu jua rumah,hanyar pindahkah..

Nini kulimbit landu:lawasai mulai jaman kompeni ,kaina bailang..

abah ijum:(takalipik)siapalah,gampang kaina malamar haja langsung..

Nini kulimbit landu:mantaaap,ayu kita turun pulang..

Abah ijum:ayuu..

(Urang triffing,abah ijum baragap gaya slowdance,bilang tasinggantung nini kulimbit landu kapipisitan diragap abah ijum,pas habis jamnya,banyala lampu,takajut badadua)

Abah ijum:(takalipik)akay nini kulimbit landukah sakalinya..

Nini kulimbit landu:(takalipik)ai ikamkah abah ijum..

(Bacacangangan,kada lawas bukahan bulik masing masing,sambil gagarunum)

Abah ijum:asli saraf lalu,jauh jauh ka diskotik bacari babinian,liwar himung dapat raragapan sakali banyala lampu nini kulimbit landu..(Bulik)

Nini kulimbit landu:dasar lingu babanaran,bamamalaman didiskotik nang diragap urang nang dihiga rumah,kalu mauk..(Bulik)

(Imbah sampai tapaimbai mambuka lawang,bacacangangan langsung masuk karumah masing masing,asa tapakalah badadua)

Inggan situ dulu,mudahan terhibur

Penulis

Fendi ramanda