Utuh cs malamar dewi

Komunitas WawaLuhan

29 November 2013

Utuh cs malamar dewi

Amat:tuh, dewi tetangga hanyar kita tu dasar bungaslah,asli naksir aku ih..

Utuh:iih sama mattai aku gin naksir..

Udin:kada buahan ikam haja pang,aku gin liwar manaksirnya..(Kada handak kalah)

Amat:kita lamar yu siapa nang ditarima nang kalah harus ikhlas..

Utuh&udin: ukiiii..(Baimbai)

(Isuknya asing asingnya bapakaian necis trio jaring bakumpul diparak rumah dewi,si amat badahulu manamui dewi wan abahnya)

Abah dewi:apa maksud ikam datang kamari..

Amat:ma maksud ulun kasini handak malamar dewi mannai..(Pina gugup)

Abah dewi:apa nang cagar ikam persembahakan gasan dewi..

Amat:kaina ulun tukarakan rumah,mutur sabuah,cincin berlian kalu parlu wan tukunya kutukarakan,bulan madu ke LA,pian ulun tulakkakan ka makkah sampai puas dimakah, situ kalu parlu jangan babulikkan..(Tagas)

Abah dewi:(takalipik)beuh saraf samaai manyuruh aku madam jauh,tapi pandiran ikam saganal netu bujuranlah..

Amat:iih kaina amun ulun sudah bagawi tapinya ,samantara ni di bayangakan haja dahulu,pahadangan balum bagawi pian nai dahulu nang maungkusi ulun wan dewi..(Kada tatahu muha)

Abah dewi:(takalipik)akayy dasar hungang babanaran,disuruh mambayangakan haja sakalinya, muha kaya kurungan burung pandiran liwar tinggi,bajauh sana ikam ku tulak.. (Manawakakan asbak ruku)

Amat:(hancap bukah)uma gila lalu asbak ruku ditawakakannya untung kana buyyitku haja..

Udin:hahaha muha gagal sudah kuduga mattai..(Lucut tatawa)

Amat:cuba ikam sana amun kada parai batilanjang aku bulik..(Sarik)

Utuh:ayu din giliran ikam,jagaunya badudi haja..(Kisah paharatnya)

(Giliran udin,imbah bahadapan wan abah dewi wan dewinya)

Abah dewi:apa nang cagar ikam jurung gasan anakku din..

Udin:minta apa haja dewi ulun tukarakan,jangankan mutur, pasawat tarbang kutukarakan..

Abah dewi:(takalipik)beuh siwah jua pinanya ni,banyaklah baduit pina musti,bagawi dimana garang situ..

Udin:ulun ni kada bagawi pang lagi,cuma amun timbakan togelku ni tambus 6 angka pasti kubuktiakan,amunnya luput mudaliakannai dahulu ulun sabagai minantu pian sampai kana,kalu parlu pian ganii ulun balampah di kuburan.. (Manampaiakan kupon togel)

Abah dewi:(takalipik)akayy liwar gagilaan ni manusianya,bajauh sana ikam kutulak..(Manawakakan radio halus kana kapala)

Udin:(bukah banar)aduuh akiit apalaku incul ni,saraf radio ditawakakannya kakapalaku..

Dewi:kana kapalanya bahhai..

Abah dewi:biar haja situ nyaman jara,aku cagar dibawainya balampah dikuburan kalu liwar..(Sarik)

Amat:(bapangsar ditanah)gkgkgkgk sudah kuduga dinnai parai jua hahaha..

Udin:asli bincul kapalaku kana tawak ih..(Bapusut kapala)

Utuh:hadangi sini jagaunya pulang..

(Giliran utuh pulang,imbah dalam rumah)

Utuh:ai dewi ada,i luv u wi..(Mangijipi mata)

Abah dewi:ui satruman aki,diganang kuitannya ada..

Utuh:uuh abahnyakah pian, kukira tadi urang bapintaan mahadangi angsulannya..(Hungang)

Abah dewi:(takalipik)beuh datang datang mahapak,apa maksud ikam kasini..

Utuh:maksud ulun..(Tapagat)

Abah dewi: ikam kutulak bajauh sana..

Utuh:(takalapik)akay kada kawa balum bapandir sudah ditulak..(Protes)

Abah dewi: wanikah ikam,sini baparak, saraf hanyar kenal manyambatiku tukang minta minta..(Bamamai)

Dewi:sudah bah,kadangaran urang..

Utuh:ayu smackdown mun wani..

(Baparak utuh,baak dijajaknya batis abah dewi,mancaracat bukah,kujul kujul abah dewi)

Abah dewi:aduuh akiit gila lalu kuku batisku nang barastung dijajaknya ulih tabuwan netu..(Kasakitan)

Amat:ai kanapa bukah tuh..

Utuh:ikam nang manang mattai,sidin manyuruh ikam masuk,aku bulik gin..

Amat:ai iyakah asyiik cagar babini..(Masuk dalam rumah,imbah kaluar bapusut kapipi)

Udin:wuiih dapat ciuman amat ih..

Amat:dasar saraf utuh tu,mandustaiku kukira bujuran, sakali masuk kana tampar gara gara utuh manjajak batis abah dewi aku nang kana imbasnya..

Udin:hahaha sudah nasib mattai,ayu kita bulikkan kapalaku gin bincul sama pada upaw..(Bulik)

(Trio jaring salah penyampaian,jangan ditiru cara netu sanaklah,inggan situ dulu maaf jika kurang berkenan yang penting kowa tetap eksis walau admin lain kada sawat baulah kisah karena sibuk)

Penulis
Fendi ramanda