Bertepuk sabalah tangan

Komunitas WawaLuhan

Bismillaah..findi pop bakisah

Bertepuk sabalah tangan

(Di sekolahan kursus saat jam
pelajaran Utuh datang talambat)

Utuh:paagi bu..(Manggah imbah bukah)

Ibu elena: beuh nangini pulang nang talambat,napa pulang alasan..

Utuh:ulun tasasat tadi buai..

Ibu elena:uma tasasat dimana,bilang hari hari dilalui jalan ka sini..

Utuh:sasat dihati pian buai..(Sawat haja manggumbal)

Murid:cieee cieeeee raja utuh ni..

Ibu elena:bungas kalu muha nyawa gonol..(Mahapak)

(Mangakak tatawaan murid)

Amat:sudah gonol lonjong ha pulang kaya kalabungan..(Mahapak)

Utuh muha kaya gagampam umpat jua mahapak..(Sarik)

(Tatawaan pulang murid)

Utuh:ulun ni buai bujur haja tampang pas passan tapi tipe pecinta setia..

Ibu elena: beuh bujur juakah..

Utuh:semisal bila urang nang handak wan pian membawa segenggam cinta..ulun datang membawa cinta sebesar dunia.. Bila urang sanggup maukir nama pian dihatinya..ulun sanggup maukir nama pian dibuku nikah..bila urang mampu manukarakan mutur gasan pian..ulun sanggup menyerahakan hidup ulun demi membahagiakan pian,asal pian tahu ulun rela makan karak nasi asal pian nang nyaman..

(Baampikkan murid)

Aluh:(bakuciak)utuuuuuuuh aku saluuut...

Amat:beuh mati langkah aku,aluh haja salut ih,pancangan parai aku ni, ui luh wan aku pang salutlah..(Maras)

Aluh:preeeeeeeeet...(Manjunggingi buyyit)

Amat:waduuuuh dijungginya buyyit aku..

(Mangakak tatawaan murid)

Ibu elena:sudah sudah,ampih ampih pang tuh marayuku..

Utuh:aku kada akan berhenti membuktiakan cinta ulun buai sampai pian berkata ya.. Buatku..

Aluh:(bakuciak pulang)utuuuuh aku terharu..

Amat:asa sisit bulu hidung nah aur kalah tarus cagar aku ni..

Ibu elena:aduuh pusiing,amun wani datangi suri kaina karumah..(Bulik)

(Mandam utuh,campur aduk hati utuh, imbah bulikkan surinya utuh mandatangi rumah ibu elena,mangatuk ka lawang nang mambukai abah elena)

Utuh:(gugup)ma maaf pa ada el elenakah..

Abah elena:adaai siapa ikam nih..(Tegas)

Utuh:u ul ulun utuh..

Abah elena:(balaluan manjinjit talinga) uuh inikah nang bangaran utuh tu,nang aur mangganggu anakku mangajar..

Utuh:(takalipik) akay akay ampun pa,bapanjang kaina talingaku, apa salah ulun..

Abah elena:kanapa ikam aur mangganggu anakku tarus,ingatakan bila sakali lagi ku sipak kaya bula ikam.. (Manutup kalawang)

Utuh:beuh sial lalu hanyar datang kana jinjit ditalinga..(Bulik)

(Sakalinya ada ibu elena dijandila manawaakan)

Ibu elena: kasian deh lu gkgkgk..

Utuh:curut ditawaakannya aku,asli disuruh datang karumah kukira pancangan enjoy,sakalinya gasan dimamai haja,habang pulang sabalah talinga aduuh nasiib nasiib..

(Perkiraan luput jar utuh kada sasuai bayangan)

Inggan situ dulu,hadang pembalasan utuh

Penulis

Fendi ramanda