Bertepuk sebelah tangan part II

Komunitas WawaLuhan

Bismillaah..kembali findi pop datang menyambungakan kisah sesuai permintaan dangsanakku

Bertepuk sebelah tangan part II

(Esoknya datang utuh,tapi langsung ke kantor buahan guru pembimbing)

Utuh:maaf mengganggu..

Ibu elena:baapa ikam kasini tuh..

Pa supri:hahaha inikah urangnya bu nang dijinjit abah ikam,nang dikisahakan ibu tadi..(Mangakak)

(Tatawaan semuaan pembimbing mancangangi utuh)

Utuh:sudahlah tatawanya..

Amat:(dilawang)balum sekali lagi hahahahaha kasian deh lu..

Utuh:beuh cangkirik ni pulang nang datang..

Amat:hahaha asa senang tuhhai,mandangar kegagalan ikam..

Utuh:ibu elena yang terhormat, salahkah jika sekeping hati ini mencintai pian.. salahkah jika cinta datang ketika hati ulun, yang menganggap bahwa pian wanita yang luar biasa dipandangan ulun, yang pada akhirnya ulun menjatuhkan pilihan hati ke pian seorang..,salahkah ketika rindu bergelora dan ulun mendambakan pian hadir didepan ulun,salahkah jika ulun dan pian seperti merpati terbang tinggi berpasangan memadu kasih tanpa ada kegalauan dihati,jika salah mengapa Tuhan menganugerahkan cinta dibumi ini..

(Bagai petir menyambar,mandam barataan guru pembimbing,termasuk ibu elena nang kaku badiri dihadapan utuh)

Utuh:ulun manusia biasa,yang hanya ingin menikmati sebuah rasa yang indah yang dianugerahkan Tuhan,ketika ulun jatuh cinta wan pian ibu elena,bila ini merupakan kesalahan,maka tikamkan belati kedada ulun,supaya ulun lakas bertemu Tuhan,biar ulun dapat kejelasan salahnya dimana..

Amat:gila banar utuh ni,pintar banar marayu,aku jangankan marayu dicangangi ibu elena gin manggatar saking pangutannya wan babinian..

Utuh:maafkan ulun bu,mungkin rasa ini yang salah menempatkan hati jatuh cinta wan wanita seangkuh pian,mulai hari ini ulun berhenti kursus disini,biar ibu tenang kadada ulun..(Bulik)

(Mandam ibu elena malihat utuh bulik,sejak kejadian itu ibu elena jadi banyak malamun,ucapan utuh tangiang ngiang tarus)

Ibu elena:(bapandir saurangan)salahnya dimana,iya ikam kadada salah tuh,cinta itu anugerah dari Tuhan,terlalu angkuh aku ini seolah olah aku ini wanita hebat,aku harus mencari utuh..

(Ibu elena langsung tulak karumah utuh,mancari utuh)

Ibu elena:maaf bu utuhnya ada..

Uma utuh:niti siapang..

Ibu elena:ulun elena..

Uma utuh:uuh utuh tii bagawi nakkai, salawas abahnya kadada lagi,utuh tii pang nang mancukupi kabutuhan hidup ni..

Ibu elena:(dalam hati)aku benar benar berdosa sudah menyakiti hati urang yang benar benar mulia bagi keluarganya,maafka aku tuh..(Bulik sambil manangis)

(Sorenya datang utuh)

Uma utuh:tadi nakkai ibu elena kasini..

Utuh:uuh maapa ma..

Uma utuh:mancari ikam pang..

Utuh:mungkin salah alamat ma ai,ibu elena tu binian sampurna kada mungkin mancarii ulun nang saraba kakurangan..

(Esoknya rahatan buahan amat dudukkan di pos,datang utuh)

Amat:hahaha napa tuh pina layu kaya siput dipais,mun gagal tu gagallai..

Udin:curut amat ni kakawanan dihapak jua..

Abah ijum:amun parai tu bakumpakkai kita tuhhai sama jumblu hehehe..

(Datang pa haji)

Pa haji:kada bulih manawaakan kegagalan urang tu,bisa jadi esok malah ditangisi sebab nasib manusia tu ada ditangan Tuhan,utuh..

Utuh:iya pa haji..

Pa haji:umpati aku karumah..

(Mairingi utuh,dudukkan diruang tamu,takajut utuh ada binian liwar bungas )

Pa haji:ini anakku lulusan mesir,ngarannya azizah,tuh maukah ikam menikah wan anakku ni..

Utuh:(taklipik)kada salah dangar ulun pa haji..

Pa haji:hahaha kada tuhhai,mungkin ini takdir Tuhan,aku malihat ikam ni anak nang baik,bakti wan kuitan,pandai mamuliakan orang tua,pasti pandai memuliakan istri dan tau hak haknya kaina,ikam urus bangsaw ku,urus toko bajuku,wan badua azizah urus pesantren ini,aku sudah tuha,tinggal manimang cucu wan ibadah haja lagi..

Utuh:insya Allah pa haji..(Sujud syukur utuh) subahanallaah walhandulillaah wallahu akbar,engkau Maha segalanya

(Luar biasa takdir Tuhan itu sebuah kegagalan diikhlaskan digantikan dengan sesuatu yang lebih hebat)

(Akhirnya utuh pun menikah,datang ibu elena wan abahnya)

Ibu elen:selamat tuhlah,maafkan aku tuh,sudah melukai perasaan ikam,saat cinta mulai bersemi justru ikam menikah wan nang lain..

Utuh:nasi sudah menjadi bubur,kada perlu disesalkan,dulu aku datang membawa ketulusan,tapi cercaan yang didapat,tapi aku ikhlas,kini aku bahagia jadi giliran pian mengikhlaskannya..

Abah elena:pa haji kanapa hakun manikahakan anak nang liwar langkar,wan utuh nih..(Batakun)

Pa haji:Tanyakan Tuhan,sebab ini ketentuan Nya..

(Kaya paisan iwak nang hangit kasusupanan abah elena mandangar jawaban pa haji)

Amat:nang nyata abah elena ai,pa haji kada handak mangawinakan azizah wan pian nang tuher hahaha..(Mahapak)

Abah elena:beuh curut kana hapak aku bulik ha..(Bulik)

Amat:bulik niyee,beuh manawaakan urang saurang parai jua,jangankan wan azizah wan aluh anak bajual kalabungan haja kada hakun wan aku nasib nasib..

Utuh:hehehe pembalasanku lebih menyakitkan..

(Inilah hidup,yang namanya segala ketentuan adalah rahasia Tuhan,artinya kadada yang mustahil jika Tuhan berkehendak, hanya orang yang kada yakin dengan kuasa Tuhan yang menyambat ah itu mustahil,utuh ikhlas dengan kegagalannya tapi buah dari keikhlasan digantikan dengan sesuatu yg jauh lebih baik sebab takdir adalah kehendak Allah.

Inggan situ dulu kisah cinta utuh,mudahan bermanfaat dan terhibur

Penulis

Fendi ramanda