Kalutuknik (titanik kowa)

Komunitas WawaLuhan

3 November

Bismillaah.. Kembali findi pop hadirkan kisah cinta diatas kapal yang berujung tragedi

Kalutuknik (titanik kowa)

(Saat itu di dermaga)

Uma utuh:nak ikam dasar handak maninggalkan umakah hiks hiks..

Utuh:ma, ulun ka banjar handak mancari gawian nang duitnya gasan dika,wan babini kaina..

Uma utuh: aku asa barat banar nakkai,malapas ikam kanapalah kada biasanya..(Waswas)

Utuh:titipakan haja ma ai ulun wan Tuhan,biar Tuhan nang manjaga..

Nini kulimbit landu:(managur)ui tuh ikam handak babuatkah,handak bacaturkah wan kuitan, dilajui pang mauk mahadang ,aku handak ke mall.. (Banaik)

Utuh:(takalipik)beuh kapur barus ni tulak jua sakalinya..

Abah ijum:curut lajui,unda tinggalakannah..

Utuh:hadangi pang dulu kimpus,mantang mantang ampun kapal pina batingkah..

Abah ijum:(takalipik)saraf dihapaknya..

Nini kulimbit landu: hadangi puslah aku handak ka jamban dulu..(Turun pada kapal)

Abah ijum:(takalipik)pus pus mangiyau urang ,dilajui ha kapur barussai..(Sarik)

Nini kulimbit landu: yo i men..(Mancaracat babuat ka jamban)

Utuh :ayuha ma lah ulun tulak..

Uma utuh:iih nakkai,hati hatilah dibanjar,mun tatamu fendi ramanda titip salamlah,uma ikam panggamarnya tu..

Utuh:(takalipik)akayy,inggih ma..

(Imbah cium tangan,hingus tajulur di sapuakan umanya pakai tapih babuattai lagi)

Abah ijum:ayu kita chow..(Mulai bajalan)

(Kaluar pada jamban)

Nini kulimbit landu:kimpus saraf, aku handak ditinggalakannya.. (Bukah di batang baluncat ka kalutuk)

Abah ijum:hahaha imang inak..(Mangakak)

Nini kulimbit landu:curut ditawa akannya,mantang mantang ampunnya kapal,sumbuuuung lu...

(Utuh nang hanyar sadar duduk wan binian bungas di higa lalu manggumballai)

Utuh:ui ding handak kamana..

Binian:handak ka banjar ka ai..

Utuh:wew sama dung..

Binian:pian pang handak kamana ka..

Utuh:handak ka hati pian sayangai..

Binian :hmm pian nih..(Pina supan)

Nini kulimbit landu:aku indah ka ai wan pian ,kantut pian bau las karbit..(Manyahut)

Utuh:(takalipik)mauk tapih karamat nih,umpatan haja..(Sarik)

Nini kulimbit landu:beuh mambalas ha lalu, ui abah ijum..

Abah ijum:apa kulimbit bahari..(Sambil manyatang kapal)

Nini kulimbit landu:umpatkah mijing ka mall,kaina ku tukarakan es dundung,wan kacang mente..

Abah ijum:ogah ah..(Manulak)

Nini kulimbit landu:(takalipik)beuh kisah manulak,padahal hati hakunai,sumbuung lu..

Abah ijum:tawaran curut lalu,tahu haja aku kilum,kada sing gigian lagi,kacang minti nang handak disurung pancangan barijing gusi ,es dundung nang cagar di kucupakan, iya pancangan ngilu gusi ,ada ada haja ..(Masam muha)

Utuh:ding siapa ngaran pian..

Binian: gina ka ai..

Nini kulimbimbit landu:(manyahut dibalakang)mun aku mantili..(Hungang)

Utuh:mauk ngini aur manyahut haja,tu nah kawani brama kumbara lagi manyatang kalutuk..

Abah ijum:(takalipik)curut aku dihapak..

nini kulimbit landu:hehehehe...

Utuh:pian sudah baisi pacarlah ding..

Gina:balum ka ai..

Utuh:wew asyik..

Nini kulimbit landu:aku pang tuh kada ditakuni kah..

Utuh:kulir,hehe ding gina,mimang ini talalu lakas,tapi ada pujangga yang mengatakan bahwa cinta bisa datang kapan haja,secepat mata memandang yang menilai ada keindahan di pandangan lalu turun kehati,dan meinimbulkan rasa suka,itulah cinta pandangan pertama..(Syair kita pakai bahasa indonesia biar hebring)

Nini kulimbit landu:(manyahut)siapa ngaran pujangganya tuh..

Utuh:fendi ramanda admin kowa hantuai..(Sarik)

Nini kulimbit landu:beuh ditakuni sarik,jangan hakun ciwi ai pacaran wan utuh,urangnya panyarikan kantutnya gin panas..(Kada tatahu muha)

Utuh:(takalipik)mauk nini nih,mahaur haja..

Nini kulimbit landu:au ah..

Utuh:(mangganggam tangan gina) bolehkah ka utuh,menempatkan cinta yang sebesar dunia,kedalam hatimu yang suci wahai jelita..(Kita pakai bahasa indonesia)

Gina:tapi ini talalu capat ka,pian balum manganal ulun..

Utuh: ka utuh akan tarima ading dengan segala kekurangan ading..

Gina:bujurankah ka..(Bacangangan)

Utuh:iya sayang,dengan segenap hati cinta dan rasa tulus buat pian sayang..

Gina:oh so sweet..

Utuh:disaksikan langit dan bumi,dan manusia manusia bahari di balakang kita,ka utuh ucapkan cinta wan ading gina..

Gina:iya ka..

Nini kulimbit landu:(takalipik)saraf dipadahakannya manusia bahari aku..

Abah ijum:rayuan kantut,aku dibuat buat jua jadi saksi..(Masam muha)

(Gagarunum nini wan abah ijum dibalakang,cinta utuh wan gina sudah basambut)

(Sanja sudah,kita sambung kaina,tragedi apa yang akan terjadi di kalutuknik,nantikan hanya di kowa)

Mun katuju kusambungakanai ke season selanjutnya,mun handak lakas di kumint buat yang baca,jangan sampai postingan di kowa dibawah seratus,supan wan fp lain membernya 76 ribu kumintnya tipis wan like

Penulis

Fendi ramanda