Utuh cs ke waterboom

Komunitas WawaLuhan

Kemarin

Bismillaah.. Saalam dari findi pop

Utuh cs ke waterboom

Udin: Kita mandian di waterboom yu tuh..

Utuh:aku kada biasa lagi ka situ dinnai

Amat:pakai baju renanglah din ??..

Udin:sama kada bisa jua pang bacawatan nai kalu..

Utuh:ayu din kita tulakkan mancubai,aku pakai salawar katuk wan mambawa gayung hanyar..

(Singkat kisah tulakkan buahannya,imbah masukkan langsung bapaculan baju diandak ka locker)

(utuh basalawar kain tapung duduk ditabing manggayung banyu bakubuy,mangakak tatawaan nang malihat)

Amat:tuh gilanya ikam bagayung mandi,bacabur langsung banyunya surut,pacul jua salawar karamat ikam

Utuh:iyakah mandai tatawaan nang malihat..

(Mandian nai buahan trio jaring,
Si udin barandam sambil kumur kumur wan banyu,ada utuh pina mandam badiri tangan pina manarik kasalawar)

Amat:tuh baapa ikam pina manarik kasalawar..

Utuh:aku bakamih di banyu mattai

Udin:(langsung badiri)dasar saraf utuh ni bakamih dalam banyu,maka pas aku bakukumur asli takumur banyu kamih naga..

Utuh:hahaha iyakah din..

Amat:sudah sudah kita manyiwa ban yu, umpat mandi di kolam ombak tsunami..

Utuh:ukii

(Naikkan buahannya antri di padang ban)

Udin:beuh antri tuhhai maka bannya kada banyak lagi..

(Rahatan bakajalan urang manyiwa ban,bakantut utuh sing bauan,tahambur nang handak manyiwa)

Amat:ikam bakantutkah tuh,umaa raja hapak..

Udin:beuh ini datunya kantut harat pada kantut sadu(batapal hidung)

Utuh:badidiam ha lakasi siwa bannya tampulu kadada nang baparaknya..

Tukang ban:pian kah mang nang bakantut,..raja aa nih, Nah bannya bajauh lakasi,matian musuhnya dapatnya..

(Pas lalu parak hiburan organ tunggal,bajugetan buahannya)

Utuh:hahay ayak mat,kibas tarus..

(Mangakak tatawaan nang malihat buahan trio jaring bajugetan bacawatan haja,takintip kintip mata udin bajuget mahayati sambil maayak)

Udin:akay akay raja hut,ayak ding..

Amat:sudah gin lakasi umbak sunaminya pinanya mulai sudah..

(Bukahan buahannya kakulam umbak tsunami, kuciakan buahannya)

Utuh:hiya hiyaa hiyaa,beuh kada tapi rami kabanyakan urangnya..

(Naik amat bacarian paku imbah dapat turun pulang kabanyu, dicucukinya ucus urang nang baparak,buntusan tunggal ikungan)

Pengunjung 1:ai miris ban kita kanapa nih..

Pengunjung 2:beuh bocor bannya,kacau am..

(Bingungg pangamat nang diatas mangawasi mirisan ban urang,amat pas urang pina curiga dibuangnya pakunya kabanyu,pina jarang nang pakai ban hanyar kuciakan buahannya..)

Udin:yiha yihaa galumbangnya mantap,kaya aluh maayak jugit dangdut hahaha..

Utuh:hahaha bujur dinnai,asli rami,aku turun dulu manarik ban,ada binian bungas pakai ban,tahu banar amat nang bungas kada dicucuknya bannya..

(Baparak utuh,mangacak kabuyyit binian mulai dalam banyu)

Binian:au siapa nang mangacak buyyit ku nih..

(Utuh kada tatahu muha,hancap bajauh)

Utuh:din aku handak ee sakit payyut

Udin:kaluarakan ha dalam banyu kada tahu jua urang,kaya disungai jua..

Utuh:baluluy cawat kaluar buyyit ,balindung di ban ee utuh dalam banyu,baya timbul ganal banar kaya pagalangan,abut pangawas

Pangawas:ai ee siapa tuh,uma ganalnya kaya pagalangan asli ambuk..

Pengawas 2:ai iih uma bunyul lalu siapa nang ee tuh

Amat:(mambisiki utuh)tuh kita naikkan tampulu urang abut..

(Naikkan pengunjung kuciakan,ada ee larut,buahan utuh hancap naikkan,tumbur manusia nang dikulam)

Utuh:kita bulikan haja gin,gair kalu dipariksa aku balum babasuh lagi..

Amat:beuh saraf lalu, ee dalam banyu nang kaya di sungai ha kada babasuh pulang..

Utuh:udin nang manyuruh mattai..

Udin:saurang hakun jua disuruh,ayu lakasi dah bulikkan..

(Hancap bulikkan buahannya,nang didalam maka abut mambuangi ee utuh)

Inggan situ dulu,kisah ni pernah ku posting gasan member hanyar

Penulis

Fendi ramanda