Gadis misteri part III

Komunitas WawaLuhan

Bismillaah.. Kali ini findi pop menghadirkan kelanjutan kisah horor di bumbui kisah cinta

Gadis misteri part III

Utuh:hehehe,abah ijum mun handak umpat, iringi kami malam,ayu mat kita bulikan..

Abah ijum:anih,kada biasanya kalabungan tu mambawai,bisa ini akalannya haja,haduuh habis awak dapatnya gajah bangkak..(Bulik)

(Pas malamnya bakumpulan buahannya di pos)

Utuh:jadikah pian abah ijum umpat kami..

Abah ijum:jadi haja ah..

Amat:homa abah ijum pina biru muha situ..

Abah ijum:gara gara beruang madu pang manyikatku,salah apa apa kada,datang datang mahantam,handak malawan ganal inya awak..(Masam)

Utuh:hahahaha,ayu kita tulakan..

(Tulakannai buahannya,pas di tangah perjalanan)

Abah ijum:(dalam hati)ai kanapa buahan utuh wan amat ni bajalan ampah ka talaga..

Utuh:wuiiih mat pina babanyak lampu daerah sini matlah..

Amat:iih tuhlah,makin indah di pandang akayy..

Abah ijum:(takalipik,dalam hati) anihnya buahannya nih,kahimungan banyak lampu jar,sabuting buting kadada lampu,cahaya bulan banarai ada jadi pina bacahaya..(Lain palihat)

(Pas sampai di tepian talaga)

Utuh:haw pina sunyi,malam samalam pina rami matlah..

Amat:iih tuhlah,kira kira malam samalam tu ada acara tuhhai,kita datangi karumah buahannya haja tuhhai,lampu banyalaan tu,kunti wan suci ada ai kira kira di dalam..

Utuh:waah ukii..

(Tiba tiba)

Anjing:auuuuuuuuuuung hoooooooong guk guk guk..(Manyalak)

Burung hantu:krukuk krukuk krukuk..

Abah ijum:(manggatar)akay akay akay,gila buahannya ni rumah nang mana jar,sabuting buting kadada rumah di sini,pada padang kuburan bahari netu nang ada hiiiih ngeri.. (Kabuliyangan)

Amat:beuh abah ijum ni,jalas jalas sing ganalan rumah di hadapan,dipadahakannya padang kuburan..

Abah ijum:mata buahan ikam tu tabalik,nyata nyata dipadang kuburan maka dipadahakan rumah sing ganalan,makanya turun pada tanah tu babacaan babacaan ingat wan Tuhan minta perlindungan,jangan nomor buntut nang di ingat..(Bamamai)

Utuh:iringi haja kimpussai,kaina kami kanalakan wan ciwi saikung..

Abah ijum:(takalipik)dikira kira haja,mana ada binian dipadang kuburan di tepian telaga nang tarkanal seram, di puhun bambu nang sing labatan netu,amun biawak wan hantu mauai ada..

Utuh:(takalipik)curut mambahas haja nih,ayu iringi kita buktiakan..

Abah ijum:ga gas gasak..(Manggatar)

(Bajalanai utuh wan amat,abah ijum mairingi di balakang, bamandak utuhnya)

Utuh:tok tok tok..(Mangatuk ka lawang parasa)

Abah ijum:(dalam hati)dasar siwah buahannya ni, nangapa nang dikatuk, rimbunan puhun bambu, batang puhun bambu nang di katuknya..

Amat:adalah tuh urangnya..

Utuh:tok tok tok,kunti,suci kami datang..

(Palihat utuh kaluar binian pada rumah, palihat abah ijum tiba tiba haja mancungul binian babaju putih,muha pucat)

Utuh:ai ayangku, kami datangan nah..

Kunti:ooh piankah ka..(Mata mancangangi abah ijum)

Abah ijum:(manggatar)brrrrrrrrrrrrrrrrrrr...(Bibir biru)

(Datang pulang binian ,palihat abah ijum cungul bakajut binian babaju putih,pas bapaling balukuk balubang)

Amat:hai ading suci..

Suci:ayu masukan..(Masuk kadalam)

(Abah ijum nang malihat hibak belatung di balukuk takamih kamih)

Abah ijum:(manggatar)brrrrrrrrrrrrrrrr..

Utuh:ayu abah ijum kita masukan..

Abah ijum:tuh,mat ikam percayalah wan Tuhan..

Utuh:nyata haja ah..

Amat:iih kanapa abah ijum..

Abah ijum:cuba baingat satumat barang,aku bujur haja rancak ikam hapak,tapi aku sayang wan kakawanan ni,baca ayat kursi sakali haja,gasan mambuktiakan ikam masih punya iman,mun kada percaya jua wan aku..

Utuh:ukii ku baca..

Amat:(dalam hati)anih kanapa abah ijum ni liwar takutan,ayuai ku baca..

(Mambaca ai buahannya)

Kunti:(bakuciak)aaaaaaaaaaaaa panaaaaaaas..

Suci:toloooong panaaaaaaas..

(Mendadak rumah nang dilihat utuh wan amat,nang kaya tersadar menjadi rimbunan puhun bambu)

Utuh:hah mana rumah tadi..

Amat:ai kanapa jadi hilang rumah tadi..

Abah ijum:ayu kita bukahan..

Utuh:ayuuuu...

(Bukahan buahannya,sampai dipus jaga bamandak)

Utuh:haduuuh kajadian aniih..

Amat:hiiih kanapa jadi kaya itulah..

Abah ijum:buahan ikam sudah di goda ulih penunggu telaga netu..

Utuh:iyakah abah ijum..

Amat:tapi inya kada manjahati kami abah ijummai,cuba jalasakan pang abah ijum kisah nang ganjil ni..

Abah ijum:aku kada kawa manjalasakan masalah nang ghaib ni,hanya Allah yang maha mengetahui,tapi mengenai kejadian kejadian aneh hendaknya untuk lebih mendekatkan kita pada sang Kholiq..

Utuh:tapi aku sudah mulai mancintainya abah ijummai..

Abah ijum:ingat kodrat kita tuh,kita manusia,hendaknya mencintai sesama manusia jua,bukan bangsa ghaib,sebab kadada pernikahan yang di ridhoi Allah selain manusia dengan manusia,yang sudah digariskan Tuhan dengan sebaik baik takdir Nya..

Amat:waduuh paksa mahapus pulang status di fb dari berpacaran menjadi lajang akayyy...(Hungang)

Abah ijum:buahan ikam masih anum,insya Allah lakas haja dapat pasangan hidup,jadi bersabarlah..

Utuh:makasih abah ijumlah,maaf banar nah,ulun sudah manjabak pian,timbul pian di sikat acil usang..

Amat:maaf jua abah ijumlah..

Abah ijum:hehehe kada papa,yang panting buahan ikam masih mempercayai aku..

(Baragapan)

(Utuh wan amat akhirnya kembali ke dunia sebenarnya,didatangi buahannya kuburan di pinggiran telaga,ditaburi kambang, dikirimi buahannya bacaan yang pahalanya gasan nang bermakam disitu,sejak itu telaga nang dulu angker,jadi kada seram lagi,kada pernah lagi ada yang diganggu)

(Kisah ini fiktif belaka sebagai hiburan semata mata wan bawaluhan)

T A M A T

Pesan: kawan yang baik,dia akan membawa kejalan yang baik pula

Mun handak turun pada rumah,baingat wan Tuhan,minta perlindungan,insya Allah selamat haja kita,dijauhakan dari segala mara bahaya wan kejadian kejadian anih,sebab sebaik baik pelindung,hanyalah sang Khaliq

Sampai jumpa lagi di kisah kisah lainnya, fp ini kada akan maju bila kada peran serta buahan pian yang ikut memajukan, cukup dengan like dan kumint fp ini akan semakin semarak, dan tentunya admin akan semangat bakisah,manyambung kisah pun kada balawas lawas,sualnya dengan kumint pian kita bisa tau seberapa menariknya kisah dipandangan pian, pian rajin mangumint wan malike kami rajin bakisah

Penulis

Fendi ramanda