Bismillaah.. Kembali findi pop hadirkan kelanjutan kisah cinta diatas kapal yang berujung tragedi
Kalutuknik (titanik kowa) part II
(Gagarunum nini wan abah ijum dibalakang,cinta utuh wan gina sudah basambut)
Utuh: wah wah wah liwar bahagia aku dingai,dunia rasa milik kita berdua hahay..(Himung dibalas cinta)
Nini kulimbit landu:pina musti aku pang dianggap apa amun dunia milik situ haja berdua tuh..(Manyahut)
Utuh:hah manusia kah pian ni, ku kira satang kalutuk..(Mahapak)
Nini kulimbit landu:(takalipik)akay gilanya ,kisah kabungasan muha kaya dampul jukung,sumbung luuuuu..(Sarik)
(Duduk makin rapat utuh wan gina,tangan malingkar ka bahu gina)
Utuh: ding cuba lihati banyu sungai ni pina jernih..
Gina:iyaa ka..
Utuh:tapi sewaktu waktu baubah karuh,namun kada cinta ku dingai,selamanya kada akan pudar di talan waktu..
Gina:wew indahnya..
Nini kulkimbit landu:sisit bulu katiak mandangar ,asa handak jua di rayu..(Baparak wadah abah ijum)
Abah ijum:beuh maapa ikam landu mamarakiku.. (sambil manyatang kalutuknik)
Nini kulimbit landu:beibh gudain kita dung..(Baupang)
Abah ijum:(takalipik)mauk jua nih,bajauh sana aku lagi manyatang kalutuk,baaak..(Manyikut)
(Dabaaaaau tacabur ka banyu)
Nini kulimbit landu:(timbul tinggalam) tulung tulung tulung..
Abah ijum:(takalipik)akay tacabur,beuh pancangan jiun ni..(mamutar kalutuk)
Utuh:(takalipik)homaa kanapa sampai tacabur..(Marma)
Abah ijum:ayu tawakakan tali kalutuknik tuh..
Nini kulimbit landu:(kacawai kacawai)tulung tulung tulung..
(Ditawakakan utuh tali kalutuknik,disambutnya ulih nini,hanyar ditarik utuh bagamat,kawa dinaikakan)
(Imbah naik siup)
Gina:waduuh pinanya lamas sidin,pakai napas buatan ka ai gasan manulung sidin..
Utuh:beuh aku indah,pian abah ijum,pian nang tanggung jawab..
Abah ijum:(takalipik)akayy beuh iya am,ayuai..
(maanu nafas buatannai abah ijum manyampukakan muntung wan nini kulimbit landu liwar barikit ,pas kasadakan tabangun nini)
Nini kulimbit landu:(bakuciak)tidaaak ada iblis,apa dusaku jadi ta kanaraka..
Abah ijum:(takalipik)beuh liwarram aku di padahakannya iblis,ikam balum mati tapih karamattai..(Sarik)
Nini kulimbit landu:(takalipik)akay iyakah,ai iih lah hehehe..(Mahahar muha)
Utuh:hahaha himung sidin..
Nini kulimbit landu: ai gigi palsuku mana nih..(Mahahar ka gusi)
Abah ijum:(baludah) puiih puiih,gila kanapa ta kadalam muntungku, mandai asa bagigi,sakalinya gigi palsu sang legenda tapasang di gusi ku..(Manjurung)
Nini kulimbit landu:curut bahimat banar kalu manguyut sampai ta ka situ gigi palsuku..(Sarik)
Utuh:hahaha,roman romannya bajuduh pang buahan pian ni abah ijummai wan landu,pina bainjaman wan gigi palsu gkgkgkgk..
Abah ijum:beuh ramalan gila..(Sarik)
Nini kulimbit landu:sebenarnya abah ijum ni kada levelku pang,levelku tu nang mudel tum cruse,nangini mudelnya nang kaya balik minyak gas..(Asal sambat)
Abah ijum:(takalipik)gila siapa jua nang hakun wan situ..(Sarik)
Nini kulimbit landu:tapi kalau mimang takdir Nya, aku satu hatap satu ranjang saparmainan dalam kalambu,ikhlassai haaku..(Kijip kijip mata)
Abah ijum:beuh aku pulang nang indah,biar kada..(Jual mahal)
Nini kulimbit landu:tahu haja aku abah ijummai,pandiran ikam wan hati lain,cuma kisah jual mahal banarai kisah gagah,sumbuuung lu..
Abah ijum:(takalipik)akayy ngerinya..
Gina:ayu sudah kita lanjutakan perjalanan..
Abah ijum:ayu..(Manjalanakan kalutuk)
Gina:ka pian handak makan kah,ulun mambawa nasi tadi barantang..(Liwar baik babinian ni)
Utuh:wah uki..(Himung)
Nini kulimbit landu:ada juakah gasanku gina..(Managuk liur)
Gina:sarantangannya ni ai,buka muntung pian ka ulun manyuapi.. (Manyuapi utuh)
Utuh:(manyuap) wah enak masakan sayangku , aku ada ai nah gasan pian makan ni ai..(Manjurung)
Nini kulimbit landu:beuh nangapa ni pina ba toples..(Mambuka)
Abah ijum:bagi bagi coooy..(Handak jua)
Nini kulimbit landu:(takalipik)homaa cinguuur..
Abah ijum:(takalipik)beuh pancangan hancur gusi,kaya apa mamamah,kada jadi minta aku..(Takicing)
Utuh:di untal untal ha,cingur hanyar tu,nukar wadah bibi pincuk tadi..
Nini kulimbit landu:(maigut)homaa tapacul gigi palsuku,liwar layaaat..
Utuh:hahahaha..
Abah ijum:curut nang dijurungi cingur nang bagigi palsu,iya barikit di cingur gigi sang legenda hahaha..(Mangakak)
Utuh:landu nih sudah boros casing,spare part rusakan ha pulang..
Nini kulimbit landu:beuh apa maksudnya..(Biingung)
Utuh:balum waktunya sudah landuran awak, gigi habisan sudah hahaha..
Nini kulimbit landu:(takalipik)nyata ai tuha sudah hantuai..(Sarik)
Abah ijum:xixixixi..(Mangalikik)
Nini kulimbit landu:beuh tatawa banar kimpus nih,saurang bangat lagi gigi palsu haja kada baisi,manawa akan urang ,sumbuuuung luuuu..(Sarik)
(Pas gina malihat urang dari jauh di batang pina mangiyau)
Gina: ka cuba lihati pinanya ada panumpang..
(Siapakah yang mangiyau,tragedi yang kaya apa yang menyebabkan kalutuknik tinggalam,nantikan kisahnya di episode terakhir hanya di kowa)
Mun katuju kusambungakanai ke season selanjutnya,mun handak lakas di kumint buat yang baca,jangan sampai postingan di kowa dibawah seratus,supan wan fp lain membernya 76 ribu kumintnya tipis wan like
Penulis
Fendi ramanda
0 komentar:
Posting Komentar