utuh batamu jodoh

Komunitas WawaLuhan

Bismillaah.. Findi pop hadir mambawaakan kisah motivasi khusus malam jum'at, esok kita sambung kisah kalutuknik

utuh batamu jodoh

(Saat itu dirumah utuh,utuh lagi bapandiran wan kuitannya)

Uma utuh:ui nak,ikam niti sudah bagawi,umur sudah cukup,sadang sudah barumah tangga,tampulu kuitan ti masih hidup,himung uma ikam ni malihat ikam babini..

Utuh:ulun ti tapikir haja nang kaya itu, tapi sampai wayah ini ulun balum tatamu nang cucuk,ulun handak baisi bini kada cinta wan ulun haja,tapi wan dika jua ma ai,parcuma baisi bini cinta wan ulun,imbah ulun tinggal bagawi manyipak wan mintuha...

Uma utuh:cucubaan pang bapinta banyu wan siapang kah..

Utuh:nang ngaran sariat ti bulih haja,tapi gasan nang sudah kuat akidah,mun nang kaya ulun ti masih awam,musia kabalujuran binian handak wan ulun lantaran ulun bapinta banyu wan urang pintar pas ulun takaku,nah jar ulun manjur ampun urang pintar netu,kada ingat bahwa Allah jua nang manjadiakan bisa manyalah ulun..

Uma utuh:mun damintu ti nang kaya apang lagi nak..

Utuh:pian niti ma ai karamat nang paling tinggi bagi ulun anak pian,tulung do'a haja ulun,kaina malam ulun maminta langsung wan Allah Ta'ala sambahyang tahajut insya Allah dapat nang cucuk dihati..

Uma utuh:siapa haja nakkai nang manulak ikam rugi,nangapang lagi,ikam ni anak liwar bakti wan kuitan,himung tarus kuitan,taat Agama ha pulang..( Han dangsanak kuitan utuh bangga jar wan utuh,ayu nang marasa baisi kuitan buat bangga dangsanaklah tampulu masih hidup,sabab apabila kuitan maninggal hilang satu keberkahan di hidup kita, ridho urang tua ridho Allah ta'ala)

(Pas malamnya utuh sambahyang tahajut maminta juduh,umanya damintu jua,isuknya pas utuh bulik bagawi maisi binsin dikampung sabalah batamu wan babinian langkar)

Utuh:assalamu'alaikuum..

Binian:wa'alaikuum salaam..

Utuh:handak kamanang ding,kanalakan ngaran ulun ka utuh dingai,pian ti am siapang ngaran..

Binian:ulun ti ka ai aulia ngaran..

Utuh:subahanallaah segala puji bagi Allah yang menciptakan keindahan melalui diri ading,dan diperlihatkan dihadapan ulun..(Ini rayuan kada manyalah, mamuji Tuhan dahulu nang manciptaakan kana jua wan manusianya)

Aulia:ya Alhamdulillaah,ulun bulik dulu ka lah,rumah ulun diujung jalan ulun anak haji amat

Utuh:enggih dingai

(Bapisahai buahannya esoknya datang utuh karumah aulia)

Utuh:assalamu'alaikuum pa haji

Pa haji:wa'alaikuum salaam, nangapang habar ikam ka sini..

Utuh:ulun niti utuh mattan kampung sabalah,yang atas ijin Allah sampai kasini handak manjalin silaturrohiim wan pian..

Pa haji:baiknya pamandiran ikam tuh,ayu masuk..

(Masuk karumah imbah duduk)

Pa haji:napang tujuan ikam ti tuh kasini selain silaturrohiim

Utuh:ulun niti pa hajiai handak malamar anak dika..

Pa haji:uuh damintuah,tapi masa depan nangapa nang sudah ikam siapakan gasan anakku..

Utuh:partama ulun ti handak mahimungi kuitan ulun malihat ulun barumah tangga wan jua manjalanakan sunah Rasul,nang kadua ulun handak manjadiakan anak pian sebagai istri yang solehah disetiap langkah dan baktinya dicatat sebagai ibadah belipat ganda, lantaran adanya ikatan pernikahan, selain itu karena baktinya sebagai istri wan ulun sebagai lakinya yang membuat ulun Ridho wan aulia mudahan kelak inya jadi penghuni surga,ulun dari kaluarga kada barada tapi Insya Allah ulun bisa bertanggung jawab,dan jadi minantu dika yang baik..

Pa haji:(bakiyau)auliaa auliaa

Aulia:inggih abah..

Pa haji:utuh kasini malamar ikam nakkai kaya apa tanggapan ikam..

Aulia:abah, sesuatu yang baik harus dimulai dari yang baik jua,ulun sarahakan kaputusan wan pian,ulun handak bakti wan pian,ketika malapas ulun jadi bini sasaurang pian ridho dunia akhirat..

Pa haji:nak aku ridho dunia akhirat,nang kaya utuh ni yang kucari jadi mantuku..

Utuh:alhamdulillaah,makasih pa haji..

Pa haji :suruh kuitan ikam balamaran pas bulan haji ikam kunikahakan..

(Akhirnya utuh batamuan wan juduh,nikah dan bahagia)

Pesan:do'a urang tua wan Ridhonya merupakan keramat yang paling tinggi dimuka bumi ni,perbaiki sikap kita wan kuitan,sebab bila sidin sudah maninggal,hilang satu keberkahan dalam hidup

-mun malamar babinian jangan kisah sugih atau sok,tapi tunjukakan apa adanya,jadi kaina kada jadi tuntutan urang dangsanakkai

-mun sudah siiap lahir bathin,lakasi manikah,banyak pahalanya,titik paluh kita mancariakan duit gasan kaluarga merupakan pahala nang luar biasa

-handak mamuji binian puji dahulu nang manciptaakan binian netu jadi kada manyalah

-teknik malamar utuh kawa dipakai sanakkai..

Mudahan kisah ini bermanfaat,kada balucuan,muhun maaf segala kekurangan,segala sesuatunya atas ijin Allah

Penulis

Fendi ramanda